樂天經典 (已結業)

朋友約食飯話去樂天，我話唔食小籠包呀，點知佢話唔係樂天皇朝，係「樂天經典」呀～哈，原來樂天經典係食星馬菜，正！好掛住胡椒蟹二話不說一定要點星洲黑胡椒螃蟹！好有新加坡味道，黑胡椒份量剛剛好，味道調得very good; 隻蟹好大且多肉，唯一唔好係蟹殻好硬食蟹唔夠飽，以點左個粉：古早魚香老鼠粉出奇地好味，超推介！怕魚香（咸魚）既人可以唔洗擔心，因為係另上，可選擇混唔混合埋一齊食。仲要加隻生蛋，未食已聞到香味！配料有肉碎及冬菜等等，唔會覺得淋bedbed反而有咬口！菜香鐵板豆腐都係我推介聽所侍應哥哥話豆腐係師父每日親自動手整，唔係出便街買番黎加工就算！鐵板豆腐看似簡單，其實好多步驟！以為得豆腐？鐵板底層先煎蛋醬， 再煎上豆腐，最後放上醬汁。熱騰騰最適合配飯！比較遜色既係炒菜⋯味道唔夠出眾，定係而家呢個季節唔適合食呢款菜？不過整體very good, 返屋企食番多d生果都有纖維啦

一直都唔太捨得係香港用成千蚊食肉蟹，只能間中係腦海回味當年係泰國食到既高質胡椒蟹，適逢生日月要慶祝下，就同屋企人去豪一豪啦。星洲黑胡椒螃蟹 ($368)出街食蟹最怕食到削肉又唔足秤，好欣賞呢度寫明每隻蟹大約有1.2斤重，仲要砌返好成隻蟹型先上菜，真材實料。夢想中既黑胡椒蟹一上台已經覺得香到爆，急不及待食個鉗先，一開已經知好食。 蟹肉十分厚實鮮甜，精華完全鎖住係鉗入面，啖啖新鮮爽口蟹肉冇得彈！ 雖然蟹身斬開左黎炒，肉質依然扎實，仲食到一股鮮美既肉汁，夠新鮮真係單係原味已經好正。 黑胡椒調味亦做得好好，惹味微辣但又唔會蓋過海鮮既清甜，最後忍唔住淨返d醬都lam埋佢，唔會過咸或令人口乾。花雕雞油蒸螃蟹 ($368)本來預期清蒸會更加食到蟹既甜味，但可能食唔慣花雕黃酒既味道，反而覺得蟹肉有少少類似大閘蟹既草青味，有少少可惜。 比起黑胡椒蟹，花雕蒸蟹更加食到蟹既原味，底下既黃酒蛋白亦蒸得光滑幼嫩，感覺好養生，但我重口味就偏好黑胡椒蟹喇。脆醬美人魚 ($55)如果你超鐘意食日本魚仔零食，一定會對呢個前菜好滿意。 甜甜地既醬汁包住炸得透徹香脆既魚仔，魚骨透薄又夠脆，唔覺唔覺就清哂碟，香口惹味又補充到

從前只聞樂天皇朝，而不知有經典但當去過一次加拿芬廣場後，便好像發現了新世界香港竟然有吃南洋菜的餐廳？然後下一個問題就是，甚麼是南洋菜？但看懷舊墨綠的裝潢，便覺得應該一大群人來叫一大枱餸，好好吃享受一個晚上也因為人多，可以試到超多菜式，真的無憾了！前菜：這個冰鎮苦瓜上碟時真的驚豔全桌，超薄切的苦瓜非常透薄。年紀尚未到識得欣賞半生瓜的我，也不抗拒這個苦瓜前菜，因為清涼感十足，而且拈上桂花蜜，苦也變甜。這個海哲頭吃下去也是涼浸浸，啖啖肉，適量的酸味完全是提升食慾主菜：來到秋天少不免吃蟹，而且南洋菜的話，新加坡的蟹饌絕不可少。這期樂天經典推出「蟹惑」包含了多款最受歡迎的蟹菜式，叫一眾愛蟹之人無法抗拒。先來這一道是黑胡椒蟹。上碟時大部份的殼已經敲碎了，也分好了蟹殼，蟹鉗和蟹腳。選用的是肉蟹，超級多肉，黑胡椒的惹味仍不減內裏蟹肉的鮮甜，一流！另一味主打蟹饌就是龍虎燴，名字就夠霸氣了，吃下去卻異常溫柔敦厚。用了多種海鮮熬製而成，煲裏的米線吸收了整個海鮮煲的精華，一碗這裏的湯麵令人欲罷不能！新加坡辣椒蟹配炸饅頭！吃完才記得拍照，蟹的醬汁非常多，感覺超級適合送飯！這個古早魚香老鼠粉煲也非常特別，上碟時配

尖沙咀加拿芬廣場新開張，樂天餐飲集團另一品牌"樂天經典", 食既係充滿異國風情既南洋中菜，即係源自中國移民再結合新加坡，馬來西亞，泰國，印尼當地既香料，食材及烹調手法演變出嚟既美食主打菜式星洲黑胡椒螃蟹，黑椒味濃郁得嚟調味恰到好處，配上空運到港既重量螃蟹，大大昇華了蟹肉既美味。冰鎮苦瓜拌柱花蜂蜜配搭新鮮，刀功一流，味道甘口配上桂花香既甜味感覺清新另一重頭戲係材料豐富既龍虎燴(2-4人份量), 除了大螃蟹，還有魚，蜆，蝦等海鮮，海鮮湯芳香濃郁，個人覺得可以不用加麵，當海鮮湯飲更暢快。菜香鐵板豆腐亦係另一款眾人至愛，自家製充滿蛋香既豆腐，底層有薄薄煎香既蛋捲，加上惹味醬汁，越食越開胃。味道最驚喜係古早魚香老鼠粉，湯底稍為杰身，湯汁掛粉之餘，亮點係加入左青檸汁既鹹魚醬，撈匀入湯底時，味道竟然有一點像芝士般既香濃感覺，朋友說像食pasta般既感覺，非常特別亦很美味。最後甜品既招牌酸柑香茅凍及三色柱花班蘭糕，非常精緻，味道清新，尤其香茅凍更是美味，臨尾清新一番為晚餐完美落幕