勝面 (已結業)

去朗豪坊行街街諗唔到食咩好，見到一間台式餐廳人唔多唔洗等位就一於試吓。啲枱都好闊落，唔會逼住食都食得唔舒服。麵類可以選擇刀削麵或者新竹米粉，涼菜款式就較少。見到甜點有流心麻糬芋泥雞蛋手工手抓餅，仲要係餐廳推介，當然要試吓啦！✨台式甜不辣拼花枝丸滷肉飯 $68份量大大碗，材料好多。珍珠米飯粒粒分明，而家好有咬口，係我最喜愛嘅質感😍 生不辣同花枝丸帶有少許淮鹽香，味道剛剛好，而且好彈牙👍🏻 滷肉肥瘦啱啱好，肉汁亦香濃。雞蛋就普普通通，唔夠入味。✨涼拌手撕雞無骨鹽水雞湯米粉 $72新竹米粉真係唔同啲，咬落冇咁林，口感比普通米粉好好多👍🏻 無骨手撕雞味道夠香夠嫩滑，啖啖肉冇骨食落好正😆✨秘制古法滷水拼盤湯刀削麵 $75刀削麵好食，麵質煙韌好咬👍🏻 主要係滷蛋唔夠入味同埋豬頸肉韌咗啲，牛鍵心同埋雞翼肉質都夠腍又夠味，豬耳爽脆咬落卜卜聲，豬大腸夠入味所以好好味👏🏻 ✨炸地瓜條 $38新鮮炸出嚟好香，不過面層唔算好脆，有少許腍腍地，但地瓜配合埋少少鹽令味道更加香甜😋 擺盤亦都好靚👏🏻✨流心麻糬芋泥雞蛋手工手抓餅 $45喜歡食芋頭一定要試吓哩個特色菜，配搭有特色亦有驚喜。芋泥味道香濃，而且偏甜少少，配

是日菜單：✧流心麻糬芋泥雞蛋手工手抓餅 - 招牌特色菜，出面未試過哩個菜式，配搭夠晒驚喜。雖然感覺唔係好match，但食落味道出奇地夾，絕對值得一試！✧台式甜不辣拼花枝丸滷肉飯 - 飯粒好好咬，係我最愛嘅質感，滷肉味道好食，配埋甜不辣同花枝丸，整體感覺好味道！✧涼拌手撕雞無骨鹽水雞滷肉飯 - 手撕雞夠嫩滑，無骨食落更方便。✧炸蝦餅 - 菜式正常，唔算好特別，但味道不錯。✧愛荔絲之夢 - 荔枝味略嫌不足，幸好配有荔枝肉，感覺稍為改善咗。✧凍珍珠奶茶 - 台式餐廳嚟講，珍珠奶茶味道一般，茶味唔夠香囉，珍珠略嫌較硬，整體有待改善。今次體驗良好，總結嚟講，特色菜值得一試！

ᴛᴀɪᴡᴀɴᴇsᴇ ᴄᴜɪsɪɴᴇ🇹🇼.呢到嘅老闆係台灣人 所以好搞笑 佢要啲staff都係講普通話🤣好欣賞呢到嘅staff服務態度幾好‼️.台式甜不辣拼花枝丸滷肉飯🍚 $65甜不辣同埋花枝丸都好有彈性好有咬口😍但係落得太多准鹽 有啲蓋左佢地嘅味☹️不過個花枝丸幾好食 有好多墨魚粒粒喺入面 好夠鮮味 口感好煙韌😋個滷肉汁都幾多 啲滷肉碎肥瘦適中👍🏻但係個味唔夠濃同台灣差太遠~同埋隻蛋都滷得唔太入味🙈.涼拌手撕無骨鹽水雞拌刀削麵🐥 $68 配蛋花湯🥚自己唔太鐘意食辣 所以覺得個麵麻麻地🤭個麵嘅份量偏細 真係得幾條就冇曬~~飯會抵食啲😂個鹽水雞冇乜雞味🤨呢個整體一般🧐拌麵會送蛋花湯😛媽咪覺得幾好飲 我就覺得濃味左啲🤔.炸地瓜條🍠 $38唔知係因為影相影內咗定點🤣個地瓜條係熱嘅 不過炸得一啲都唔脆 都幾腍🧐個地瓜好香甜🧡仲放左啲鹽吊味 食落更加清甜😍同埋佢擺盤好靚 好似層層疊咁一條條疊住🥳但係份量就少左啲🙈.芝士肉鬆雞蛋手工手抓餅🧀 $42我係為咗啲手抓餅嚟食嘅 果然冇令我失望 好好食💓冇諗過啲芝士咁多 爆曬出嚟😍煙煙韌韌嘅餅皮 夾埋軟腍腍嘅芝士一齊食 口感一流🤤芝士好夠鹹香味 肉鬆帶點甜味 好

之前幫襯隔離餐廳個陣發現咗呢間賣台式食物嘅店，晏就諗唔到食咩就一於試下。餐廳都幾光猛，但個人覺得有少少太光。地方同座位反而幾好，都算寬敞。當日serve我地嘅印象中係講國語嘅姨姨，唔知係咪特登請返台灣人，幾有親切感。-台式甜不辣拼花枝丸滷肉飯 $62滷肉飯份量頗多，大量滷肉淋於白飯上，腍軟但唔太肥膩。花枝丸熱辣辣且酥軟，稍嫌調味料太鹹。甜不辣切成幼條狀，入口軟軟韌韌，有啲似食緊魚蛋，口感唔錯。-鴉片黑糖波波鮮奶 $33見個名咁得意叫咗杯飲下，但甜度實在太高。之前都有飲過其他手搖飲品店嘅黑糖產品，正常糖對我而言都唔會太甜，自問自己都算食得甜野。但呢杯太死甜，撈勻飲都好甜。珍珠口感還可以，唔會出現雪到硬身嘅情況。建議大家想飲呢杯的話，最好叫少甜。

朗豪坊11樓開咗兩間新嘢，一間日本嘢，一間台灣嘢，兩間都好多人排lol台灣嘢《勝面》條隊短啲，就揀咗佢嘞🤣排隊嘅時候先見到原來佢喺台灣已經開咗13年，主打牛肉手工拉麵。咁耐仍然屹立不倒，仲要擴張嚟到香港，就知道唔惹少啦！😍新開張嘅關係，入座時間只有一個鐘，不過我諗遲啲會好啲嘅～裝修簡潔，地方闊落，燈光光猛，幾舒服～枱上仲提供USB/無線叉電，最重要嘅，係佢真係work架😂😂😂 非常貼心！招牌麻辣牛三寶 ($82)（新竹米粉；小辣）既然佢話主打牛肉麵，又點可以唔試吓呢？！先講個湯，我哋叫咗小辣，香口又惹味，仲食到好香嘅牛味。通常食台灣麵都會覺得應該配麵，但個人覺得試下米粉反而會有新鮮感。今次揀嘅新竹米粉好幼、有彈性，又唔會太淋，冇令我哋失望🤩× 牛三寶分別為牛頸脊肉、牛頰肉、牛腱心 ו 牛頸脊肉：牛頸脊位於牛頸同肩胛之間，係運動量比較多嘅部位。肉質鮮嫩爽滑，肉味濃郁。• 牛腱心：牛腱係牛腿部嘅肌肉，運動量都相當大，所以筋多、肉質硬實，軟中帶筋，Q彈有咬口。• 牛頰肉：肉質爽滑細緻，有彈性。（其實基本上都係「好好食」嘅意思😂）× 另外仲有鴨血同豆腐 ×鴨血嫩滑彈牙，豆腐吸盡湯汁，相當好食

「勝面」是在朗豪坊新開的食店。小編起初沒有細心留意，還以為是日式拉麵店，直至接過餐牌一刻，才知悉餐廳原來是一間台食店，哈哈！餐廳的內部裝潢簡潔，以白色作主色調，略帶咖啡店的影子。食品方面，一般台式小吃、飯麵、甜品及飲品都有選擇。「涼拌豚白肉」及「麻辣滷豆腐」皆屬涼菜，香辣口味適合喚醒口中味蕾。因豆腐本身吸汁，辣意更為明顯。小編不嗜血製品，只好遠觀這客「麻辣滷鴨血」。「台式鹽酥雞」擁有不俗的酥脆感，只是味道略鹹，鹽份分佈不夠平均。「蒜香台式香腸 (原味拼墨魚)」簡而美，一向討得小編歡心。主食「台式甜不辣拼花枝丸滷肉飯」內含甜不辣、花枝丸、滷肉及滷水蛋四款餸料放滿飯面。甜不辣即炸魚餅，它與花枝丸同屬炸品，不論口感味道皆有點相像，外酥內彈。滷肉肉碎切得比一般肉碎大粒，肥瘦適中，亦夠入味。甜品「流心麻糬芋泥雞蛋手工手抓餅」放在飯餐末段品評確實予人一點點負擔。相反，來一客酸香清新的「百香果透心涼愛玉」，更覺怡人合心。台式飲品深得港人喜愛，尤其是一眾黑糖飲品。這杯「鴉片黑糖波波奶茶」口感細滑，甜度適中。黑糖波波擁有吸引的 Q 彈煙韌食感，整體評價佳。首次造訪「勝面」，淺嚐了多款台式小吃及滷肉飯，普

今日和四位朋友光顧勝面-香港店環境和裝修很美。店員用普通話接待顧客，感覺去到台灣光顧一樣。食物整體美味，熱帶南島（百香果），茶味較苦澀，美中不足。鴉片黑糖波波奶茶，珍珠彈牙，奶茶味道香濃，十分美味。