申子居酒屋

營業中

休息中

旺角高質日式居酒屋繼續撐住黑布街美食!申子係居酒屋裝修係型型地既黑色記得BOOK位呀~💛極上鹽燒牛舌芯呢個真係極度推介，重牛油香😋爽口厚身吉列千層豚肉唔係一般嘅豬扒，係薄切豚肉卷埋再吉列，外邊脆入邊Juicy另外仲有個係芝士, 下之次一定要試 !!!網燒西冷牛扒丼當日想食飯所以叫咗🤭牛扒燒得好靚熟度啱啱好😋汁燒活白鱔肉厚😉皮脆肉嫩真係啖啖肉好正呀其實唔止叫咗呢啲😂掛住食無影到總結：雖然價錢偏貴，但係質素絕對對得住個價錢

今日特登同朋友黎申子食，聽人講幾高質，想試好耐，終於有機會黎。一入門先探熱同寫資料，之後帶左我地上2樓坐，環境都幾舒服。 我地叫左海膽炒飯，吉列千層豚肉，葱拖羅卷同和風麻醬豆腐沙律。首先，葱拖羅卷有勁多拖羅，食落一啲都唔腥，而且有種入口即溶嘅感覺，一淡食哂好滿足。😋跟手就黎左和風麻醬沙律，一眼望落勁大碟，勁多麻醬而且唔係得表層有中間都有好多，一啲都唔手軟而且食落啲菜都好新鮮。值得推介。之後就係海膽炒飯，呢個真心值得試，因為以我一個唔太中意海膽嘅人食左一淡都會想食第二淡。首先個炒飯係炒得好香，令人食指大動，食落係一啲都唔腥，海膽味都唔會好濃，但整體味道就好正。最後先黎吉列千層豚肉，呢個等嘅時間比較耐，但黎到就知道好野係值得等下。芝士控嘅你一定要試下，芝士味極濃，肉質好嫩而且多汁，外層都炸得好脆。整體味道好唔錯，但係內𥚃嘅肉同外層炸皮就好分離，但都非常值得推介。

🇯🇵旺角居酒屋🇯🇵推介指數 ❤️❤️❤️❣️🤍旺角有幾條街名都幾得意，黑布街、白布街同染布房街，皆因1940年代聚集咗唔少染布工業，而黑布白布都係當時大多數使用同購買嘅布料！申子位於黑布街地下，位置都容易搵到，由信和行過都大慨10分鐘路程，見到居酒屋外牆有個相撲手就啱啦！裝修以木系作主調，感覺舒適。2個人叫咗5款嘢食都啱啱夠！以個人喜愛指數排咗先後次序：🔥汁燒活白膳：厚切膳片，燒得皮脆肉嫩，而且逼出魚油脂更覺肥美。🌊海膽炒飯：炒飯聞落都幾香，炒飯有菇加上面層蟹籽，食落更有口感，如果多啲海膽會更鮮味。🔥極上鹽燒牛舌芯：熟成度燒得啱啱好，食落都爽口，以價錢來講份量比較少。🥚蓬鬆玉子：中間係流心㗎，面層有醬汁同沙律醬，如果蛋味濃啲更吸引。🐽吉列千層豚肉：炸得酥脆，睇個名都估到係層層疊豚肉。🧊乳酸梳打-蜜桃：清新嘅蜜桃梳打。總結：-食物 ❤️❤️❤️❣️🤍環境 ❤️❤️❤️❣️🤍服務 ❤️❤️❤️❣️🤍

夜晚九點幾，當大部份旺角食肆將關店時，到哪裡開餐好？今晚，我倆就去「申子居酒屋」醫肚！小店門前貼有令香港人有共鳴的字句，店內亦是，感覺格外親切！挪威三文魚洋蔥卷（$98）特別之處是那幾條洋蔥，令普通三文魚卷多了幾分香辣！海膽炒飯（$178）珍珠米飯炒得很creamy，飯面一大塊海膽，新鮮到吃得出海水味！極上鹽燒牛舌芯（$108）牛舌爽口，沾少少海鹽更惹味！吉列千層豚肉（$198）必食！表面是吉列豬扒，切開才知道內裡是一片片捲著的豬肉片，絕對是心機菜！用口咬，不用切，吃得方便！西尾抹茶凍鮮奶（$58）加了鮮奶後，抹茶香更清甜、更滑溜！黃店質素參差，但「申子居酒屋」絕對是喜出望外！

呢間居酒屋我前前後後幫襯左好幾次，水準好穩定，而且客似雲來，通常都要book左先有位Lunch Set好抵食，因為第二個lunch set 半價。不過如果你要食串燒，小食，最好就5pm後先去，而今日就想介紹下佢哋嘅串燒鹽燒牛舌芯 ($108) 好好味，推介推介👍🏻👍🏻👍🏻！好𣺉，有入口即溶嘅感覺，而調味有2種選擇 -海鹽&柚子胡椒 (個樣有啲似芥末)，柚子胡椒有淡淡柚子味，唔會好辣，不過就幾鹹，其實本身份量多啲，不過忍唔住係咁食，食到差唔多尾聲先記得影相😅😅😂😂汁燒蒜片牛柳粒 ($98)牛柳粒好𣺉同入味，牛柳唔會好肥，不過我都係鍾意牛舌多d明太子芝士山藥 ($58)有驚喜，山藥本身味道唔重不過爽口，配上芝士同明太子，有口感，有味道，比較新鮮嘅配搭吉列千層豚肉 ($228)一層芝士一層豚肉，個皮都炸得都好脆，真係好好好多芝士，芝士控一定鐘意總括而言，食物質素相當唔錯，性價比高，所以回頭率相當高！

朋友喺旺角好夜先上完堂，揀間夜收的餐廳食晚飯，居酒屋是不二之選，而且又係黃店可以狠狠懲罰一下🐷。💛日式刺身沙律 $118💛枝豆 $42💛唐揚脆雞 $88💛吉列千層豚肉 $198💛申子飯糰 $98💛黑牛 $68💛西尾抺茶熱鮮奶 $52🇯🇵首先上的是刺身沙律，一上來貌相已經很吸引，各樣的魚生都不錯，加埋沙律口感好fresh🥗。🇯🇵不得不提是千層豚肉，豚肉好似蛋卷咁一層層，外脆內軟，肉質豐富，口感好好，不過可能原味冇咁突出，要點多些沙律醬補足。🇯🇵脆雞都算多肉，不過皮比較乾身和硬，同樣需要點多些沙律醬加強味道。🇯🇵飯糰外邊煎到脆脆地幾香口，內面有三文魚粒不過份量不多，如果飯有醬汁會冇咁㝰🍙。🇯🇵抺茶鮮奶味道比較清淡和稀薄，如能濃味一點較佳🍵。🇯🇵黑牛是可樂加一球朱古力雪糕，非常甜美，雙重的熱量，把我跑步成果一下打和🙈。說實話以這食物質素計，定價略偏貴，但氣氛搭救，而且周邊佈置及小裝飾都盡顯心思，加上有文宣可加分。11點都仲係幾熱鬧，疫情之下實在難得。

依間日本居酒屋除咗主打係良知佢嘅菜式係一般嘅居酒屋都比較少見未到6:30餐廳已經爆滿所以大家一定要訂位先好黎食裝修格調好有日本風格部份嘅座位仲要除鞋坐榻榻米首先嗌左明太子芝士山藥做小食頭兩樣配料其實都好濃味但配埋味道清淡嘅山藥就啱啱好口感唔算好爽脆但燒得幾香仲有挪威三文魚洋蔥卷感覺有少少似食緊三文魚沙律佢最特別係用咗紫洋蔥三文魚嘅油脂香配埋紫洋蔥嘅香味感覺好清新同時亦係重口味就算唔太好洋蔥既我都覺得唔錯最值得推介係佢既吉列千層豚肉有別於一般嘅吉列豬扒佢係用一層層薄薄既豚肉疊埋一齊外脆內嫩咬落仲有唔少肉汁好Juicy點埋配有既豬扒醬黎食酸酸地好開胃申子卷用咗三文魚吞拿魚油甘魚再包住魚皮食落有少少脆脆既口感另外試左招牌既申子飯團滿滿嘅三文魚子鋪左係上面咬落仲有唔少鮭魚肉味蕾好滿足既一餐一定會推介比其他朋友黎食

聽聞旺角前排開了間日式居酒屋，價錢算係旺角屬於中上，唔少菜式都比較特別，想試都有一段時間了，記得上次去日本，每日都會出去食刺身、壽司、燒物同串燒等，巧合地今日去了呢區逛逛，這麼近水樓台，甚能不去探個究竟？ 【申子居酒屋】位於黑布街，在門口既左邊有個巨大相撲手嘅graffiti，見到佢就知已經到咗【申子居酒屋】了。踏入店內就係屬於地面一樓部份，雖然地方唔大，放咗三個擺滿清酒、梅酒等酒類嘅雪櫃、一張長吧枱同半開放式廚房都唔會覺得好焗促。連接二樓嘅樓梯唔算斜同窄，但我同朋友一直行上二樓嘅時候，感到地面有一點油淋淋，會是剛剛打翻東西嗎？印象分有一點打折扣喔。上到二樓就望到掛滿充滿日式風味既掛畫，枱櫈擺位尚算闊落，除二人梳化卡位外，又有圍埋一齊坐既「塌塌米」，算係坐得幾舒服。但呢日太爆場，個個都飲酒，成晚都唔係好傾到計，好有居酒屋熱鬧沸騰嘅氣氛。安排坐位後不得不提，因為枱面同時有水漬、少許油漬，隻碟好濕，我明都多人進餐，但係呢個衛生要加強注意呢，因為會影响感覺呢。但店員們都好好禮貌同積極主動幫我地換替碟子及清潔，都抵讚啦。.睇睇Menu都算多野揀︰刺身、壽司、炸物、天掃羅、燒物同串燒等等，價錢喺

今日接朋友仔收工喺佢公司附近食這間＂申子居酒屋＂幾鍾意他們大門和門口的裝潢，有點像置身在日本的橫街窄巷裡😜三色迷你丼這個三色迷丼，顔色已相當吸引（粉紅，橙色，黃色）粉紅色為吞拿魚蓉入口即溶油脂充滿在口腔內感覺幸福，三文魚䰵很出色入口卜卜脆很新鮮，海膽是我最愛，放入口中綿綿滑滑的感覺，慢慢sir入喉嚨，鮮甜又唔鯹，正到冇朋友😋吉列千層豚肉吉列千層豚肉外層的炸漿夠薄身，一啖咬下很酥脆，裏面嘅肉質很Juicy還會爆出芝士，雙重享受多種層次味道，唔使點醬料一樣咁夠味日式醬油炒飯用了珍珠日式米，黏黏糯糯炒得又夠乾身，陣陣香濃的醬油味，加上菇、蛋和蔥花點會唔好味😎

今晚同朋友係旺角行完街，大家都覺得有d肚餓，就想想食乜好，大家不約而同說想食日本嘢我哋一齊找吓附近有冇日本美食嘅店舖，最終找到呢間門面低調看不通既食店，我們就決定入去坐低尋食，睇吓得唔得先蔥拖羅卷，好多拖羅蓉，入囗好清新甘甜海哲柚子沙律，菜好新鮮爽脆，海哲爽囗彈牙極上鹽燒牛舌心，大細適中，一啖一粒，入囗嫩滑吉列千層豚肉，外脆內嫩，啖啖肉，好juicy申子飯，將蛋白打至起泡加上中間金黃色既蛋黃，增加個飯既賣相，然後將蒽粒、飯素和紫菜加入個飯撈勻，入口濃郁既蛋香味，creamy 美味黃金聖衣（雞皮），燒完出來熱辣辣，入囗脆咯咯炸豆腐，入口外脆內嫩，濃濃豆香味汁燒活白鱔，外皮香脆，入囗肥美居然可以在旺角發現一間坐得舒適，環境又 寧靜，又唔會俾人趕走，方便詳談，而且嘢食又正既食店，真係唔想推薦俾大家，收埋自己食