肉肉強食 by 鋒膳 (已結業)

好耐有鋸過扒，一諗起鋸扒，我就諗起長沙灣呢間肉肉強食，食過幾次，每次都冇令我失望，今次都係，依舊都係咁好食同抵食。呢個吉列豬柳只係＄20 ，你冇睇錯，今時今日仲有＄20 嘅鐵板我真係搵唔到香港有其他地方有，而且質素唔差，豬柳肉質咬落有口感，完全唔嚡，而且豬味濃，勁抵食。朋友食嘅係雜扒餐，睇落材料豐富，味道應該都唔差。比目魚扒有一份半，份量算係相當有誠意，魚肉幾滑，加錢跟餐仲可以配埋飯/意粉/薯菜，餐湯，面包再加甜品。今時今日呢個價位實在係冇得輸。

好耐無食鐵板扒餐，見這間甘多Like，便來試試！安排了我們坐在窗邊位，位置寬闊，又可看看窗外的街景，餐枱佈著紅色格仔布，感覺挺懷舊。我點了黑椒汁牛柳鐵板餐，塊牛柳不錯，黑椒汁也很惹味，食落幾好。吉列豬扒好大塊，比想像中大好多，味道也OK，性價比超高！朋友叫了洋葱汁雜扒餐，味道就一般。前面還有餐包、洋蔥湯，多到我後來意粉也俾番佢，因實在食不落。甜品可選啫喱或雪糕，我要了啫喱加花奶，食埋後感覺很完滿，超飽足！好抵食！

$20一份鐵板燒，今時今日仲可以係邊度搵到啊，估唔到呢個超筍優惠竟然可以喺長沙灣嘅一間小店比我搵到，紅色白色格仔餐枱布，好有懷舊感覺餐廳主打平價据扒，牛扒、豬扒、雞扒、雜扒、魚、羊架一應俱全，價錢豐儉由人，任君選擇加埋$18就可以享有以下食物，餐飲、餐包、餐湯，仲有甜品添提提大家$20吉列豬柳同埋雜扒餐$39淨係做到10月31號咋肉眼我就揀咗五成熟，咬落去果然一啲都唔鞋牛柳就會比較厚身一啲大大嚿嘅芝士牛肉漢堡依家半價，價錢$24都淨係做到10月31號咋最後我就揀咗雪糕作為我今晚嘅甜品

喺instagram見到唔少朋友推介呢一間位於長沙灣嘅扒房餐廳，話食品有質素而且好抵食，最近仲做緊優惠𠻹！就專登出九龍捉埋食肉獸老公嚟試吓。先講食品質素，後面再講價錢。我地點咗2份餐加一份小食，都非常有水準：首推芝士牛肉漢堡份量好多，細食啲嘅女仕真係未必食得哂。麵包唔係傳統漢堡包，而係好香口嘅洋蔥包，麵包仲灑上炸香咗嘅洋蔥碎，勁惹味。中間的漢堡肉扒勁多汁，以Affco 牛柳、西冷和肉眼攪碎而成，質地好嫩，一啲都唔鞋；肥瘦恰到好處，唔會太多肥膏導致無咬口，亦唔會太瘦令塊肉太乾。講真，我覺得比美國過江龍嘅Shxxe Shxxx更好食，如果睇埋價錢就真係贏9條街(價錢下面講）吉列豬扒亦非常出色，切開中間豬肉嘅紋理仍然清晰可見，證明呢到嘅吉列豬扒唔係用雪到梅晒嘅劣質冰鮮豬。食落口果然同平時食嘅吉豬唔同，睇返餐牌原來豬柳係用上宮崎快樂豬，爽滑有嚼勁有肉香味。外層炸得好香脆，炸粉唔會太多厚，用扒房傳統鐵板上檯，侍應姨姨會係你面前淋上醬汁，日式豬扒同港式醬汁配埋一齊食又幾特別。值得一提係我揀咗蒜蓉汁，吉豬表面真係有一大pat蒜蓉，令成個醬汁鮮味加強，正！牛扒有4個級別，我地揀咗中間嗰級嘅牛柳7成熟，

星期五放工孖住個食肉獸朋友去食肉，最鍾意發掘附近新餐廳嘅我，就決定去試呢間叫做「肉肉強食」嘅餐廳，個名有啲搞笑🤣。其實一睇餐牌就知佢係港式扒房嚟，價錢仲好大眾化添😊。餐廳嘅位置處於長沙灣同深水埗嘅交界，佢裝修同上手差唔多，下層係入口，而上層先係座位。面積都幾大，其中有一排卡位係窗邊位，雖然係望街景🌃，但感覺開揚。由於食物真係好平，我哋嗌到痴咗線🙈，又唔知原來食物係咁大份...，差啲食唔哂。羅宋湯同忌廉湯，我哋其中一份扒加咗$18要餐就有湯，而焗餐就送埋添。前者味道偏酸🍅，放工好攰都醒番，不過幾多料。後者味道正常，熟悉的味道，有唔少粟米蓉🌽。牛油餐包一個，頗為鬆軟🥯，但唔算特別香。吉列豬扒($20)，我嚟試依間餐廳嘅其中一個原因係因為佢賣緊廿蚊一份吉豬，你無眼花，係二十元正！吉豬每日50份限量供應，不過好彩我哋都食到😃。原來🐷吉列豬扒都係以鐵板上，齋講份量已經贏哂，因為係有兩大片，雖然就並非厚切。我哋揀咗蒜蓉汁，味道少鹹，但就取代咗傳統配炸物嘅沙律醬，始終炸物外皮夠脆就避免唔到會有啲乾身。至於豬扒味道同肉質唔錯，食得出無用鬆肉粉，餐廳仲強調豬柳係用上宮崎快樂豬製成！鐵板牛柳($128)，