天吉屋 (已結業)

自天吉屋越洋過海喺朗豪坊開張後一直人頭湧湧，每次經過門口都不乏等位嘅食客人龍，未有機會嘗試。呢日因為近期疫情驅使，竟因禍得福可以唔洗排隊直接入座。正如日店一貫作風，主打天婦羅就只主攻天婦羅，菜式選擇單簡而精。先斟一杯牛蒡茶濕濕喉嚨，牛蒡獨特嘅芬香撲鼻，吞咽後仍留於齒頰間。點餐後店員會送上一盤椰菜絲及柚子醋，可自由添加，柚子醋酸酸咪咪，頓時令沙律生色開胃不少。終於入正題天婦羅丼絕對依餐牌配圖比例製成，炸軟殼蟹堆積成小山丘狀，餸仲多過飯！！！有六大件軟殼蟹，金黃酥脆，殼薄肉多，入口仲帶油汁，好juicy；不過食多幾件略微有啲膩，建議配以餐枱上嘅醬料食用增添鹹香，會更惹味。溫泉蛋吹彈可破，外層包住一層麵包糠薄膜，一咬開蛋液噴射而出，蛋香撈飯無得輸呀皇帝菜與櫻花蝦炸成花環狀，口感鬆脆，又帶蔬菜嘅嚼勁，配搭幾特別；比起南瓜、茄子無咁油之餘又香口啲。味噌湯同樣出色，配料足，有紅白蘿蔔、牛蒡、豆干絲、豆腐，鹹度適中，呷一口順喉消滯，非常滿足。朋友點嘅All Star，名符其實樣樣皆有炸蝦大小中等、肉質爽彈；紅鯛魚稔滑軟嫩，魚肉厚身有質感，以紫蘇葉包裹，表皮近似魚皮質感，黏滑彈牙；洋蔥加櫻花蝦嘅配搭惹

天婦羅是日本的煎炸名物，也是筆者的心頭好之一。據說天婦羅的名字源自葡語Tempura一字，有“快一點”的意思，是葡國人在大齋期以魚代肉、簡便速成的一個種油炸料理，流傳到日本以後，再加上日本人自家的專注研製和改良，令到一件簡單中見功架的炸物得以聞名於世，發揚光大。說得上做得出色的天婦羅，一定要炸皮薄如蟬袍，外脆內嫩火喉要控制得很好，酥脆而不油膩，就連用油與溫度也很講究，易做而不易精，進食時蘸上蘿蔔泥調成的醬汁，入口微脆軟嫩，鮮味多汁，但在香港能做到這層次的食店實在寥寥可數，大多流於表面而沒有細意製作，質素始終平平。早前從媒體得知連續五年榮獲日本全國丼聯盟天丼金賞獎，本店位於新宿的日本過江龍食店「天吉屋」進駐了旺角朗豪坊，便決意來訪朝聖一下，想不到未到七時已大排長龍，差不多等了30分鐘才可入座，但品嚐過後就明白等待一下其實也是值得的。店內地方不大，裝潢以簡約木系為主調，典雅的木餐桌加上和風招牌與排檔的設計，格局滲著濃厚的東洋小店風情，柔和舒適，猶如置身於日本本土食店一般。甫入座店員即奉上牛蒡茶…是的，你沒有看錯，是一般食市甚少提供的牛蒡茶，入口清爽帶著淡淡牛蒡獨有的香氣和回甘，據店員解說因