屋子空間 (已結業)

😎唔好誤會第一張發姣相我係煮完出黎，我只係去咗間有home景味嘅cafe姐😌~全間cafe 共3層，地下係廚房加茶水bar, 2-3/F都係坐位，仲有少少露台位比你chill下影下相📸(我身後就係3/F 露台位)。食物方面，唔好睇佢用紙兜好似好細碗🍜，用對🥢筷子插入去你就知有幾多，夾個下...都幾驚d 餸會跌出黎。豚肉片好多，仲有香甜蘿白做餸，不過要提提各位，本身個飯幫你加咗7味粉，所以食起上黎有少少辣，如果完全要走辣嘅朋友記得同店員request 番😉。套餐跟野飲(除奶蓋、珍珠同芋圓飲品)，叫左杯透心涼 🍊🥤#西柚果茶 少冰，好開胃好解渴。都係個句啦，#無得去旅行 係🇭🇰香港都有個咁嘅地方比大家去下～

假日下午來到大圍覓食，來到全白色設計的日式餐廳屋子咖啡其中一間分店—屋子空間食個簡單下午茶。進食空間有地下和一樓加室外少量位置，樓上是美甲店，沒有上去。今次坐了一樓室外的位置，望出去有一大片樹林，旁邊則是行人路和馬路的景色。這裡的食物選擇不多，主要以飲品、小鬆餅和烏龍麵為主。和友人都各自叫了一份味噌豚肉溫烏龍麵，暖暖的烏龍麵配料也很足，帶點微辣，味道不錯。另外亦叫了一杯熱西柚水果茶，是檸檬茶加西柚汁的感覺，帶點酸澀味，但酸酸甜甜也算開胃。

今日就介紹下週末去邊度啦！打邊爐🍲、Party Room 都唔得，就唯有約下知己閨蜜去Cafe度傾下計啦！呢間Cafe位於大圍，雖然係大圍最旺既大圍道附近，但勝在係公園旁邊同埋係一間獨立屋，方便得黎又帶點清靜，純白色既演修岩哂大家嚟影返張相，打返個卡！前幾日Lunch路過附近就試下佢既午市，Cafe主要賣烏冬、小鬆餅同飲品三樣野為主。烏冬加飲品賣$79價錢都算合理。豚肉用味噌加埋大根一齊燉煮，大根同豚肉都煮到幾腍，感覺有少少似連鎖牛丼咁。雖然有加到少少辣粉，係有點味道，但可惜味噌味道唔夠，有點淡。同時，烏冬唔係太入味，好似同味噌味有點格格不入，但勝在份量都好多，幾大碗，做Lunch一定夠飽！呢排天氣熱左，就一定飲返杯鳳梨水果茶，味道正常，清新，無落太多糖或其他奇怪味道，都OK！作為一間Cafe，食物同飲品質素都唔錯。週末未諗到去邊，不妨可以同朋友知己一齊嚟傾計、食野、打卡！