柞木炭家

營業中

休息中

韓式燒烤餐廳俯拾皆是，但柞木炭家卻是全港首間選用柞木炭燒取代普通爐燒，更提供熟成帶骨肉眼、韓牛肋眼上蓋、和牛三筋肉等稀少部位，對韓式燒烤有所要求的人定必稱心如意。店內以深石灰及啡木色作主調，用上韓國船木及金銅等營造出型格韓舍感覺，寬敞舒適亦不如坊間大部分韓式燒烤餐廳般污煙漳氣。入座後會先送上各款韓式前菜；除了各款燒烤肉類及海鮮之外，大醬湯、牛肉紫菜包飯、韓式拌飯等傳統韓食以至於和牛三文治、黑魚子季節和牛卷等新派料理都一應俱全。和牛三文治 ($368) 薄切多士塗上牛油烘香惟未能保持乾爽鬆脆，吉列和牛軟嫩鮮美且肉汁豐沛，肉味香濃而又不失油香。海鮮煎蔥餅 ($132) 真材實料幾乎每一口都充滿魷魚及蝦，質感厚實並煎得焦脆香口，除了香蔥之外紅椒味道亦較為突出。韓國豬手 ($255) 不如中式燜煮般鬆化軟爛，肉質反而近似燻蹄但豬皮更加嫩滑，調味鹹中帶甜恰到好處，配上生菜及韓式醬料更加地道，肥而不膩令整體更加清爽。濟州鮑魚人蔘雞湯 ($198) 將傳統揉合創意用上竹絲雞並加入鮑魚，湯頭更加清甜而人蔘味濃而不烈。最令人意想不到的是從雞髀以至於雞胸都嫩滑無比，整體而言甚至可以媲美韓國當地名店。慶州黑

太耐無去過韓國，唯有去食啲正既韓國過下口癮今次小廢就揀咗lunch time去食，就有啲午市套餐可以食下-▫️醬油蟹($368/1隻) 👍🏻味道適中，唔會過咸，以前食過啲太咸既，然後條脷損咗...比我之前食既好食好多，肉和膏都幾多下! 唔錯唔錯~▫️醬油蟹膏撈飯👍🏻因為嗌醬油蟹會配飯，無論撈醬油蟹既醬油定佢啲膏撈一齊嚟食都好正~加埋一齊最正▫️和牛三文治($318)打卡靚，但味道同我想像中唔同，有啲喼汁味，但食落口有滿汁足感。不過我都係覺得呢個價錢黎講唔太抵食▫️燒肉拼盤 (名品牛小排燒肉定食) ($145)牛小排加自選2款肉，咁小廢就加咗黑毛豬五花肉同和牛牛肋肉。我就覺得啲肉唔選太驚豔，相反食落去就相對一般，不過都叫做對得住價錢▫️熔化芝士燒肉定食配料，都係打卡專用~▫️韓式拌飯👍🏻叫燒肉定食會連埋個拌飯，撈埋隻蛋就咁食都好好味，加埋燒肉一齊擺入口，肉汁蛋香肉碎同蔥既香氣融合埋一齊，係韓國既味道!▪️環境舒服，燈光特別啱影食物相，無得去旅行都不妨食下回味返👍🏻 - 代表小廢推薦- 味道值：8/10C P 值：6/10 環境值：8/10 - 📍柞木炭家 The Charcoal Room銅鑼灣記利佐

🌸銅鑼灣美食🌸柞木炭家🥩近日天氣明顯轉冷，開始步入初冬，因此昨晚特意到了一間位於銅鑼灣的高質炭爐韓燒料理「柞炭木家」Chill 住享受暖笠笠的韓燒。餐廳非常寬敞舒適，裝修簡約，座位寬敞舒適。每枱也有垂吊的抽油煙機，能夠把韓燒的油煙吸得一乾二淨❗餐廳服務員殷勤有禮，會主動替收拾餐碟及更換韓燒網，還可替客人燒煮配菜❗餐廳還會為每枱客人送上多款的韓式前菜，包括芽菜、辣味蟹仔、芝士粟米粒及一大盅泡菜等。芝士粟米粒放錫紙盛器上，芝士粒燒溶後會與香甜粟米粒融為一體，味道相當濃郁惹味。❗👉🏻每位客人還會各自享有傳統韓燒必備醬料，包括韓式大醬、蒜頭，青椒及香鹽等，還有青蔥爽脆生菜供配搭烤肉包裹食用。我們一行2人共點了以下餐點：1️⃣🌟方切和牛 $258方切和牛肉質鮮嫩，相當肥美，和牛牛肉油脂分佈非常均勻，輕輕燒煮後的方切和牛肉入口即溶，口感豐富，相當滋味。美味指數：⭕⭕⭕⭕⭕️賣相指數：⭕⭕⭕⭕抵食指數：⭕⭕⭕⭕2️⃣🌟 韓牛肋眼上蓋 $280矜貴的厚切韓牛肋眼上蓋以大冰磚盛上，以確保肉食品質。此款牛肉肉質鮮嫩，油脂分佈均勻，同樣地把牛肉輕輕燒著後，牛肉不會韌，十分惹味❗️美味指數：⭕⭕⭕⭕⭕️賣相指數：⭕⭕⭕⭕️抵

餐廳環境好闊落，大塊玻璃可以睇到街外邊嘅境況，坐得好舒服，侍應好貼心，會主動幫我哋更換爐板，坐低已經即刻上咗前菜，仲有主打嘅泡菜，泡菜好入味，唔會好辣。青肉蜜瓜沙冰 賣相好靚，原個哈密瓜做杯上，有好多粒圓形哈密瓜，食極都仲有，水果好鮮甜，沙冰唔會太凍，感覺啱啱好，飲落甜度適中，推介！壽喜燒和牛西冷好大塊，燒嘅時候好香牛味，好易燒，好快熟透，食法好特別首先要同生雞蛋攪勻，之後再包住嗰飯波食。擔擔味噌茄子茄子份量好多，有大概8-9大大塊，混合肉碎一齊食，啲茄子吸咗擔擔味噌肉碎味，咬落仲好Juice。慶洲極上黑毛豬梅肉比較厚身嘅豬梅肉，燒好咗之後，再將邊位燒香，豐富嘅肉汁，好香肉味，唔韌！濟州活鰻魚十分推介，鰻魚好新鮮，魚皮燒出嚟好香脆，配埋鰻魚汁就更佳！和牛牛肋肉有十幾塊，脂肪比例適中，厚薄度適中，容易燒，加少少鹽更加帶出牛肋肉嘅香味。和牛三文治唔使燒即刻食得，麵包烘底香脆，和牛好厚身，口感好特別。

於網上平台見到一向跟蹤開嘅食家近日上載咗一幅相當吸引嘅和牛三文治靚相，得知出自銅鑼灣韓燒店「柞木炭家」，小肥即組咗團大食會去試。網上訂座流程十分簡易，最興奮就係可享全單85折優惠！不過有點好奇怪，就係要等到用餐當日先收到餐廳來電確認，並告知用餐時間限定為兩小時。餐廳佔用面積全層，以木為主嘅裝潢及橫樑屏風嘅設計時尚得黎都帶有韓國古裝片嘅影子。用餐大堂十分寬廣，餐桌間嘅距離足，唯獨室內光線偏暗，抽氣唔係咁夠勁。餐桌最特別嘅就係角落頭有個擺放煮食工具嘅窿窿。入座後，服務生隨即送上五款前菜小碟，款式明顯比一般韓燒店少，就連最基本嘅菠菜、魚餅、薯仔沙律、魚仔等都冇。五款小碟中只有泡菜一項係有得自行添加，似乎孤寒咗唔止啲啲囉！每位客人另有一份三式調味拼盤，係咩就要自己估啦，因為上咗枱後係冇人介紹嘅。唔知服務生係過份生手定係欠缺誠意呢，擺少咗個位居然要再三催促先補返簡單嘅自用餐具，唔問仲要冇乾、濕紙巾用，慳吝嘅作風越黎越顯著！桌上有自助式凍茶。餐牌上嘅飲品項目共有兩頁，大部份中、韓、英對照。酒鬼食韓燒當然係要啤一啤佢啦！食物餐牌則有五頁之多，包括三頁散點項目及節令菜式。另外兩頁為二人套餐「王道」（$