民聲冰室

營業中

休息中

打完Program見肚餓, 所以去左大坑食晚飯。途中經過呢間茶記, 見佢咸蛋蒸肉餅竟然夠膽收成88蚊, 所以入左去試下。點左呢個肉餅加碗白飯。 意外地幾好食。個肉餅肉同一般肉餅最唔同ge係 佢無乜用肥膏去造, 但竟然做得到Q彈效果。 絕對係心機之作。 而另一樣要讚ge係佢個鼓油係有Tune過, 同個肉餅好夾。總括而言,呢間ge肉餅水準好高, 下次會再黎。

下著毛毛細雨既呢日，同S先生走到大坑，食完「肉骨皇」後意猶未盡，又想食埋招牌肉餅山既「民聲冰室」，又想食個飯後甜品，到底二揀一揀咩好? 最終我地決定走多兩場，創下了一個晚上走三場既紀錄，真係認真難忘呢，更好彩既係有S先生幫忙包底(笑)。去到「民聲」門口，見到坐滿人，但再無以前咁勁連門口都坐埋，據說係食環唔比坐埋出面。門口更寫住每人最低消費$80，當下有點卻步，好彩詢問下叫兩個餸都可以。不過餐廳環境真係好迫下，得幾張檯，相信黎食既都係速展速決的。.鹹蛋蒸肉餅 $69聞名好耐既招牌肉餅塔，終於有幸一試。肉餅食落肥瘦佔半，食落唔會好乾同肥膩，撈埋甜豉油同鹹蛋食確實唔錯，如果唔係本身以食左晚餐，相信可以食到一碗白飯，但就未至於要山長水遠入黎試。.羔蟹蒸水蛋 $69份量頗大的蒸水蛋，面層放上羔蟹殼，內裡都見到有蟹腳，不過水蛋略嫌蒸得唔夠滑，有點實，所以食左兩啖就放棄了，難為了「他」嚕!

午飯時間，和同事一行五人來到大坑食LUNCH！為食的同事介紹這間民聲冰室！她說早兩天才來這兒吃過，想不到那麼快便再ＥＮＣＯＲＥ！！由於有衛生幫掃場，今天不能開門口的枱，於是只可以等位，大約等了１５分鐘，我們五人便迫入細細的舖內了！共點了五個餸，另加個菜啦！開房式廚房，員工全部著紫紅色制服可樂係大支裝再加冰底啊！！有誠意呀下！先黎係呢個最出名的咸蛋肉餅，肥瘦比例剛剛好，而且係用上甜鼓油！呢個真係一試難忘，以我咁鐘意食肉餅，呢個都真係極高分了！誠意推介！豬扒，街坊小菜貨式，ＯＫ！咖哩雞，我只食薯仔，咖哩汁唔太辣，岩我口味～叉燒炒蛋，感覺就無乜特別，我地後來先諗，唔知點解呢隻餸反而最貴？唔通係用日本有機蛋？另外有個梅菜魚唔記得影相，條魚好重味魚頭好大，雖則我唔太好魚都覺得幾好～～聽聞呢度夜晚都有其他類別菜式，不過主打都係個肉餅；大坑真係好多野食，有機會再試埋周圍的幾間！！

睇過電視節目『和味蘇』後慕名以來，知道會多人，所以六點鬆啲就到達，亦剛好有枱唔駛等！老遠已經見到呢個標記...嚟到至發現原來間舖咁鬼細，裡面得嗰三張枱，頂晒籠坐12人咁上下....，所以坐街機會絕大。坐低之後完全冇人招呼...，可能係準備晚飯市，我哋都唔理三七廿一，搵張枱自己坐低先，周圍望搵唔到嗰餐牌，原來好求其咁擺咗喺舖頭出面嗰地下度...講得慕名以來，咁就梗係叫食呢個出晒名嘅『咸蛋肉餅』同埋『口水雞』喇，雖然只係兩個人，但係遠道而來，所以叫多個『鮮帶子豆腐』。咸蛋肉餅：的確係好食嘅，女友就讚口不絕，我就冇乜驚喜，原因係我亞媽都可以煮到咁嘅水準，當然，一般飯店就冇呢度整得咁好食，唔鍾意食肥豬肉嘅朋友就差啲，因為肉餅有唔少肥豬肉，但冇咗呢啲肥豬肉又冇咁好食喎。口水雞：凍食，味道ok喇，都咪話唔辣，琴晚得十幾度，如果天口熱食呢味餸就合適啲。鮮帶子豆腐：亦都係ok，豆腐唔夠滑，但整體唔錯。總結：以晚飯嚟講算唔錯囉，起碼唔會食都一肚火，餸菜選擇唔多，食飯期間已經發覺有十幾廿人排緊隊，所以真係要早啲到。如果去開銅鑼灣、天后嗰邊，我應該再會幫親。有樣嘢要提下，就係嗰度清茶都冇杯，如果要飲就要俾錢

等左好耐!!! 響英國成日都睇OPEN RICE 講民聲,,,真係好想食個個咸蛋肉餅!!!!!!!自己住左響大坑咁耐都冇黎過...終於有機會喇!!!!一行五個人去民聲,,,,天寒地冬要坐出面...................其實係可以坐入面架,,,,,,,不過有兩個人霸左張五人台LOR!!!!不過最後都坐左入面 叫野食 -咸蛋肉餅-冇口水雞 不過有鹽水雞-羔蟹蒸蛋-豆豉鯪魚炒油墨菜-每人一碗飯我最欣賞個羔蟹蒸蛋！ 真係超好食LOR : )其實ｄ蛋又唔係話好滑,,,不過個味真係好好呀!!!!!!反而個個咸蛋肉餅就冇我相象中咁好,,,,,,我第一次黎,,,,,,可能因為太高期望喇,,,,,,,有個朋友黎過,,,,,,,佢千叮萬囑我一定一定要寫話個咸蛋肉餅縮水]不過係既,,,,,,睇反ｄ相 係應該係高ｄ既,,,,,,雖然係咁 ,,,,,,個味OK!就係因為個咸蛋肉餅縮水,,,,,朋友唔夠飽,,,,,,,,,,,,,,,,,,,,,黎多個肉餅!!!!!!!!!!!同兩碗飯!!!!!!!!!!不過第二個好似冇第一個咁好食,,,,,,廚師冇心機?！其他個兩個送就OK喇