金鶴拉麵 (蜆殼街)

營業中

休息中

去咗天后做完野, 當然要搵好野食醫肚啦. 蜆殼街成條食街咁，有好多食肆，見到呢間日式門面嘅拉麵館,一於試下啦. 店內裝修都係如同日式拉門館咁有BAR 枱對住半開放式廚房. 除BAR枱外還幾張2人,4人枱.  一貫日式小館感覺 簡潔企理 !  叫左 雞白湯拉麵-     $98 十分濃郁嘅湯底，雞湯飲落濃而不膩，幼身而彈牙嘅拉麵，配上慢煮日本赤雞，配炸牛蒡、葱花 、筍 有D似我喺鹿兒島旅行食嘅味道. 讚 ! 午餐 -黑豚叉燒豚骨拉麵 $68  可追加小食  我地加左個唐揚炸雞 3件  $28 彈牙嘅拉麵配上軟腍叉燒口感一流，豚肉香，爆漿溏心蛋.兩碗拉面都令人回味無窮,口感豐富, 色香味俱全.   唐揚炸雞又有驚喜 - 外脆肉嫉. 又唔會炸過龍. 好食.  無加錯. 另外左蒲燒生燒鰻魚- 一串 $ 68  試下佢地串燒嘅功力. 有料到. 外皮香脆, 但又保留到肉汁. 非常好食. 下次都可以黎飲酒食串燒也不錯.  佢地價錢唔貴 . 一定會再黎, 佢地仲有龍蝦拉面, 蟹湯拉面等等. 都好吸引. 

寒冷天氣下，最想窩在家的被窩。無奈要工作，放工順便買外賣回家。作為外賣達人，外賣平台app自取滿$100有八折優惠，加上餐廳推出一人套餐優惠，很划算。一人套餐有主食、小食和飲品$128起。⭐️蒲燒鰻魚飯一人套餐+$140，鰻魚的份量挺多，而且鰻魚比一般的較厚，表面烤得焦香，附上鰻魚汁，入口軟綿綿的，令人欲罷不能。⭐️唐揚炸雞炸雞大大塊，入口暖呼呼的，加上醬汁，一點也不乾。⭐️波子汽水+$20加上一瓶波子汽水，實在太滿足了！

今日做左伴購僮🤣辛苦左成日終於有野食啦係拉麵呀哈利🥰—————————————————隔左咁耐終於可以食拉麵啦一眼就睇中佢個期間限定蟹肉拉麵海鮮狂真係唔洗諗🤣🤣面頭有一個雪糕殻咁大嘅蟹肉球湯頭滿滿鮮味，正呀！麵條掛湯力不錯但略嫌軟左啲如果可以揀軟硬度更好朋友個雞白湯都好吸引啲炸牛蒡好似藝術品金黃金黃雞湯濃郁隨附雞胸肉好嫩滑肉汁唔知點解食親拉麵都一定會叫小食唔係餃子就一定係炸雞😂呢度炸雞水準都唔錯Keep到肉汁唔乾柴食完仲有甜品食 抹茶蕨餅🥰煙煙韌韌 好味🤤—————————————————❖ 北海道極濃蟹湯拉麵 $138❖ 史上極濃雞白湯拉麵 $138❖ 唐揚炸雞3件 $38

喺炮台山買完野，行行吓竟然比我發覺早幾個月喺土瓜灣食嘅呢間拉麵店，二話不說再戰一次！呢間分店雖然相對土瓜灣嗰間地方比較細啲，但裝修依然係行日本風，感覺都係舒服嘅。食物嘅種類都類似，係多咗串燒，不過小妹熱氣就冇嗌到。由於我對佢嘅雞白湯拉麵實在印象太深刻，今次都決定食返佢～雞湯味依然係咁濃郁，慢煮雞肉軟腍入味，好好味呀！今次終於知道嗰啲脆脆嘅一條條原來係炸牛蒡黎，怪唔之得有浸甜甜地甘甘地嘅味啦～提提大家呢個要趁早食，如果唔係淋左就苦多過甜㗎啦～睇吓佢啲麵係會掛到湯㗎！可見湯底功架十足！朋友試食佢嘅沾麵，可以揀雞肉拼叉燒、全叉燒或者全雞肉。係我極力推薦下，佢揀左雞加叉燒。朋友一試話湯味濃，大讚雞肉嫩滑，仲可以加湯添～原來沾麵仲會多半隻溏心蛋添!!下次我都要食沾麵先得。唐揚炸雞：雖然得3舊，但全部都好大舊厚肉。新鮮熱辣炸起，外皮酥脆，內裹多汁，推薦！原來呢間拉麵店不知不覺已經開咗咁多分店，睇嚟大家都識貨，日後都有食神啦～