影片
更多
2021-10-13
328 瀏覽
最近搬咗去旺角，試咗好多間區內嘅餐廳佢真係一般般，好想搵啲有大排檔風味有鑊氣嘅小炒，終於皇天不負有心人，俾我搵到呢間明廚！本來睇到下面個劣評有啲淆淆哋，戰戰兢兢咁入去，原來完全冇問題，仲正到爆！我哋八點未夠去到，全場爆滿，我一見到諗住呢次死啦冇得食，點知我個friend舉手話book咗位！原來佢嚟過，知道成日都爆棚，好彩有佢！坐底失嚟咗兩個「醉佳伴侶」（佢餐牌係咁寫）冰火辣味魷魚同冰鎮花甲，諗住未齊人送吓酒，點知已經有驚喜！上海街冰火果然有料到，凍凍哋辣辣哋好過癮！冰鎮花甲已經飛咗半殼，方便！酸辣適中，一啖啤酒一隻花甲，一碟眨吓眼食晒，忍唔住encore多一碟。之後叫咗五隻椒鹽賴尿蝦，成$268一隻本來覺得有啲貴，點知嚟到手臂咁粗，我諗最少有一尺長，夥計仲幫我哋拆埋肉！彈牙、鮮味、香口、真係冇得彈！小炒正宗夠晒鑊氣，啫啫通菜煲上到枱仲「揸」緊，滾熱辣，色香味俱全！不過同枱有個朋友話略嫌有少少鹹，但可能自己飲開酒重口味啲又覺得啱啱好。豉椒炒蟶子皇，蟶子皇大大隻，恰到好處唔會韌。最後芝士龍蝦煎米底仲精彩，隻龍蝦靚夠新鮮爽口基本嘢一定要，但係個煎米底先至係亮點！又香又脆又乾身，不過缺點就係要
本來睇到下面個劣評有啲淆淆哋，戰戰兢兢咁入去，原來完全冇問題，仲正到爆！
我哋八點未夠去到，全場爆滿，我一見到諗住呢次死啦冇得食，點知我個friend舉手話book咗位！原來佢嚟過，知道成日都爆棚，好彩有佢！
坐底失嚟咗兩個「醉佳伴侶」（佢餐牌係咁寫）冰火辣味魷魚同冰鎮花甲，諗住未齊人送吓酒，點知已經有驚喜！上海街冰火果然有料到，凍凍哋辣辣哋好過癮！冰鎮花甲已經飛咗半殼，方便！酸辣適中，一啖啤酒一隻花甲，一碟眨吓眼食晒，忍唔住encore多一碟。
冰鎮花甲皇
$168
19 瀏覽
0 讚好
0 留言
冰火辣味魷魚
$68
31 瀏覽
0 讚好
0 留言
之後叫咗五隻椒鹽賴尿蝦，成$268一隻本來覺得有啲貴，點知嚟到手臂咁粗，我諗最少有一尺長，夥計仲幫我哋拆埋肉！彈牙、鮮味、香口、真係冇得彈！
椒鹽賴尿蝦
$268
18 瀏覽
0 讚好
0 留言
小炒正宗夠晒鑊氣，啫啫通菜煲上到枱仲「揸」緊，滾熱辣，色香味俱全！不過同枱有個朋友話略嫌有少少鹹，但可能自己飲開酒重口味啲又覺得啱啱好。
啫啫通菜煲
$68
11 瀏覽
0 讚好
0 留言
豉椒炒蟶子皇，蟶子皇大大隻，恰到好處唔會韌。最後芝士龍蝦煎米底仲精彩，隻龍蝦靚夠新鮮爽口基本嘢一定要，但係個煎米底先至係亮點！又香又脆又乾身，不過缺點就係要等耐啲，個夥計話即叫即煎，所以要半個鐘左右，但係抵等！
芝士龍蝦煎米底
$380
23 瀏覽
0 讚好
0 留言
我一定會變常客，極力推介👍🏻
鼓椒炒蟶子皇
$168
12 瀏覽
0 讚好
0 留言
啫啫通菜煲
$68
8 瀏覽
0 讚好
0 留言
張貼
