翡翠拉麵小籠包

營業中

休息中

秋意涼涼，又係食蟹嘅好時候。見佢推出咗新菜單「金秋蟹粉盛宴」，套餐仲有84折。於是今日去咗食「真。滋味蟹粉四人餐］。四人餐超多嘢食，以足1.5両蟹粉炮製而成嘅菜式，實在大滿足。 套餐包括；蟹粉小籠包、前菜三色拼盤、四川口水雞、蟹粉蝦球鍋巴、椒麻酸菜魚、蟹粉豆腐煲、宋嫂魚羹、酸辣湯及豆沙鍋餅。我一向都好鍾意食翡翠嘅小籠包，今次招牌小籠包加入蟹粉，真係好令人期待。小籠包皮薄多汁，鮮肉餡配上蟹黃，一咬開已經聞到大閘蟹香氣。 唔知仲以為自己拆緊大閘蟹。 齒頰留香令人樂而忘返。佢個蟹粉蝦球窩巴又係超屈機。鍋巴超香脆有米香，蝦球大大粒爽口彈牙。最重要係配上1.5兩蟹粉， 可以大啖啖享受滑嫩嘅蟹粉。蟹粉濃沃嘅味道和鮮蝦真係好夾。 蟹迷必食。蟹粉豆腐煲，足1.5兩蟹粉。豆腐滑嫩而且有豆味。蟹粉充滿蟹黃油香味，蟹黃甘香豐腴。 塵世間就只有蟹粉可以令平凡嘅豆腐提升鮮味，進入另一個層次。呢個撈飯一流。最後要講下我嘅至愛.... 豆沙鍋餅， 新鮮出爐外脆內軟，熱辣辣超好食。作為今餐完美句號。四川口水雞，夠辣，雞皮下脂肪均勻，肉質好滑。勁多花生。酸辣湯，酸辣度適中，惹味。椒麻酸菜魚，食到中間個口麻哂。 鍾意佢寬

翡翠拉麵小籠包之牛肝菌篇《尋菇記》🍄初嘗crystaljadehk 最新推出的”滋味牛肝菌”四人套餐！新套餐新優惠，唔單止價錢低至7折，而且有多個套餐可以選擇！每個套餐都有前菜、點心、小菜、湯同甜品，另外仲配有4碗白飯🍚🔸湯品-酸辣湯&宋嫂魚羹酸辣湯-又酸又辣開胃之選宋嫂魚羮-鮮甜綿滑又有營🔸前菜-自選3式拼盤鎮江淆肉！清爽開胃！雞絲粉皮！爽滑彈牙好味！鎮江排骨！酸甜入味又惹味😋🔸四川口水雞麻中帶辣，新鮮又嫩滑，不愧為川菜之首👍🔸點心-牛肝菌小籠包新鮮出籠小籠包，熱辣辣更能突顯牛肝菌嘅鮮味，加配新鮮豬肉，湯汁更顯鮮甜滋味🥰🔸小菜椒麻酸菜魚勁多厚切脆鯇魚，鮮甜爽脆，再以酸、辣、麻透明闊條麵做底，呢味餸冇得輸🔸牛肝菌炒雞柳新鮮雞柳配以牛肝菌清炒，清新得來仲充滿牛肝菌味☺️🔸金銀蛋浸時蔬金銀蛋浸菠菜苗，消暑清潤又健康🥬🔸甜品-豆沙鍋餅香甜軟滑豆沙餡 + 脆卜卜窩餅外皮，食完一件又一件😂食完香辣野，即刻嗌返2杯特飲解辣😂😂😂·青蘋果柚子冰·甜言蜜語櫻花特飲”滋味牛肝菌”四人套餐，每一味餸都係大份量，六個人食都綽綽有餘😂😂😂

旺角東MTR嘅MoKo差不多最高個層食野地方寧舍Cozy, 搭𨋢直上都唔會等好耐. 今晚朋友推B車, 自然食頂樓嘅翡翠拉麵小籠包啦, 兩個大人嗌幾款小食加個麵應該夠了.•麻醬青瓜拌粉皮 (HKD50)濃濃花生味嘅麻醬每片粉皮都沾好多, 大量青瓜絲大大減低肥膩感, 粉皮口感軟腍腍薄薄的.•四川口水雞 (HKD72)雖然唔係雞脾但都啖啖肉, 選用嘅雞好肥美, 加上四川辣味完全係衝擊我地嘅味蕾, 花生碎都好惹味仲可以點粉皮食添.•上海小籠包 (HKD38)一籠四粒小籠包皮薄爆湯汁,係Li度一向水準之作.•上海生煎包 (HKD40)生煎嘅肉餡咬開肉汁滿滿, 包底香脆, 麵皮腍身, 推介推介!•蘿蔔絲酥餅 (HKD38)比一般茶樓大件好多, 酥皮顏色天然, 內有好多白蘿蔔絲, 熱辣辣又夠醎香.•四川酸辣湯拉麵 (HKD64)拉麵麵質腍身但唔糊, 條條分明, 酸辣湯味道剌激, 好好味呢！

$28個兒童餐，仲有玩具送！啱啱去完旺角新世紀MOKO新開嘅「翡翠拉麵小籠包」，佢哋新出嘅翡「趣」兒童餐真係好抵！ ($28係特價，其實就算原價$38都唔貴)個兒童餐好豐富，有兩個豆沙包、兩條脆皮春卷、一碟胡麻醬拌菜、一個拌麵同凍豆漿，除咗春卷畀爸爸食咗，BB成餐食到唔停口。至於我哋都有好嘢食，見到新出嘅夏日限定餐單，好多蕃茄菜式，我哋當然要試吓，個蟹肉蕃茄冷麵好清新又足料，個麵我見到師傅係即拉㗎㖭 😃👍🏻 師傅超好笑容又nice，仲不停同BB say hi，所以我哋成餐飯都食等好開心。我亦推薦個魚乾麻醬拌秋葵，一啲都唔會滑潺潺，爽脆帶點咸香，好滋味呀。當然每次嚟親我都必點四川口水雞、清炒蝦仁、上海小籠包啦！飲品方面都有新搞作，我哋叫嘅檸檬洛神花茶同鮮橙綠茶，都酸甜兼備，開胃又消暑，真心好飲！甜品方面，呢度嘅酒釀丸子好夠酒香，絕無欺場！而老公就大讚個薑茶湯丸夠辣，薑味好足，而且兩粒湯丸勁大粒又煙韌，芝麻餡嘅甜度剛剛好，食完唔會膩。呢度嘅位仲要好寛敞，又有BB椅，真係好啱帶小朋友嚟食飯。我上網check 過，除咗旺角MOKO，銅鑼灣時代廣場、沙田新城巿廣場都有提供翡趣兒童餐㗎。

因工作關係，自己偶爾都會順道到旺角東站上蓋的新世紀廣場吃飯。最近再去，發現商場內又有一新食店進駐，就是翡翠拉麵小籠包。走進店內，沒想到這裡也設有彷如日式拉麵店常見的開放式拉麵吧，很搶眼呢。來到翡翠拉麵小籠包，當然要吃吃拉麵與小籠包。這裡的拉麵有3款選擇，包括平日一向供應的二細拉麵，較粗及厚的三角拉麵，以及幼幼的龍鬚拉麵。我們分別選來一客擔擔麵和清燉雞湯拉麵，2款拉麵都選了三角拉麵。小籠包是一貫好水準。我的擔擔麵湯底微微香辣，帶濃郁的花生香，配上食感有趣、煙煙韌韌的三角拉麵，美味。清燉雞湯拉麵的雞湯與麵分開上枱，淺嚐了口雞湯，熱騰騰，味道清甜。另外也點了幾款菜式，四川口水雞、香煎素鵝和清炒河蝦仁。當中的清炒河蝦仁最得我們歡心，蝦仁爽口味道頗鮮。注意一客的份量約屬2-3人，人多用餐的話便要多點一客才夠分享了。飲品我們都選了熱檸檬薏米水。甜度適中，帶淡淡檸檬清香，頗有在新加坡飲到的風味。真高興以後在新世紀吃飯又多個不錯選擇了。