阿爺八鮮鍋

營業中

休息中

任食火鍋食得多，但連海鮮都有得任食就比較少見，下午5點入座，任食2.5個鐘連加一都只係每位大約$400，所以呢間火鍋好抵食！呢度嘅火鍋套餐好豐富，開頭有個五指毛桃豬骨燉湯，好香好清甜，飲得出係好足料嘅老火湯，份量應該係兩碗有多。之後就係一個特色雞煲，我揀咗四川麻辣雞煲，雞肉充滿醬汁，夠淋夠入味，唔算好辣。跟住係一個刺身拼盤，擺盤好精緻，刺身款式多，有毛蟹、甜蝦、八爪魚、希靈魚、蟹子沙律、帶子裙邊，全部都好新鮮，而平時我唔食嘅希靈魚，呢度都好鮮甜，冇怪味，幾唔錯。終於到打邊爐，本身以為湯底係就咁加湯落個雞煲度，點知原來呢度嘅火鍋湯底係另外再上，所以我揀咗椰子雞湯底，清清地可以食到海鮮嘅鮮甜味。一開始有個霸王海鮮盤，有齊大部份海鮮：越南大虎蝦、澳洲大龍蝦、蘇格蘭聖子、蘇格蘭大元貝、台山奄仔蟹、新鮮鮑魚。之後我同朋友再點少少安格斯牛肉、黑豚肉、墨魚滑、菜同丸類，基本上已經超級飽，冇quota再叫海鮮，而呢度出前一丁亦有好多味揀，好誇張！我同朋友仲每人加$20蚊，可以任飲啤酒同飲品。鍾意食海鮮火鍋嘅話可以考慮呢間，一定比逐碟叫嘅火鍋抵食好多！

第一次去位於尖沙咀金馬倫道嘅阿爺八鮮鍋食放題。最近有朋友介紹尖沙咀開咗間火鍋雞煲放題店。鍾意食放題嘅我，一定要去試吓。⏰放題分三個時段：1700-19:30 $368，1900-21:30 $398，21:30後$398第一輪一開始會有日式刺身拼盤。刺身好新鮮。第二輪係雞煲。我哋揀咗四川麻辣雞煲。雞肉好嫩滑入味爽口。佢唔會好辣，辣味啱啱好，好惹味。👍雞煲係任食的。第三輪係食火鍋。火鍋係任食的。首先，佢會上一個海鮮盤。海鮮包括：越南大虎蝦、澳洲大龍蝦、蘇格蘭聖子、蘇格蘭大元貝、臺山奄仔蟹，新鮮鮑魚。非常豐富。餐廳有海鮮魚缸，所以佢哋提供嘅活海鮮都係非常新鮮。🦞🦀放題有呢個質素，真係好抵食👍火鍋任食配料仲有好多款選擇。每一次再叫都可以揀八款。餐廳員工服務態度好好，好勤力主動和好有禮貌。呢間海鮮雞煲火鍋放題店，我一定會再嚟幫襯，係我放題嘅首選。

又找到宵夜好去處！晚上九點後入坐免加一餐廳主打$398一位的兩個半小時任食海鮮火鍋套餐裝修現代簡約，座位寬敞舒適，人情味滿滿設有兩間私人貴賓房間，適合一大班朋友聚會店員會先安排雞煲，有泰式酸辣、四川麻辣或韓式芝士口味可選時令燉湯以用茶壺奉上，並以小火爐溫熱，濃郁鮮甜於社交平台點讚及分享，可享免費贈送刺身拼盤特色湯底海鮮鍋湯頭清甜，搭配各種食材更顯美味新升級霸王海鮮盤嚴選越南大虎蝦、澳洲大龍蝦、蘇格蘭大元貝、台山奄仔蟹、新鮮鮑魚及潮州珍珠蠔安格斯牛肉脂肪與肉質比例均勻，牛肉味道香濃稀有部位牛白肉口感獨特，微微泛著牛油的香味油麥菜色翠綠有光澤，質地脆嫩，鮮嫩清香