鉄人大盛 (已結業)

放題就食得多，鐵板燒放題就真係第一次，餐廳位於尖沙咀格蘭中心，地點非常方便！餐廳分三個時段，朋友就揀左中間時段7:45～9:45，入到去已經爆場，好彩朋友預早book定位！至於價錢呢，無論咩時段都係$328/人，入座起計，任食兩小時。入到去發現，原來餐廳面積好大，有空間感餐廳主打鐵板燒，每一枱都會有專人整鐵板燒俾客人，即叫即燒，夠晒新鮮，熱辣辣。食物方面，選擇都幾多，食放題刺身一定唔少得，仲有壽司、卷物、冷盤小食、燒物、炸物、鐵板燒、日式料理等等！食放題梗係第一時間食左刺身先啦，賣相好靚師父放左啲乾冰，好飄逸～～ 刺身有拖羅、油甘魚、三文魚、北寄貝、帶子、甜蝦等甜蝦肉質爽口彈牙，油甘魚厚切有口感，北寄貝口感爽口，冇雪味整體黎講，刺身質素唔錯，好新鮮壽司叫左鰻魚、油甘魚、三文魚、蟹柳、帶子、左口魚裙同埋玉子等帶子口感豐盈，蟹柳大大片，好滿足！中華沙律 / 螺肉 / 蟹子沙律，味道可以，但冇驚喜炸蠔 - 估唔到蠔味都幾重，炸得外脆內軟，有驚喜燒雞奕 - 鹹味適中，師傅加左啲鹽去燒，非常惹味，仲要見住師父燒，由燒到上枱都好熱辣辣，真係好正！味噌蜆湯 - 頭先食左咁多凍野，好想飲返啖熱湯，見到

今晚在尖沙咀學畫畫，咁岩經過格蘭中心，被鉄人大盛招牌所吸引，於是同朋友一齊去咗地庫食呢間。入到去，整個格局昏暗，裝潢甚有味道，猶於置身日本餐廳。我們被安排坐鉄板位置，可以看見廚師即席以新鮮食材作烹調，稍有油煙味。刺身種類頗多，且新鮮，沒有腥味。一口牛肉質軟嫩。壽司尚可， 刺身款式很多。帶子煎得剛好，配上芝士醬，不會搶過帶子鮮味。扇貝應該是急凍貨，但卻吃到海鮮的味道。炸物皮薄脆口，食完一件接一件，停唔到口。飲品種類主要為汽水果汁，雪榚有haagen daz四款口味選擇，不失為一個完美的總結。

🤤🌟全港首間鐵板燒放題🌟🥳—📍最近尖沙嘴開左間新嘅放題，有別於平時日式或韓式放題，它擁有全港首創鐵板燒放題，回頭率非常高，另外，還可以選擇刺身、卷物、燒物等等，食完正餐，仲可以食番個雪條或雪糕。🌟鉄人大盛晚市放題有3個時段，任何時段一律$328（加一收費）—👍環境方面，設計都非常特別，一張鐵板燒枱大概6個人坐，會有一名廚師為你服務，👨‍🍳近距離觀察廚師精湛嘅廚藝，燈光昏暗，抽油煙機做得幾好，食完個身唔會好大油煙味。—👨‍🍳鐵板燒係主角，🐏鐵板羊架好重羊騷味，個人認為可以再熟D，肉質不錯。🐥泰式雞扒非常惹味，雞肉滑嫩。豚肉山薑燒個汁甜甜的，令洋蔥非常容易入口，豚肉切得厚薄一樣。🥗炒野菜就菜的份量可以多一點，🐟黑松露魚扒同檸檬牛油煎魚扒，我比較中意後者，酸酸地解膩。—🤤最愛蔥花牛肉同埋燒汁一口牛，燒汁一口牛試咗熟啲同冇咁熟，冇咁熟就juicy好多，熟啲邊邊位燶少少。蔥花牛冇咁熟就牛味重好多，肉身「淋」好多 ，整體上味道層次更上一層樓。🐮—🍣壽司表現不錯，玉子、蟹柳、鰻魚、三文魚壽司都好新鮮，特別讚下鰻魚壽司冇骨，鰻魚肉燒得夠乾身、軟嫩，燒汁入味。—🍣刺身就叫左螺肉、油甘魚、甜蝦、三文魚、吞