FUMI

營業中

休息中

有同事話想試Fumi 好耐，應該係之前上網睇到人哋介紹。適逢呢個星期比較得閒，我哋成班同事星期六日去到Fumi 試下佢個A4宮崎和牛&松葉蟹腳放題（$588)。價錢方面，算係比較大路，附近嘅餐廳週末semi brunch buffet 都係收緊咁上下價錢。但係魔鬼在細節，原來A4和牛只係每人包一份，要加$188先變成任食🥲呢個套餐係包一款主食，其他就全部都係任食，主食坦白講就真係唔係太吸引，我就叫咗個迷你香蔥吞拿魚腩井。質素有啲驚喜，但係份量始終比較少，同埋今日嘅主角都唔係佢。等我同大家分析下任食部份松葉蟹腳（4.5/5)👏🏻鮮甜，新鮮，溶雪做得好，肉質爽口刺身（4/5)👍酒店級數，入口溫度適中壽司（3/5)冇咩特別，建議大家留肚食其他燒物（4/5)咸度適中，香口，幾款燒物水準都唔錯天婦羅（3.4/5)水準ok 的，但種類比較少，差唔多全部都係蔬菜甜品（4/5)哈根大師味道相信大家都熟悉，但佢展示手法用咗乾冰，咁就好岩大家係ig 打卡拍片😂總括而言，餐廳整體質素唔係差，但係呢個價錢嘅話就冇咩競爭力，因為無論係景觀，侍應服務態度都唔係特別出眾，咁樣又點可以令一種食客再回頭幫襯呢。

如果平日去酒店食自助餐都是為了日本美食，周末不妨直接一點，去蘭桂坊的 Fumi 吃頓六道菜的日式午餐，當中壽司可以拼搏任食，一定可以飽到加零一！ 走中高檔路線的 Fumi，環境舒適富氣氛，絕對不下於酒店，晚上光顧每人隨時過千，招牌高知縣四万十三川產鰻、北海道產帆立貝或金目鯛，平日散點每件賣$68，食6件已近回本，質素相同冇取巧，何況六道菜包括小食、串燒、天婦羅、壽司、湯及甜點。 每位方才$450，啱食啱飲的話，相比酒店更着數！周末壽司任吃早午餐由11點半開始至下午兩點半，三個鐘時間充足。 早鳥更有優惠，7月推廣仲送埋任飲項目A，日本啤酒、清酒少有的任飲，絕對又是回本位！ 唔知就話啫，知道當然即刻行動，班齊人馬，開心過週末！ 開始的小吃已經令我們眼前一亮，怎麼昨晚睇波良伴竟然出現在面前！本以為是每人細細碟的自家煮物，出場卻是六碟的香口炸物。 我最喜歡兩款魚乾，芥末魷魚絲微辣刺激，魚皮花生、芥茉花生等我樣樣都鍾意，因為我飲清酒，佐酒極搭！ 日前試過這款 "大門x文．純米吟釀" 已經喜歡，今日又可以再回味，清甜易入口，以內藏冰塊的透明玻璃樽載著，慢慢喝冇相干，溫度得以保持。 麵