熨烤達人 (已結業)

周圍走左成日好攰，黎到鑽石山又唔想食連鎖店，夜晚八點幾呢間竟然要排隊，又見上網咁多好評，就等下啦，點知一等等左半個鐘有多。因為行到好熱，無mood食燒肉，見餐牌熟食都有好多選擇。先飲下野，雖然唔平，但勝在夠大杯，味道都好豐富。沙冰更加好飲，都睇住店員即叫即打，好新鮮。鰻魚蛋卷每件都好厚，包住舊鰻魚都好大塊，非常足料。 淋上鰻魚汁同埋鰹魚碎，味道唔會有問題啦。呢個韓式粉絲炒得幾好，口感爽滑，夠色水得黎甜多過鹹，配埋菇絲同紅蘿蔔絲加添口感，唔落肉都好味。呢個雪龍湯就同我地係韓國食到既有d出入，當地會比較清澈，個奶白色都主要靠牛骨燉出黎。呢度就係用忌廉奶做，會稠身同埋膩好多，所以飲唔哂d湯。勝在牛肉份量都幾多。呢個賣相吸引，配搭都好特別同清新。不過個人覺得唔好落咁多沙律醬，自己要減走d先撈就會無咁膩，加落去做紫菜包飯或者用雪糕脆筒食都可以。可能無食到烤肉既關係，未食得出佢最出色既一面，下次要試下。

去完將軍澳，乘港鐵到鑽石山站轉新開的屯馬線入沙田，於是就在荷里活廣場搵食。近來趁疫情稍稍放緩，已經出外食了幾餐，所以這晚無意再食烤肉。雖然如此，見到這間韓店也想惠顧一下，代價是要等了五十分鐘位！食韓式料理，必然會有免費的前菜，今次就有醃蘿蔔、豆芽及泡菜。由於近來天氣實在太熱，我也少有地點了凍飲來。我們要了招牌的Mr. Iron Man ($58)及Golden Dreaming ($58)。Mr.Iron Man是芒果及士多啤梨梳打雜飲，果味清香，最適合這樣的天氣，行了大半天，可以涼快一下。Golden Dreaming是芒果及橙的乳酪沙冰，芒果味濃而且非常之冰凍。食物就有韓式炒雜菇粉絲 ($88)，將一些雜菇、甘筍及韓式粉絲用味醂來炒，粉絲煙韌，味道帶點甜。鳗魚蛋卷 ($88)則以厚厚的煎蛋捲著鳗魚在中間，面上放了些鰹魚乾，加上照燒汁，味道不錯，有機會自己也可以試做。雪濃牛肉湯 ($108)比起在首爾食的較為稠，牛肉也稍嫌熟了一點，有點兒柴。最後的是大園手攪飯 ($88)就頗為特別，有吞拿魚、蟹籽、芝士、青瓜絲排列整齊，還有脆粒及藜麥飯，與及大量的沙律醬。特別在還有兩個食雪糕的脆筒，

今日三人食，點了超級熨斗烤壓餐(M5牛肉眼扒，牛肋骨，特級雪花牛，厚切五花肉片和調味豬皮) 絕對足夠三人食用。首先食調味豬皮，豬皮經過調味在烤煮過程中容易感覺煙黑，用他們的熨斗壓住，令豬皮不能卷起！煎好兩面之後就可以食用，但喜歡香脆的朋友可以把它剪細再用熨斗壓住再烤。因為有點兒肚餓，所以烤一些快熟的(特級雪花牛)這個我就覺得沒有什麼特別。(厚切五花肉片)就差不多1cm厚，烤煮過程中有很多油彈出。五花肉片可以用生菜夾一些泡菜和蒜頭一起食用。生菜、蒜頭和泡菜也是可以免費添加。牛肉眼扒，差不多一隻手掌這樣大，油脂分布均勻牛肉味很重。但食到差不多飽了，都是要把剪成小粒，再用生菜包住食如果不是就太油膩。烤爐旁邊的蛋漿可以加入芝士或粟米，這都是可以免費添加。大園手攪飯，正正！我覺得大人細路都會喜歡食。內有吞拿魚、蛋絲、青瓜絲、紫菜、脆脆粒和飛魚子，要把它攪勻，利用雪糕com黎食，當然就咁食都可以呀！得兩個雪糕com，其實最後都要就咁食。但服務就一般，可能因為侍應不足夠。環境外面睇就不錯既，但侍應幫我們開爐既時候，有隻小強仔走出黎！