金田家

營業中

休息中

專程到拉麵街之稱嘅銅鑼灣登龍街試一試拉麵黑豚拉麵 💲98豚骨MIX拉麵 💲78（另加溏心蛋 💲14）大將餃子 💲30✅ 豬骨湯既叉燒肥瘦適中🐽 鋪滿個碗視覺效果好好 湯既濃度個人覺得可以 如果可以比人選擇就更好🍜❔ 溏心蛋既溏心做得唔錯👍🏻 可惜太貴🥚❔ 餃子煎得唔錯 唔太炸 但同樣價錢偏貴🥟👅Taste：3.25/5💰CP值：3/5🙋🏻‍♀️Service：3/5👁‍🗨Stylishness：3/5

今晚又同友人四處覓食，之前行過登龍街見到這間拉麵已經想試試，見麵店不算太多人等位，於是便排隊試試！麵店燈光光猛，有2人枱也有bar枱的位置！我們安排坐2人枱，坐低後店員給予凍水及點餐紙！看看餐牌的圖片後，點了2碗拉麵及兩款小食！黑豚拉麵($98)，呢個拉麵湯底係豬骨湯底，味道唔會太咸，飲落好滑但又唔會好油！豚肉共有5塊，厚薄適中。拉麵是幼麵，我揀選了普通硬度，食落口感剛剛好！拉麵內還有木耳，能增加爽口感！柚子辛口拉麵($98)，呢個拉麵湯底酸酸辣辣，令人食慾大增！湯底比黑豚拉麵的湯底油，但因為湯底帶酸，所以油膩的感覺減少！叉燒跟黑豚拉麵的一樣！而拉麵選擇了「硬」的，所以口感較為爽口！大將餃子($30)，餃子外皮煎得脆口，配上餃子醋一齊食更加惹味！男爵薯餅($38)，薯餅兩塊是不同味道的！瑋款是薯仔牛肉，是咸味的薯餅！另一款是紫薯口味，口感有點像煎堆內有紫薯餡的薯餅！一咸一甜，甜的就像吃了一個甜品一樣！我們還點了波子汽水($25)開心一下！有機會會再黎試下其他味道的拉麵！

銅鑼灣登龍街呢度出晒名多美食, 紅白色燈籠吸引左我既視線行埋d 睇, 排緊長龍, 原來係金田家拉麵, 最鍾意湊熱鬧緊係過去排埋一份😂😂好食既舖頭當然客似雲來啦, 排隊等下都要自己鍾意食咩就隨便tick😋波子汽水 - $25/pc細細個好鍾意飲既野, 因為飲晒就可以拎粒波子出黎玩😂大將餃子 - $30食件餃子先, 煎得尚算香脆, 一咬落都算多肉汁鎖晒喺入面, 係d 皮厚左dd 咁男爵薯餅 - $38炸至金黃色, 炸得好香脆, 有一件係紫薯黎架😍黑豚拉麵 - $98日式叉燒都係圍住個碗邊咁舖, 美觀之餘又唔會浪費左中間湯底個空間👍揀左硬幼麵, 較為有口感, 幼麵更加可以吸多d 湯底, 濃濃既豬骨香味😋

呢間拉麵店其實之前都食過，不過印象冇今次咁深刻。佢裝修左之後個場光猛左，menu有冇改過就唔係好記得啦。😂我地八點幾食都不停有人排隊，似乎都幾受歡迎。我地兩條友，一人叫左碗拉麵，再叫多兩個小食同野飲。波子汽水好懷舊，蘋果汁飲落似係日本蘋果汁，冇死甜味。呢個黑蒜拉麵辣辣地好刺激，湯底會heavy少少，但配香蔥木耳一齊食感覺冇咁油膩。我幾中意呢個湯底，唔會太濃，調味岩岩好，勁多木耳香蔥，配拉麵超夾。仲有個义燒，雖然薄身，但肥瘦適中，入口幾香。餃子都幾足餡，記住點汁食。呢個真係新鮮炸起熱辣辣，件件雞都咁大塊，真係幾抵食。想講一下服務唔錯，店員有禮貌。

銅鑼灣有一條出名拉麵街，登龍街。成條街拉麵店真係好多，而本人亦都試食得7788，但唯獨呢間真係未試過。係呢條拉麵街要屹立不倒，拉麵既質素要夠高同穩定先得。金田家既湯底好濃郁，比較杰身，麵既硬度亦可自己選擇，我最欣賞佢既流心蛋，因為好多拉麵店既流心蛋都會過熟，而呢間係啱啱好 金田家呢度既餐會有埋佢既招牌大將餃子送，不錯。餃子煎得幾香口，皮薄餡靚，唔會太咸，若果下次再黎食必會再散嗌多碟

星期六下午獨自一人， 心血來潮想吃拉麵， 專誠過海吃麵, 是否吃過?不是! 只是印象中登龍街兩旁都是拉麵店，應該勝在選擇多，但怎樣靠拉麵可以突圍而出呢？ 真的有點難!原本想逐間拉麵店在門外看一下才决定，但當時已經兩㸃多，餓意甚濃!況且都是搏一搏的心態，站在其中一間店舖門外，店員已經出來招呼，見他們很有禮貌，就隨心步進店內。坐位和食客不算多，被安排坐在bar枱前，裝修不是十分高檔，簡單為主帶㸃日式地道的設計。看見一張近似車仔麵的菜單，品種不算多， 應該決擇困難症不會發作啊!菜單中寫着限定拉麵，我問店員什麼是限定拉麵，他指指牆上的poster，原來今期是黑松露拉麵，店員講解拉麵除了黑松露醬外， 松露油放在湯底裡也十分香濃。其實比松露的名氣欺騙了很多次，每次都吃不到其他人所説的香味，真的有㸃猶豫，但香港人對“限定”兩隻字情有獨鍾，最後我也是㸃了限定拉麵再另加溏心蛋。熱騰騰的麵端在面前，賣相不錯!第一口先嚐黒松露醬， 味道馥郁，我也是初次嚐到這味道! 不懂用文字來形容，只要嚐一嚐才能找到正確的答案。說到拉麵的靈魂一定是湯底，濃濃的肉骨湯味帶點黑松露香， 黑松露油没帶給肥膩感，估不到兩種味混入一

是日想食拉麵，即刻黎到登龍街，拉麵店開到花多眼亂，最後入左金田家。 激辛拉麵： 其實唔算係“激辛”，我朋友平時唔食辣都接受到，但佢嘅辣味幾香濃，而且佢既辣係源自肉碎，湯底有層次。而且湯底都真超級濃稠，可以比得上沾麵，但又唔會太咸。不過三塊叉燒真係好肥，比較鍾意食半肥瘦偏瘦叉嘅我真係覺得麻麻地。至於拉麵，我揀左普通，麵韌度適中都唔錯！鹿兒島黑豚拉麵： 豬骨湯底不過不失，黑豚係我鍾意嘅瘦豚肉，而且一d都唔“鞋”，好“淋”。大將餃子：外皮煎得好香脆，皮亦唔算好厚，同埋都幾多餡，算喺幾好！

同吃貨朋友係銅鑼灣行完街，兩個人決定去金田家食個拉麵。六點幾去到已經有幾枱客人，我地就坐左吧枱，睇住師父準備食物。綠茶 $15一向很注重拉麵湯底既我都被金田家既湯底吸引住，因為湯底係用上豬骨淆成濃湯。我自已就叫左一碗赤子拉麵，另外同朋友share左二款小食，一款係日式煎餃，另一款係男爵薯餅。赤子拉麵 $93賣相唔錯，配料都幾多下。最驚喜係佢配料入面有一粒粒既柚子，甜甜的，口感不錯。赤子拉麵既辣味蓋過左香濃的豬骨湯味少少，個人推介食至尊拉麵個湯底比較好。另一款係男爵薯餅 $33一塊係栗子紫薯餅，炸到外面好脆入面好軟，口感一流。另一塊係牛肉薯餅，相比起栗子紫薯餅我就覺得不過不失，無乜特別。大將餃子 $30味道是普通在超級市場買到的餃子，不會太油，算是不過不失。

以往在日本Tabelog獲得過4評分的九州金田家拉麵落戶本港。開業的時候呼聲甚大，其實當時想去一試但懶得等位就作罷。拖拖拖，拖字闕，加上越多越新的餐廳林立。結果？開業一年才想到要一訪一嚐。　　門面不算低調隱密，畢竟也放了菜單餐牌什麼的在外。但對比起登龍街的其他數間拉麵店，似乎算是少舖張的一家。雖說這年間金田家在日本的受歡迎程度稍降，而香港分店也不時有中伏的後感出評。可是有時還是想要自己一試之後再下定論。　　餐牌跟昔日看到的評文所示有著很大變化，增加了小食及配料。且拉麵款式比開業時看到的三款多了兩款固定款。但五款的款式大部分跟初始時有別，只有經典及至尊仍在。另外加上的是雞白湯豚骨拉麵，店方指為雞湯配豚骨湯作底。辛子黑蒜拉麵不用多解釋，聽聞是微辛程度。最後為帶有柚子香的赤子拉麵，這個就是來真的辣度。點餐紙上寫著限定拉麵，豈知實是沒有供應的，有點可惜。　　沒有特別喜歡看師傅製作的愛好，只是習慣，個人喜歡坐近廚房的位置。環境算是空間剛好，不能說十分寬敞，但坐落可謂自在。衛生方面都合格，沒有昆蟲滋擾，也不覺有垃圾或污漬。平日午後到來，通常都沒幾多座上客，正常的。　　等待餐點時眼望望，睇到有告示，

男友好鐘意食拉麵, 不過我自己唔太好, 所以唔係成日食. 今日男友話好想食, 所以去左試金田家!早幾日要排隊, 今日排左2-3分鐘就到我地, LUCKY!排隊既時候我地已經諗好食咩, 入到去坐底, 侍應哥哥好有心機介紹唔同既味, 等我地有個IDEA點揀佢有個牌介紹佢既湯底, 替玉(追加麵), 麵既硬度 同埋叉燒既厚度我自己鍾意食濃味湯, 所以就揀左試辛子黑蒜拉麵, 介紹時有講過係有少少辣, 不過我就一D都食唔到. 麵我揀左普通既硬度, 我本身唔鍾意係硬麵, 不過食落個麵我都係覺得硬左D, 不過可以接受, 個湯係濃既, 不過食完有少少渴. 我覺得個麵唔係太吸收個湯底, 所以食既時候我都要連湯食, 但要係咁飲水我自己好鐘意食溏心蛋, 加一隻試下, 唔錯唔錯, 佢係原隻上, 唔會好似有餐廳咁切半上搞到流晒出黎, 咬開時見到個蛋黃有層"衣"包住, 咬開層"衣"會見到個蛋黃想流又流唔到出黎咁, 有樣野覺得幾好既係佢唔會太膠同埋都幾香下 (有時食D溏心蛋會有D膠膠地既感覺)男友就揀左個至尊拉麵, 我試左少少, 湯底幾清 (不過就試唔到係咩熬出黎既湯底). 佢揀左硬身D既麵, 硬度食落我覺得同我果個