丼瀛 (已搬遷) 新店位置

撐🟡行動今日來到觀塘站🙌🏻來到這間在工廠區的樓上餐廳未入到餐廳已感受到濃濃的🟡 •松葉蟹肉海膽甜蝦丼 $158和友人每人點了一個丼 大量的魚子令人心情歡愉急不及耐咬下滿口的魚子🤤 海膽新鮮 沒有令人難以下嚥的腥怪味難得在小店吃到不錯的海膽！反而甜蝦就一般 吃得出那雪味玉子不夠嫩滑 但總體來說是okay的 •明太子醬燒玉子 $26 喜出望外的一個小食不只賣相 味道也令人掛念玉子滑嘟嘟 蛋香中帶明太子獨特的味道 味道匹配 玉子面燒得少少燶 香口而帶著甜風味十足•天龍卷 🍣$98來到日本餐廳不能不點卷物吧賣相中規中矩 味道也是😅 吃的時侯炸蝦已凍了皮不脆軟腍腍的 飯量十足 對我們來說更是太多😂卷物上的三文魚則普通 魚子份量不多 小失望😭•流心芝士漢堡扒 $48這款漢堡扒其貌不揚但味道卻出乎地好咬開裡面芝士隨即緩緩的流出來沾上醬汁增添層次 yum yum~•焗帆立貝 $136 想不到這帆立貝不是一整塊上殼上的是一件件切碎的帆立貝加上濃郁的醬汁 味道不錯但稍嫌濃了少少 地方不算難找 食物質素中上 價錢合理撐🟡必來捧場

前排朋友推介，話呢間黃店又好食又抵食，今日咁岩又係觀塘，決定嚟支持下。而家間舖抗疫有做promotion，部份精選食物有七折。入到去店內環境乾淨同闊落，侍應都好好服務，一坐低即刻斟左杯熱茶俾我哋。🍱刺身丼聽講呢間嘅刺身丼都幾出名，循例嗌一碗試吓。出到嚟比預想中大份，刺身食落去新鮮，啖啖肉，依家仲要做緊七折先$100鬆啲，好抵食。🍣卷物有見到OpenRice人哋影嗰啲卷物都好吸引，叫左一份黎試下。出到黎勁大份，面頭三文魚加埋天婦羅蝦同埋個醬汁mix埋一齊勁juicy，好食！🐟燒靖魚呢個係驚喜！平時喺街外食嘅燒靖魚都預左係急凍魚，會有少少乾乾地。但係呢個食到新鮮魚味同埋好Juicy，同埋唔知點解比起正常餐廳食要大條d。🍢燒雞軟骨正常餐廳水準。🍢明太子燒玉子呢個都好吸引。食落去有好濃郁嘅明太子香味，再加上芝士，同塊玉子好夾。食完呢餐好滿足，尤其是好耐都冇食過咁好食嘅卷物同埋燒靖魚。呢餐埋單都唔洗$400，好抵食。下次一定會再嚟幫襯。

農曆新年過後復工，約咗個朋友喺觀塘區食晚飯。新年流流，再加上疫情肆虐😷，好多餐廳都未必如常咁開，所以我哋都預先打定電話去餐廳確定有開同訂枱。我哋六點幾打去留座七點，準時去到，店員即刻為我哋送上熱茶。餐廳裝修真係得一個主題，就係支持香港人的，各式各樣嘅海報、標語無所不在💛。望完環境後，就𥄫下個餐牌同牆上啲店主推介，無論壽司定熱食小食都選擇繁多。丼瀛特選丼($188)，食材有三文魚兩片、劍魚腩兩片、牡丹蝦一隻、帆立貝一隻、海膽一格同三文魚籽。估唔到個賣相咁正，以為係一個普通大碗，點知係一個高身玻璃碗😍，啱哂打卡。味道唔錯，刺身新鮮，而個飯落咗飯素有驚喜。天龍卷(4件)($98)，個名勁型，而實際就係炸蝦三文魚卷。炸蝦🍤切開咗都知好大隻，卷物上面啲醬有少少辣。金菇牛肉卷($28)，🐮切開咗有六嚿，連埋醬汁一齊食，幾惹味。雞軟骨($21)，🐔串燒即刻燒起，熱辣辣脆脆的 。忌廉蟹肉薯餅(2件)($36)，呢個一咬開就有爆漿嘅效果，啲忌廉湧哂出嚟🤤，同時亦都食得出有蟹肉絲。三文魚腩海膽卷(4件)($98)，由於食完個丼飯覺得啲海膽好好食，我哋就追加咗呢個卷。呢個卷嘅海膽同樣好味啊😋！總括嚟講，呢餐

襯住嚟咗觀塘出job，又順便黎試一間工廈餐廳。丼瀛好多人，我地6點半入去仲有位，遲多半個鐘都要係岀面等。日本番薯 ($19)呢隻係日本甜番薯，咬落去比較冧，係一口的size。香芒三文魚米紙卷 ($68)佢有啲似沙律咁，一開始食落去有芒果，入面就有啲酸酸甜甜的汁，開胃又醒神。清酒煮大蜆 ($88)啲蜆都好大隻下，成隻好似成年男人既手指公咁粗，唔怪得叫大蜆。食到一半發現佢有啲好粗身的透明粉絲同娃娃菜，好好食。本身嗰酒味都幾濃郁，食落去每一啖都有濃濃的清酒味。鍾意酒的朋友唔好錯過啦！天龍卷 (4件) ($98)最入味最惹味呢個卷。強烈推薦！佢上面係燒三文魚，三文魚上面有一層芝士醬，再加埋卷入面嗰層天婦羅，好鬆脆同入味。骨付腸 ($23)呢條腸都幾得意，中間係骨嚟既。食落口感都好彈。黑松露海鮮帆立貝炒飯 ($148)松露味好足，入面落左好多材料，上面放左木魚同紫菜，豐富左口感同層次。