小念頭 (億利工業中心)

營業中

休息中

今日又黎小念頭食嘢啦, 黎佐好多次, 平時係食lunch, 今次係第一次食dinner, lunch每次都好多人要等, 今晚七點半黎到都有啲客但就有位唔使等日式鹽麴燒五花肉: 加佐山藥蓉, 芝麻雞翼, 五花肉大大塊, 香噴噴, 好啱配飯, 每一啖都好滿足, 山藥蓉口感黏黏地好特別, 感覺好健康.  芝麻雞翼超級好食, 熱辣辣, 煎得好香好香, 極力推介 香煎牛舌芯(極): 牛舌芯加佐辣椒油, 辣辣地好香好送飯, 另外隔離個配菜酸酸地好開胃, 用佐另一款辣椒醬, 好辣, 但好好味,  個湯都好好飲, 不過有略嫌唔够熱, 我鍾意超級滾熱既湯黑杞子桑葚蜜: 每次黎都好期待飲佢地既花茶, 成個感覺勁寫意, 黑杞子桑葚蜜次次都有嗌, 味道够濃, 超鐘意飲,飲完仲厚面皮咁問職員可唔可以加熱水, 因為覺得唔加有啲可惜佐啲料, 職員超好人問使唔使加啲蜂蜜木燙青茶: 滿滿茶葉, 茶味非常濃, 好飲, 不過lunch嗌好啲, 可以提神, dinner就唔好啦, 好似我咁飲完搞到夜晚訓唔著奶蓋芒果戚風: 重頭戲當然係cake, 加$30/$35就有一件cake, 好優惠, 見每一枱客都有嗌, 果然好出色,

仲記得戚風蛋糕啱啱興起嘅時候，「小念頭」已經扎根喺旺角樓上舖，當時店舖細細，只有蛋糕同飲品，但都不乏支持者，相當受歡迎👍🏻原來佢哋早喺荔枝角發展成更加全面嘅𝘊𝘢𝘧𝘦，除咗拿手蛋糕之外，亦加上多款西日式料理🍱 價錢相當大眾化，味道都唔錯添～《 日式軟殼蟹炒飯 》 $84 4.5 / 5飯底加咗大量爆香咗嘅🧄片去炒，香口中帶微辛，加上酸甜沙律醬，味道相當有層次感😋主角酥炸軟殼蟹脆卜卜口感一流，十分香口🦀《 日式照燒汁牛舌丼 》 $70 4 / 5香燒牛舌粒外焦內軟，份量慷慨好足料👍🏻 面頭滿滿嘅蔥花相當養眼😍 撈勻中間嘅生蛋黃黎食就無咁乾～《 鐵觀音芝士蛋糕 》 $33 5 / 5 🌟🌟🌟🌟🌟是日𝘔𝘝𝘗👑😍 除左質感幼滑之外，茶味竟然比芝士味更突出！👍🏻茶味濃厚，而且餅底紮實，一啖蛋糕一啖茶好夾😋《 奶蓋芒果戚風 》 $33 4.5 / 5最拿手嘅戚風蛋糕質素依舊👍🏻 芒果肉同芒果忌廉夾心酸咪咪所以食落唔覺膩🤤 蛋糕好鬆軟，配合充滿奶香嘅奶蓋，層次豐富😋飲品點左熱鐵觀音，茶味甘甜，中和番蛋糕同主食嘅油膩👍🏻 餐廳環境寬敞，空間感大，好適合黎嘆一個悠閑嘅下午😎————————————