雪山冰廳

營業中

休息中

雪山冰廳Cafe1956眨吓眼已經五六十年咁耐歷史，最近長沙灣店翻新咗，除咗坐得更舒服空間感更大，連餐牌都換咗新設計，分類更清晰始祖椒鹽豬扒飯 $70餐牌又特登寫住炒底，其實這個是基本🤭 但佢的確炒得好乾身唔會油淋淋，豬扒份量好多，半肥瘦Juicy厚身，椒鹽夠味但整體食落唔會太鹹，果然係招牌👍🏻常餐 - 經典芝蛋牛肉漢堡配迷你肉醬意粉 $60漢堡包好soft，底面都有芝麻好香，煎蛋有流心，食落好juicy但唔會過濕。意粉勁多肉醬，每條沾滿但食到最底仲有好多，番茄味香甜肉碎濕潤樽仔咖啡/奶茶 跟餐價 $9 / $15傳統冰廳嘅港式奶茶咖啡冇得彈，香滑濃郁榛子醬西多士 $32一大片牛油熱溶滲入西多每一寸，榛子醬未至於流心，但足料香甜，當然唔少得西多金黃脆脆邊超正🥰

長沙灣有好多好嘢食，碰巧經過呢間老字號餐廳係，見佢餐牌有好多食物選擇，價錢親民環境又整潔，一於同朋友入去食💕始祖椒鹽豬扒飯（炒底）$70豬扒有五至六塊份量好足，豬扒表面香脆內裡嫩滑，用椒鹽醃過特別香口惹味，炒飯粒粒分明食落有口感，鑊氣十足又夠香口，值徥推介。💕榛子醬西多士 （下午茶餐 $38）金黃色嘅西多士，麵包外脆內，內層填滿甜香嘅榛子醬，真係邪惡又好食！💕避風塘生炸髀配紅豆冰（下午茶餐 $44）加配🥗栗米什果沙律 ＋$8即叫即炸，大概要等15分鐘，黎到真係心心眼，大大隻炸髀，炸至金黃色，外層脆卜卜，入口啖啖肉，沙律份量都好多，加埋杯紅豆冰，真係大滿足啊💕Tea拼盤：包括雞翼、辣味薯角、🥗什果沙律、🧇酥皮牛角窩夫（一人$44）呢個下午茶一人拼盤好足料，每一樣食材嘅份量都好多，尤其係什果沙律，真係大大份好慷慨，超級抵食，最欣賞係雞翼，醃得好入味，食好到連骨都吮得一乾二淨

呢間餐廳係1956年創立，有接近70年歷史，提供港式經典茶餐同東南亞風美食🇭🇰💗避風塘炸雞脾配紅豆冰 ($40)雞髀大隻厚肉，雞皮焦脆香口，但炸得略為過火，肉汁流失令肉質較乾。灑上一層椒鹽辣蒜，食落香辣惹味🍗紅豆冰冰涼香甜，紅豆質感綿糯軟腍，不過奶味較淡🍹💗榛子醬西多士 ($34)西多士炸至金黃，口感鬆軟輕盈，絕不油膩🍞配以牛油同糖漿，可惜中間夾餡嘅朱古力榛子醬略為較少🍫💗樽仔咖啡 (+$9)咖啡濃滑香醇，入口回甘，奶香平衡☕️💗經典芝蛋牛肉漢堡包 ($38)漢堡包質感軟熟，搽上牛油烘香🍔牛肉漢堡扒軟嫩充滿肉汁，牛肉味濃郁。配料仲有半熟太陽蛋同芝士，味道非常豐富。但加入日式芝麻醬反而唔太夾🤔💗樽仔奶茶 (+$9)奶茶香濃幼滑，茶香味突出，奶香充足，甜度適中🧋💗始祖椒鹽豬扒飯 ($65)椒鹽豬扒肉質爽彈嫩滑🐷炒飯加入彩椒粒、蔥花同蛋花，炒得乾爽粒粒分明，鑊氣十足，味道辛辣刺激🌶💗南洋咖哩牛筋腩撈公仔麵 ($45)南洋咖哩汁溫和香醇，微辛帶甜，有陣陣椰奶香🥘牛腩軟嫩鬆化，牛筋爽彈腍滑，炆得非常入味，拌入彈牙嘅公仔麵🍜💗南乳雞翼 ($33/ 3隻)雞全翼以五香南乳醃製，炸至皮脆內嫩，充滿肉汁，

雪山冰廳屹立咗喺深水埗咁多年，冇食過都聽過佢個大名，而家先知佢開咗嚟長沙灣，唔使同深水埗街坊逼嚕上次食深水埗嗰間，有胃不識漢堡包原來芝蛋牛堡係佢地嘅招牌，今次一試果然唔簡單食咗就知漢堡扒係醃過嚟，一切蛋汁咇咗出碟就算係下午茶，大胃都想單點佢地另一招牌—椒鹽豬扒飯試吓，鑊味勁到呢，碟飯紅得好有氣勢，豬扒好多塊又大大塊嚟冰室當然唔可以冇西多士，餡料仲好特別𠻹，係榛子醬激厚又甜絲絲，大人細路都鍾意水吧方面，最近真係好興樽仔奶茶，老字號更有號召力𠻹紅豆冰都正㗎，紅豆夠爛，奶又夠香

今日放假，約咗個朋友係長沙灣食個lunch再去睇戲，兩點左右，應該過咗食lunch時間所以唔使等位就入得！我點左個下午茶餐，朋友點左一碟炒飯 ！經典芝士牛肉漢堡 - 因為我叫下午茶嘅關係，加$8就可以配埋海苔薯條！我初頭以為係一個好簡單嘅漢堡包，但係一食落口塊牛肉嘅味道真係好出色，並唔係普普通通一塊雪藏牛肉漢堡，我估計餐廳有自己調校過味道，好好味！海苔炸薯條，上枱嘅時候熱辣辣好脆，如果海苔多啲就更好！始祖椒鹽豬扒飯 - 見餐牌上有個山嘅圖案喺隔離，估計係推介！豬扒份量好多，有少少似避風塘嘅味道，炒飯底，辣到適中，正！樽仔奶茶樽仔咖啡 - 飲過好多間餐廳嘅樽仔奶茶，都偏甜，但係呢樽剛剛好！咖啡本人就冇試到，不過朋友話好出色，因為好多冰室嘅咖啡都偏酸，但呢樽有好香濃嘅咖啡味！總括黎講，價錢唔貴，本身非常推漢堡包！