上海姥姥

營業中

休息中

個人真係好鐘意上海菜，除左小店之外，連鎖餐廳最好食就喺佢啦，上海姥姥尤其近大學，lunchset價錢都唔算好貴，如果喺較細食/share嘅朋友，單叫會較划算1️⃣姥姥家鄉粗炒（$76）好食，份量足，配料又多，有菇、椰菜、蔥等等，加上醬油醬料，口感唔同夾埋就好好食😋但食得多會覺得有啲油膩2️⃣姥姥手製排骨拉麵（$60）排骨好酥脆，feel到係即炸，炸粉好薄食到肉質好嫩，手製拉麵感覺冇咩特別，但有趣嘅可以睇住佢整，湯頭偏清幾好飲😂，平衡返3️⃣小籠包（4件）（$40）唔記得左影相， 但皮薄饀靚，湯汁同肉汁超juicy,精華，沾上醋超好食😋👍🏻👍🏻

總是排長龍的上海菜食肆，每次都因為太多人等位而放棄，今日午餐等了大約10分鐘，算是好彩呱！等位期間，翻看餐牌，或者隔著玻璃，看著五個年輕的廚師們擠在一起，一個在手拉麵，動作很快，又熟練，三幾下功夫，就把一條小麵糰，拉成幼幼的麵條；另一面有的拿著擀麵棍準備餃子皮，有的就包餃子，合作無間。小籠包剛上枱，就趁熱急不及待吃了一隻，薑絲太少了！小籠包的皮很薄，豬肉饀是鬆軟又多汁，一籠4隻剛剛好，可以試下其他菜色。雞絲粉皮，青爽好味，青瓜絲切得非常幼細。點了細碟，份量剛好，麻醬就略嫌有點張口！芝麻餅，香脆好味！最後上的是手製排骨拉麵，麵身很幼滑，湯的味道剛好，不會太濃。炸豬扒就有點乾，無肉汁，而且放涼了！店舖裝潢採用竹蓆設計，沒有多餘花巧，雅致舒服；而且侍應們很好招呼，不時替客人加熱茶！感覺很好，很想再來試其他。