慢煮工業 (已結業)

本來一早都聽到呢間餐廳，見到網上食評都係好，不過總係冇時間去親自光顧。難得今日放假收早，可以為之後就去食。入到去雖然兔仔細細，但係佢有兩層而且啲位都好闊所以就坐得好舒服。未講嘢食其實佢個環境太子來講都算好，係一個適合傾偈吹水嘅地方。而家再講啲嘢食首先佢係用QR code落單啦咁就比較方便，一打開個Menu其實好多嘢都想試而我就最後咪揀咗一牛一豬再配一啲小食加再試嗰啲手工啤酒首先，係Menu本來話賣晒嘅威靈頓牛柳：價錢就二百幾蚊，可以接受，上枱嘅時候款式到靚靚囝囝咁就切開佢見到入邊嗰啲牛柳嗰啲色都好亂咁就不過略嫌佢就唔算太熱所以切開之後再食落口呢只係感受到微溫不過味道上就好食嘅。之後做到佢個芥辣蜜糖豬鞍：上碟比預計份量大啲，味道同埋擺碟就不過不失。要讚下佢個小食拼盤同埋個芝士排包，一個就炸得好好味，另外一個就焗得好出色。配合埋佢嗰隻手工啤酒，簡直吹水喺度坐就一流。早嗰陣時仲見佢有live Band喺門口，可能到到疫情緩和或者星期六日嘅時間就會有埋live Band，的確係一個唔錯嘅食飯吹水地方。

實習咁辛苦，終於等到紅日前夕，要同朋友聚一聚！！注意係太子有兩間分店，有兩個友人去錯咗地方，故事教訓食飯嗰陣時要睇清楚啦～～由於太攰，所以都費事睇餐牌，4個人點咗威靈頓牛扒同一個二人餐，再額外加兩杯飲品。威靈頓牛柳本身係要預訂，好好彩臨時問店員都有提供，4個人入面，包括我在內都係第一次食威靈頓牛柳，珍貴嘅第一次呀！因為係第一次食，唔知乜嘢先係煮得好。牛柳上嘅鵝肝醬好香，最可惜牛柳食落少少韌。求解答旁邊烤左嘅蒜頭係點食㗎🙈二人餐好豐富，有墨西哥辣粟米溫泉蛋沙律、安格斯西冷牛扒、烤豬仔骨兩支、烤豬仔髀兩支，同埋西西里肉醬意芝士焗意粉。牛扒不過不失。因為同朋友happy share，所以冇食到豬仔髀，食咗豬仔骨。豬仔骨夠入味，係唔會出錯嘅BBQ 醬，肉質唔會好嚡。西西里肉醬意芝士焗意粉好多芝士，仲有拉絲效果。每一口意粉都充滿肉醬。最後配埋Mojito潤下喉，因為餐廳環境比較嘈，要好大聲先傾到計。不過，可以放聲傾下是非都不失為一個減壓好方法。利申：唔係因為周杰倫嗰首Mojito先點。

見到呢間慢煮工業都幾多好評，今日就約咗個喺附近返工嘅朋友一齊嚟試吓。一上樓梯就見到好多好有特色嘅工業風佈置同裝修，都幾有特色！呢個腳板哈哈笑真係好襯呢一區，哈哈哈！餐牌上嘅食物都好多選擇，價錢又唔貴，所以我同朋友就好隨心咁樣叫咗幾款小食，仲有再叫主菜，結果多到食唔晒先來一份沙律，黑醋汁少少酸好好味，再用一隻溫泉蛋撈勻嚟食，食起上嚟好滑口感好好，菜亦都好新鮮，當堂開胃晒！跟住就係拉絲芝士條同埋單骨雞翼，送到嚟熱辣辣，不過如果佢可以有拼盤就好啲啦，因為樣樣都想試吓，但其實又食唔晒一份。呢度嘅Pizza係長條型，而佢嘅餅底係餅乾底，所以好脆口，三文魚仍然保持喺半熟嘅狀態，所以肉質仍然好滑，加埋粟米食落一啲都唔溜，好味！餐牌上寫明威靈頓牛柳係要預訂嘅，不過我哋又即管問一問啦，點知好好彩佢話真係有喎，仲要只係二百幾蚊，超開心！其實我同朋友都係第一次食威靈頓牛柳嘅咋佢嘅威靈頓牛柳真係焗得好靚，雖然望落去牛柳好似好生咁，但係食起上嚟完全冇血水走出嚟，而且肉質好嫩滑，朋友就最鍾意食佢嘅原個焗蒜頭，佢話好香好甜添！實在食得太盡興啦，所以我哋叫咗一杯cocktail同埋一支來自比利時嘅啤酒高興一吓，呢一餐

慢煮工業就當然一向出名係食慢煮嘅肉。兩個人黎食，冇預訂之下，竟然都能夠食到威靈頓牛肉😋 都算係好彩。酥皮整得好香脆，切開仲要仍然keep到tender pink, 食落唔會太老、幼嫩，雖然唔算超多汁、但係都好食。另外你估佢唔到嘅係，原來個蒜頭都係焗到食得、如果你唔怕重口味到係值得食。牛油煎虎蚊：值得食。牛油味道滲入到蝦肉，好夾嘅配搭。豬仔脾：燒烤醬料帶出味道為主，感覺唔算好特別。德國修道院啤酒：麥味超足夠、值得叫！裝修ok～ 侍應雖然唔最專業，落單上大家最好覆一覆單，但好親切的

想食慢煮工業好耐終於book到同朋友慶祝生日要前一日就預訂威靈頓牛柳一到步，第一道菜式就係上威靈頓酥皮包住牛肉，仲有焗原個蒜頭既配菜一切開，非常之香，酥皮內有ham包住蘑菇泥再包住牛柳就咁食就略嫌有點鹹但配搭住焗蒜一齊食就冇咁鹹，味道更加好食第二道菜式就係芝士溫泉蛋大啡菇一切開溫泉蛋既蛋汁就流出黎食辣辣好好食第三道菜式就係十件脆辣一字雞翼非常香脆，仲配上蜜糖芥末醬第四道就係芝士煙肉薯條拼蕃薯條勁大碟，三個人先勉強食得完蕃薯條好甜，配合芝士都好夾薯條點蕃茄醬或芝士煙肉都好味如果覺得太溜既時候都建議點蕃茄醬因為朋友生日，預訂左件new york cheesecake上枱時仲寫上happy birthday非常之靚總括來說，地方非常適合傾計，仲有野食都好好味下次再去，會叫手工啤試試

點指兵兵揾野食。呢間食steak 既comment 好似唔錯wo...望下餐牌，真係岩食肉獸。見到有威靈頓牛柳，好想試。1)唔係度度有得食，2) 好食的更加難。所以決定試一試。估唔到有意外驚喜，個牛柳煮得岩岩好，仲好juice.，之前係出面食都係overcooked既。個農夫包湯其實應該都唔錯既，可惜我唔太欣賞個 南瓜湯，個人覺得如果係蕃茄湯，或其他湯會好d。Shake shake 海鮮個醬唔錯，撈左d薯角幾好味豬仔脾個汁比較濃，搶左d甜品有紅酒煮梨，可惜小小偏酸

第一篇食評 係要寫詳細d呢餐飯主要係生日+為左個威靈頓牛柳而黎睇到食評話7點到會無哂 所以提早2日book位時remark埋6:15 留一份威靈頓牛柳話說當日約左牙媽直接去慢煮等 由於門面有d暗 大家去到都睇左陣先確定到自己搵岩地方一入去話用openrice book左位幾點咩名 但d服務員都有d亂 由於牙媽同自己都怕熱而當日都有d出汗所以話想有個凍d既位置 但服務員仍然帶左去個無咩風既2人位 仲要係正雪櫃隔離 （明明到走時隔離都仲有好多位無人入座的）點菜時見到話like fb有優惠但又無寫係咩 問侍應先知係送洋蔥圈（心諗試下都好）結果到快食完追左3次 黎到其實係得一片..總共點左2個小食1個pizza1個威靈頓牛柳先黎既係芝士條 食落有d炸過龍 而且咩醬都無比 問先有一小兜茄汁然後黎左個慢煮煙肉溫泉蛋pizza 餅底係幾脆 但味道一般 無咩驚喜再黎釀蟹蓋 係有少少好似蟹肉絲既口感 但味道都係一般最後 食主角威靈頓牛柳 預先己經切開左一半 中間牛柳唔錯 好厚而且肉汁豐富 大約有5成熟左右 酥皮還好 2個人食到最後有dd（漏） 中間d菇醬食落有d似唔太靚既黑松露味 但以呢個價錢黎講都值得

有次個朋友話食過呢間既威靈頓牛扒好食 所以就介紹我其實一直都好想試吓威靈頓牛扒但係唔知香港邊度有得食 見到呢間有 緊係要試下一入到餐廳 門面好多霓虹光管成間餐廳都好有特色 充滿工業風嘅室內設計坐底左之後叫咗三個餸首先上咗個美式搖搖海鮮盤海鮮盤用咗味粉撈埋海鮮同小小粟米一齊食海鮮新鮮度一般個粟米亦都麻麻哋我覺得呢個可以唔叫跟住就上咗個法式豬鞍排法式豬鞍排用慢煮方法豬鞍排上面搽咗少少蜜糖入口嫩滑又香蜜糖味價錢唔貴絕對值得一試 跟住到我最想食嘅主菜威靈頓牛扒一上枱已經聞到好香嘅酥皮味一切開 牛柳係粉紅色 好鮮嫩食落口完全唔粗糙威靈頓牛扒個做法完全符合返傳統酥皮同牛肉中間有一層磨茹蓉濃香牛肉味 牛肉咬落去好淋同磨茹蓉好夾整體來講環境唔錯 食物質素亦算中上

為咗令假期有個美好嘅句號，同朋友去咗食慢煮工房。餐廳要上一層樓梯，但由地面開始已經有好多影相位，鐘意呃like嘅我係門口已經開始影相。一上到去就見到一堆夾band嘅樂器，如果真係有隊band係到就好啦！餐廳入面好多裝飾，感覺到店主超有心記去裝飾鋪頭。我同我朋友兩個人但店員帶咗我哋去有3張櫈嘅枱，剩一張嚟擺袋，唔洗攬住個袋食飯，坐得好舒服。坐低已經留意到每個人都分配咗一份刀叉，刀嘅造型係小菜刀，超級搞鬼。我哋嗌咗威靈頓牛柳、軟心拉芝士條、龍蝦汁香蒜大蝦意粉、三重蝦薄餅同埋荔枝接骨木梳打。之前睇《鋒味》果陣已經好想試下威靈頓牛柳($188)，今次終於有機會試到，賣相超級靚，又影咗一輪先食。同節目一樣好細心，已經切好咗，熱辣辣脆卜卜嘅酥皮包住蘑菇碎同大大舊嘅牛柳，牛柳雖然大塊但一啲都唔韌，咬落去啖啖肉仲有好香嘅蘑菇。軟心拉芝士條(6條) ($38)真係拉到好長嘅絲🧀，上枱果陣係暖嘅，如果可以熱啲就更加好。三重蝦薄餅($88)係熱辣辣咁上枱嘅，啲料超多超豐富🤤。我哋急不及待拎起各自嘅小菜刀切pizza，每一塊pizza上面都有彈牙嘅大蝦，大家唔洗爭，再加埋香氣滿分密密麻麻嘅櫻花蝦，仲有半溶嘅芝

位於太子呢間慢煮工業~呢個名唔洗睇咩食評，已經吸引咗我去食佢~店舖外觀都幾靚~令人覺得好似會有Life band表演嗰嘅餐廳咁上到去門口又真係放咗一套樂器喺度喎不過係擺設嚟架啫~地方幾闊落幾舒適香港人心態，見到個威靈頓牛柳要訂，就越想食於是問吓有無得叫，咁啱好好彩咁~有多所以我哋就嗱嗱林叫咗呢個威靈頓先~呢個威靈頓確係好味~又靚仔喎美中不足係我哋把餐刀實在太鈍了切得好辛苦之後就叫咗 法式豬鞍扒呢個豬鞍唔太啱我~我食到好重豬味，只係我唔太鐘意啫但朋友都激讚~話超好味~芝士煙肉薯條呢個薯條~好快就食晒~同埋辣蒜香羅勒蜆肉長通粉唔太特別，不過都ok嘅~係細碟咗啲之後我哋唔夠喉再叫多round~第2 round叫咗蒜香芝士排包呢個排包真係不得了~推介大家一定要試叫咗20隻脆辣一字雞翼~呢個雞翼我都鐘意食，傾計吹水食佢一流仲叫咗個三重蝦薄餅都好食嘅~不過食完呢個薄餅就ko咗我哋喇因為之前覺得個薯條好味，我哋仲叫多一次但食完個薄餅太飽，我哋食淨咗好多薯條做咗大嘥鬼整體嚟講呢間慢煮工業我比好高分值得嚟試呀各位~

印象中既太子真係唔覺有西餐廳可以食，可能太耐無去，無特別留意到有咩好野食。今次有朋友提起所以諗住黎試下呢間慢煮工業。我地叫左芝士煙肉薯條拼蕃薯條、威靈頓牛柳同埋溫泉蛋卡邦尼意粉。芝士煙肉薯條拼蕃薯條，個賣相睇落好吸引，食落去既味道都算好食，但係略嫌唔夠熱，黎到既時候好似已經係暖，變左個味道可能減弱左。而芝士果到如果可以做到係漏漏地會更好，因為D芝士已經痴埋左一中間一堆，變左旁邊無芝士的薯條好難點到D薯條黎食。威靈頓牛柳，呢個係我一生第一次食既威靈頓牛柳，平時睇相就睇得多，覺得好吸引。食落去軟軟地口感唔錯，如果我自己一個食一定食唔到咁多，但如果有得再食，我會選擇鋸扒會開心D。個牛柳係好食，但係就唔岩我口味，可能我對鋸扒情有獨鐘。溫泉蛋卡邦尼意粉，呢個每次食西餐我都會叫既野食，因為我食卡邦尼意粉都唔會厭。呢個意粉都做到CREAMY，不過感覺上意粉唔夠入味，同埋都係唔夠熱，撈埋隻蛋黎食就好好多!整體來講，野食係有水準的，值得去食，仲有好多唔同既選擇，留返下次先試!

今日嚟到太子搵食，見到呢間西餐廳裝修幾有趣，所以入去試一試，餐廳喺2樓，樓梯掛咗一幅畫，睇到人覺得好怕羞，哈哈！餐廳環境舒適，牆上掛有霓虹燈扭成的英文字母及圖案，十分有趣。坐位寬闊，枱與枱之間有適當嘅距離，可以俾人傾吓計，講下俏俏話，餐廳播放著輕鬆的音樂，係聚餐聊天的好地方。美式烤豬仔骨，78蚊，有四條，豬仔骨十分嫩滑入味。看見餐牌上特別推介威靈頓牛柳，加上特價188蚊，所以就試一試，提提大家，威靈頓牛柳是需要預訂的。牛柳上枱的時候真係好驚喜，點解睇唔到舊牛柳，原來牛柳比一層酥皮包住左，入邊仲有切碎左嘅蘑菇，牛柳牛味濃，煎得剛剛好，有肉汁，嫩滑，好特別，好好食。特別一提，餐廳內所用的餐具十分有趣，係一把迷你版大菜刀，配上雲石碟，so cute。

第二次黎慢煮工業喇！因為呢度氣氛實在唔錯，都坐得幾舒服~威靈頓牛柳 (期間限定$188/ 10安士) 原價$248，賣相好可愛，係一舊焗咗既麵包，焗到好靚~個牛柳切開咗2份，麵包入面有一舊大牛柳同有啲野菌夾係中間，好香好吸引！牛柳好重牛味，食落比較有口感。反而最令人驚喜既係野菌焗麵包，食落好似酥皮湯啲皮咁，厚身少少，煙煙韌韌，仲吸收哂野菌既味道~~ 脆辣一字雞翼 ($58/ 10pieces) 食落有少少似M記既炸雞翼，外脆肉軟，點埋個汁就仲perfect~温泉蛋卡邦尼意粉 ($78) 隻温泉蛋脹卜卜好吸引。意粉吸汁之餘彈力都十足，口感好好，只係我唔記得要走洋蔥🙈

香港人做野快 講野快 食野快總之咩都係「快」「快」「快」大家好似已經忘記左生活 遺忘左周邊既人同事今日 決定 約好友 起城市裡 停一停 坐一坐感受一下「慢活」既生活 欣賞下你同我餐廳位於熱鬧既太子 但卻營造到一個寧靜 舒適 優閒既環境裝修好有特色 空間大 枱同枱之間好闊落 好有私人空間☺️餐具好有創意😂食物方面 好多選擇 主要以西式料理為主主食點左 威靈頓牛柳一上枱 已經香味四溢 聞到到流哂口水🤤呢個係傳統英國菜式 好難做到 花既功夫亦好多餐廳做得好好 保持到牛柳肉多汁 肉質細嫩 但酥皮底部又夠乾身值得推薦👏🏻👏🏻法式羊架寶雲酥 一上枱就已經聞到好香濃既羊蘇味😃肉汁緊緊鎖實 但口感鬆軟 味道一流另外同友人加了Topping 「Steak Oscar 」畫龍點睛 估唔到連topping都做得同樣出色絕對比美主菜再加多個卡邦尼意粉 如果隻蛋可以再流心點 就真係勁滿足啦😘餐廳飲品種類好多 當然朋友們 要摸摸酒杯底🍻啤酒好特別 好少起出面見到呢d口味啤酒竟然可以同玫瑰花match 到令人好驚喜今次已經係二度幫襯應該再會有三，四，五⋯⋯次👏🏻

朋友在太子附近返工，她說慢煮工房不錯，所以去試下。比利時玫瑰果酒入口味道有點像黑加侖子，淡淡的很香，很適合女士。strawberry vodka朋友點的，說味道不錯溫泉蛋卡邦尼意粉醬汁濃稠，每一條意粉都足夠沾上醬汁，味道不錯。蒜香芝士排包麵包皮香脆內裏軟熟，芝士夠鹹香，熱辣辣，這樣的配搭其實冇得輸。威靈頓牛柳比起牛柳更欣賞旁邊的焗蒜頭，如果喜歡蒜頭的你一定會很喜歡牛柳已經預早切開一半，可清晰望見酥皮內有一層餡料是碎蘑菇來的，牛扒厚身，肉質軟淋，整體配搭不錯。以環境和食牛扒的價錢不算太貴希望下次同朋友來可以試試其他菜式。