Rempah Noodles

營業中

休息中

總結：個湯底死鹹！ 香料味太濃！似飲緊中藥❗整體份量少! 食左好似無食過咁🤷‍♂配料少幾啖米線,5片蝦,4條魚片絲,一粒豆卜切半,半隻蛋,幾條芽菜🤦‍♂🤷‍♂)！完全唔值呢個價囉❗食後仲勁口喝❗(好重味精囉🤦‍♂)感覺呢間野比人吹大左❗球場對面小窩雞性價比完勝距❗做得好既喇沙湯底你會成碗飲曬！但呢間我只試左2啖就算🤦‍♂ 杯香茅茶完全無味🤷‍♂ 純個人口味要求評價❗各位睇路❗感覺比人吹大左！

聽聞呢間新加坡野好多人排隊，咁岩係附近整完頭髮，4點walk in唔洗等位，不過都full house 無得揀位坐。沖著呢款咖央多士而來，果然無令人失望，有分4件同8件，我地兩個人揀左4件。多士外皮香脆，中間非常多斑蘭咖央醬，夾住食好似雪榚三文治咁，好特別同行朋友唔肚餓，所以叫左一碗喇沙試下。但相對多士較普通，湯頭唔夠熱，湯底都唔算好濃，反而較失色以後有機會再來想試一試佢既蝦麵。值得一提的是餐廳提供的是檸檬水，食完野飲好fresh

美味子一向鍾意食喇沙，呢日放假同O先生同LL行完山之後講起有咩餐廳平時冇得book又要walk-in既呢，於是就去咗呢間又就近又啱大家口味嘅南洋風味餐廳試吓，我哋叫左一款娘惹喇沙，一款蝦麵，一款干喇沙(偏辣）同咖咉多士， 娘惹喇沙湯底比較濃，所以一上完之後最好盡快食晒如果唔係啲面會索晒啲湯咁就會飲唔到啲湯底㗎啦；呢度可以免費加麵底，由於我哋三個都係行完山之後超肚餓所以我哋三個都有加面底亦都順利清晒😋🐷🐷🐷。如果正常嘅時候，美味子覺得唔加面底嘅份量都已經足夠一個女仔食㗎喇～所以大家要衡量係咪真係需要加面底先至加面底唔好做大嘥鬼呀！

係灣仔有幾間食喇沙/蝦麵都唔錯，今日lunch 特登來試下Rempah, lunch排長龍室外等左半個鐘啊叫左一個娘惹喇沙加青檸紅茶，上菜十分之快。喇沙湯底濃郁，有椰香同微微辣，味道有層次！仲要標磅無味精，湯底值得一讚。配料有蝦肉，半隻蛋，雞絲，魚片，豆卜，相比起米線配料反而索得更入味，由其係魚片非常正！呢碗高質喇沙食到尾d湯都差唔多飲埋，天氣熱再加左杯青檸紅茶，一個十分滿足既lunch!下次要再試埋signature 咖央toast!