勝手 (已結業)

突然好想食日式定食套餐🍱朋友帶我來到一間位於銅鑼灣內街的小店 位置比較隱閉 若果朋友唔喺住係附近都唔會發現里間店☺️⠀lunch time日式定食套餐有主食、白飯、小食、湯、沙律&甜品⠀▫️安格斯牛扒照燒定食 ($168)🍱安格斯牛🐃肉質軟腍juicy 用燒汁調味好適合餸飯⠀▫️蒲燒鰻魚定食·原條 ($168)🍱原條鰻魚份量十足有成3層🤤鰻魚肥美 皮脆肉軟 蒲燒汁很足 但飯量不多 所以食食下有點略咸⠀▫️小食·茄子漬物🍆茄子醃得夠入味 面頭加木魚片 很開胃⠀▫️蕃茄豆腐麵豉湯豆腐蕃茄金菇🍅好足料 酸酸甜甜嘅麵豉湯好好飲👍🏻⠀▫️水果沙律粒橙非常juicy清甜🍊沙律菜新鮮 加咗少許辣粉調味不錯喔⠀▫️甜品·黃豆黑糖蕨餅黑糖味濃郁 不過黃豆粉可以再多一點⠀

雖然好多人嚟依到打邊爐，但我同同事今次係嚟食定食都成超過10款選擇可能我地早到，得我地一枱成間鋪比人一種好乾淨好整潔既感覺之後就坐滿晒人嚕連lunch都咁多人嚟打邊爐個水果沙律好好食我都唔特別鐘意食菜食沙律咖啦但依個沙律啲菜好新鮮之餘，個汁酸得嚟又帶少少辣又幾清新幾特別幾好食喎湯就係蕃茄麵豉湯仲會有一個茄子安格斯牛扒照燒定食 $168 嚇一嚇，都幾大份咖喎而且切好晒夠方便肉質嫩加埋個汁好濃味，同個肉好夾加埋飯食就真係不得了順帶一提就係知道我地係share食，所以即使淨係上左一個set, 都會比2碗白飯先好細心遇著有啲餐廳將兩個set分開隔幾好耐先上，真係會令人躁底銀鱈西京燒定食 $168 肉質好滑入面油份好夠，但面頭又唔會油淋淋只係略嫌個調味對我嚟講鹹左少少不過其他都一流最後仲有一個抹茶蕨餅做甜品唔食抹茶唔食蕨餅既我試左半舊發現，有時負負都係出負好強既抹茶味啊，二話不說送埋比同事食佢都好快手清晒，睇嚟鐘意抹茶既人應該會覺得好食見個個都係到打邊爐，下次又嚟試下先

午飯時間，想跟在銅鑼灣工作既朋友見面食飯，於是找個能預約及舒舒服服坐低既餐廳。朋友於此餐廳食開shubu shubu，都覺得質素幾高，而且唔貴。但現在天氣開始熱，餐廳開始推出setlunch，朋友立即約我試試看。位置相當方便，係百德新街一直行，之後向內街左轉就見到。我點了安格斯牛扒照燒定食，朋友最愛鰻魚，佢點了蒲燒鰻魚定食。首先先來水果沙律、麵豉湯，前菜一點也不馬虎，有滿滿的菜加開胃既醬汁，連茄子都醃得恰到好處。麵豉湯內更是足料，有金菇、豆腐及蕃茄。安格斯牛整齊平鋪係碟上，鮮嫩粉紅色令人垂涎三尺，咬下去肉汁鎖住響肉入面，肉同脂肪均稱。飯加上飯素，為平凡既白飯加添色彩及味道，但又唔會搶左牛既鮮味。鰻魚飯燒得皮脆肉軟，魚骨輕輕就咬斷，鰻魚汁香濃滋味。最後，仲有甜品，綠茶蕨餅濃郁既綠茶味再加埋煙煙韌韌既口感，一絕呀

今日難得day off，同呀爸過黎銅鑼灣買野。買咩? 嘛就係黎緊母親節既野囉! 中午就響附近食，想食日本野，黎左呢間叫勝手既餐廳，都幾有feel，有啲西餐廳bar枱feel，但更加係好日系風格，唔算好大間，但絕對係好靚好有情調。佢地 set lunch都幾多選擇，我地揀左個 安格斯牛扒照燒定食 同埋 銀鱈魚西京燒定食。跟餐有面豉湯、沙律、甜品等，好似都幾抵。首先黎既沙律，好清新，有生菜、蕃茄、仲有橙，好開胃，左上去既汁紅紅地，甜甜酸酸，啱晒今日咁熱既天氣食。一齊上枱既仲有一細碗漬茄子粒，好好食! 加左啲芝麻，好香好惹味。細細粒既茄子做前菜，我唔捨得一口氣食晒佢，留左啲黎送飯。面豉湯入面有豆腐、少少蕃茄同埋金菇，好少飲面豉湯會有咁多湯料，加左蕃茄又清新左，成碗湯好香甜，好鍾意，唔太咸。食完個沙律好快個飯同主菜都上埋，嘩，百幾蚊一塊安格斯牛扒咁大塊?! 嚇左一嚇，份量好大! 牛扒一睇就知燒得好好，好靚，外層微微焦香，入面係勁juicy勁tender! 而個汁做到夠薄身，唔會好似平時見到啲照燒汁咁濃咁杰咁甜，啱啱好夠味! 一啖牛肉一啖飯，超正。個牛扒係啖啖香甜既牛肉味，配個飯食係一流。個