亞玉豆腐花

營業中

休息中

主打港式街頭糖水，豆腐花是店內的招牌之作。雖然店內只賣數款甜品，但貴精不貴多，味道取勝，價錢也是街坊價，性價比超高！店員手法純熟地包糯米糍。喳咋 ($10)甜度適中，帶有椰香味，又不會死甜；豆類不腍不硬，吃得滿口盡是豆類的質感，口感豐富。黃豆豆腐花 ($8)店內準備了黃糖、薑汁及糖水供客人自行添加。豆腐花質感滑嫩細緻有光澤，口感絲滑柔順，入口如水般順喉直下。客家糍粑 ($6/粒、 $15/3粒、$38/8粒)外形渾圓飽滿，質感軟綿。糯米皮香軟煙韌，皮薄餡多，全是滿滿的芝麻花生餡，非常足料！口感煙韌糯軟，美味可口，讓人回味無窮！

豆腐花越開越多間但都係最捧亞玉🥰好滑好食又近近地有間 唔駛去到荃灣元朗 太好了企喺舖頭前食 一路有街坊嚟買第一碗一定係 熱嘅黃豆！熱辣辣新鮮裝出嚟 加啲糖水黃糖好滑好好味🥰🥰🥰唔夠喉嚟多碗熱黑豆！黑豆嘅豆味重啲 黑豆對頭髮好似唔錯舖頭姨姨話都係啲後生先會嗌黑豆😆一樣咁滑咁好食！試埋一盒3粒嘅客家糍粑芝麻花生餡 $15 三粒都幾抵食！咬開個皮好煙韌 好足料 啲餡唔會太糖好漏 啱啱好🥰🥰食晒三粒先夠 仲有6粒一盒裝🤔🤔

O係黃埔睇完場戲，行返紅磡沿途行返紅磡Ｏ個頭，見到鼎鼎大名既亞玉。一場黎到，天口又熱又焗，梗係要整返碗豆花先啦！＃黑豆豆腐花＆黃豆豆腐花：兩款豆花都好重豆味，其中黑豆腐豆花唔常見，所以試試。豆花既口感滑漏，食落口涼浸浸！呢度仲可以自己加薑糖，當然，食豆花，黃糖都係一定要落啦，加落凍豆花，脆卜卜，正。＃客家糍粑：好耐冇食過糍粑，所以叫左一盒糍粑Ｄ餡係由花生同芝麻撈埋，每粒糍粑都好飽滿，個餡好有口感，而且唔係太甜，好好食！個皮夠薄，又夠煙韌，而家真係唔係度度都食到呢Ｄ手製既風味喇！

-黃豆豆腐花（$8)依碗凍豆腐花好好食❤️岩曬天氣咁熱💦☀️豆花幾濃郁，加埋糖😆，清涼解渴降溫😍 而且份量好多，食完真係幾飽肚😊-芝麻糊 （$15)依碗凍芝麻糊好足料👍🏻很香，用匙羹舀起好杰身，芝麻味濃郁又順滑，味道岩岩好☺️-客家糍粑 （$15@3粒）依個客家糍粑同糯米糍口感差不多，食落煙煙韌韌，而且入面餡料有黑芝麻，花生粒，粗砂糖，食落好香芝麻和花生味❤️幾好食☺️-砵仔糕 （$3@1個，$12@5個）砵仔糕食落甜甜的，帶點煙韌，而且有好多紅豆😍-Name🏠: 亞玉豆腐花 Location📌:紅磡船澳街99號遠富樓地下B舖（港鐵黃埔站 B 出口, 步行約3分鐘）價錢💰:黃豆豆腐花（$8)，芝麻糊 （$15)，客家糍粑 （$15@3粒），砵仔糕 （$3@1個，$12@5個）

食完飯飽飽點都要買返配糖水滋潤下嘅！呢間由元朗食到黎紅磡，價錢合理！仲信心保証！「亞玉豆腐花」新登場～薏米白果豆腐花（11$）薏米清清地唔會蓋過豆腐花嘅豆香，白果一粒粒好有咬口，去清熱感覺好健康必叫～芝麻糊豆腐花 （11$）芝麻糊10分有10分香滑，好重芝麻香，質感適中唔會太稀！配合埋豆香真係絕配，建議熱食，更加滑口砵仔糕（5個 12$）好多豆啊\(≧▽≦)/ 鋪滿哂成個砵仔糕好治癒啊淡淡嘅黃豆香 配埋紅豆 清清地真係大人細佬都啱食客家糍粑（3粒 15$）平均就5$大大粒 絕對真材寶料糯米煙煙韌韌，配埋熱豆腐花，中式甜品萬歲款式唔多，不過勝在可以左配右配豆腐花金獎唔係浪得虛名

今日一家大細去黃埔行街，經過亞玉豆腐花店見好多人企喺度食緊，媽媽見到話想食芝麻糊，於是大家都揀咗自己心頭好嚟食，包括芝麻糊（＄15）、黑豆豆腐花 （＄9）、砵仔糕（＄3）、客家糍粑（＄15）同埋黃豆豆漿（＄10）。芝麻糊黏稠幼滑，仲有好香既芝麻味，媽媽食完後表示滿意~既然店名叫豆腐花，我就叫咗黑豆豆腐花，可以因應自己口味加薑水同黃糖。雖未至於滑到一食落口就流入喉嚨，但有好香既豆味，感覺真材實料。至於砵仔糕，佢d紅豆好多好多呀！！仲粒粒軟綿綿，抵食又好食！客家糍粑既餡料係黑芝麻同花生，粒粒都好多餡，而外皮煙韌有嚼勁~臨走前買咗支低糖熱豆漿，佢同豆腐花一樣，好香豆味，而且好滑又唔會太甜👍

行經這條街，見這小店被三三兩兩的人群圍繞，立刻被吸引了過去！原來是傳說中來自元朗的豆腐花！雖然我從沒有吃過XD, 但見人流那麼多，味道一定不差！薏米白果豆腐花（熱）$11食豆腐花我一直都比較喜歡熱食。個人覺得熱豆腐花的質地更柔軟滑溜，豆味更明顯。尤其是冬天吃地豆腐花，暖粒粒又甜思思，很滿足！名店果然是名店，試第一口便已經讓人感嘆！超級滑溜又有濃濃豆味！薏米白果都已經煮軟，配上豆腐花，一次過嚐到兩種口感！甜度又剛剛好。重要的是薏米是美顏恩物，美味又健康，價錢又便宜，超級滿足的！黃豆豆腐花（熱）$8朋友選了原味豆腐花。朋友說原味更能體會到它的豆花濃郁，配上紅糖，簡單美味。客家糍粑 $15/3粒難得來到，見到有其他小食，便也買一點來淺嚐！身為客家的後裔，但我竟然從未些過這款小食！？跟糯米糍差不多，軟糯的外皮包著有黑芝麻、花生粒和粗砂糖的內餡！皮薄餡靚，外皮煙韌內餡香口，值得一試。砵仔糕 $3/個，$12/5個我們怕太飽，所以只買了一個來試試。細細個，兩三口便吃完了。紅豆挺多的，甜甜的，但不會太甜，糕底煙韌，味道還不錯。

今日喺紅磡行到餓餓地，就想食啲小食。經過見到咁多人買豆腐花食，就決定食碗豆腐花同其他小食。除咗豆腐花同埋其他豆製食品，仲有唔少小食揀，就例如有砵仔糕、芝麻糊、客家糍粑等等。我哋叫咗個兩個凍黃豆豆腐花。.🔸豆腐花一食入口，豆腐花嘅豆味好濃又夠凍。糖漿唔算好甜，如果想食甜啲，就需要加黃糖。我最鍾意加黃糖食豆腐花，呢碗嘅濃豆味加上黃糖好味道除咗豆腐花，我哋都加咗兩蚊去叫埋佢個砵仔糕。砵仔糕有得揀要豆或者唔要豆，我就揀咗無豆。🔸砵仔糕砵仔糕唔算好甜，好香，亦比出面食嘅砵仔糕煙靭和粘！而咬入口亦都好滑，加$2有一個真係好抵食！🔸客家糍粑最後買多咗一盒三個嘅客家糍粑，糍粑嘅皮好薄、又煙靭，餡料超多，有好多芝麻喺入面。由於皮唔算好厚，而佢嘅餡料唔算好甜，所以食入口都唔會覺得好滯！讚