熨烤達人 (已結業)

今晚同朋友嚟到呢間鑽石山嘅餐廳食韓國燒烤，未點嘢食之前，店員已經將生菜、芝士、泡菜、豆芽同蘿蔔等配菜上枱，仲有爐邊蛋😍，排頭十足。叫左炭燒半熟韓牛（$108）、調味五花肉（$68）、寒冰水冷麵（$68），like 熨烤達人 Facebook page仲送兩杯無酒精飲品（一個ac一杯）。食韓燒雖然肉類好重要，但係配料都缺一不可！生菜好新鮮，完全冇草青味，用生菜包住點左醬汁嘅肉類，加入埋泡菜一齊食，可以中和肉類嘅油膩感，非常好食！此外，爐邊蛋即係韓燒重點之一，可以隨店家附送嘅配料整芝士或泡菜爐邊蛋！寒冰水冷麵，賣相非常吸引，內裏有用水果製成的冰條，幫助保持冷麵冷凍。麵條用咗韓式蕎麥麵，口感彈牙，湯底帶點甜味，另外仲附送有白醋，可以自行加入同調節湯底的酸度，個人比較喜歡帶酸嘅湯底，食落去比較開胃，同埋泡菜一齊食，好食！叫左兩杯沙冰，分別係焦糖爆谷白朱古力雪沙同Golden dreaming （芒果、橙、乳酪）。前者賣相非常吸引，朱古力味濃郁，甜而不膩，後者味道非常清新，芒果同橙相配，飲落酸酸甜甜同解膩～

呢個廣場有好多餐廳，呢間比較突出嘅係佢嘅裝修、菜牌、菜式都好有特色，以金仔同marvel 英雄結合嘅主題吸引人眼球。玩味十足之餘，座椅有靠背，坐得幾寬敞舒適。食物方面，今次點得唔多，但係點嘅嘢味道都唔錯，芝士大腸同芝士爐邊蛋都幾好味！大隊腸支支 $88首先一上台就覺得佢顏色好靚，橙黃色影相好sharp。豬大腸份量都算足，豬大腸同底下配菜都煮得入味，啖啖都有芝士香味。唔錯。寒冰水冷麵 $68平時冷麵係將湯底雪冰，以保持冰凍之餘又唔會令湯底變淡，但係佢將湯底雪成雪條樣，仲有生果係入面，望落又靚又得意～加入醋之後冰凍又酸酸地，更加清爽。冷麵用蒟蒻麵，所以好爽口彈牙，浸泡幾耐都唔會變軟爛。ps：其實d 生果吸收左雞湯味食落有d 怪😂😂特級雪花牛 $108肥牛得6片有d 少，但係牛肉味濃郁，而且幾香，建議唔好烤到全熟食會軟滑d。白飯$15食韓燒一定要點個白飯，撈芝士汁或者熱辣辣芝士/粟米爐邊蛋都好好味！呢間餐廳裝修幾特別，成間餐廳每個細節都貫徹主題，例如餐牌、座椅、食物名等等都呼應金仔、英雄主題。同朋友一齊食嘢傾計會幾舒服。

好耐冇行過荷里活廣埸，內裏好多新餐廳未食過，在三樓有間叫熨烤達人既韓燒料理店， 裝修別緻， 就比佢吸引左入去吃晚餐，入去時店內巳有好幾台一家大細食緊。我地坐下無耐就隨即呈上前菜: 大豆芽、泡菜及醃青瓜，三款都醃製得好好味，而且辣度都算係容易接受。另外爐邊放入蛋漿加上芝士碎，配撘非常美味。達人沙律，有佢自家製既藍莓沙律汁，酸酸甜甜，非常開胃。雞腎及牛舌，食材靚，燒完有香濃肉既鮮味而且吾韌，再配上生菜來吃冇咁熱氣，超正。不可不提生菜新鮮爽脆，片片都完整冇缺。而且餐廳抽風非常好， 唔會煙霧瀰漫一陣味 。巨卵鰻魚飯，鰻魚肥美可口，而蛋煮得嫩滑，刺穿後有少許蛋醬，混合鰻魚汁撈白飯吃非常滋味。寒冰水冷麵，附有乳酪鮮果冰條，吃落美味涼快，蕎麥麵沾滿冰冬既乳酪汁， 酸酸甜甜，麵質爽滑彈牙，係吃完烤肉後最好的配搭。

近日韓燒癮起，見熨烤達人的人氣幾高，所以決定去試一試。我地訂了一早6點入座，入到去發現有好幾枱已經開始韓燒，心想好彩有訂枱並選擇了早食。我地首先點了碟達人沙津，沙律菜配以藍莓及士多啤梨，而且水果份量絕不吝嗇，感覺清新，加上鋪面的是藍莓醬汁，酸酸甜甜的十分開胃，亦意外地跟沙律菜配撘。韓燒前先吃前菜，三碟前菜的水準都很高，特別是泡菜，酸味和辣味取得了剛好的平衡，我地吃完泡菜後店員更親切地多送我地一碟呢。由於餐牌選擇太多令我三心兩意，所以只點了兩碟肉而留肚吃其他主菜。上圖的雞腎爽脆，下圖的牛舌油脂分佈均勻，燒出滿滿牛肉香味。圍邊的蛋漿混和了芝士碎，更是能夠做出拉絲效果。見到餐牌上的巨卵鰻魚飯已經覺得是必叫，上菜時實物果然與照片相符，甚至更誇張! 鰻魚真的有兩隻手掌之大，相當震憾，鰻魚更是厚身食落啖啖肉，加上鰻魚汁配炒滑蛋送飯，絕對是無得輸!最後還點了個水冷麵，上菜時才驚覺竟然附有雪條在旁! 雪條有大量新鮮生果及乳酪做成，略帶酸甜清新。蕎麥麵更是另一驚喜，口感非常煙靭，整碟水冷麵都令人十分滿意。