嚐囍煲仔小菜

營業中

休息中

農曆新年氣溫急降，真係超想食返煲熱到岀晒煙嘅煲仔飯。今次一嚐獲米芝蓮必比登推介嘅嚐囍。晏就黎到，除左傳統煲仔飯、創意日式鰻魚煲仔飯，仲有多款點心供選擇！▪️臘味滑雞飯 加蛋 $98 +$9煲仔飯粒粒分明唔會過硬，滲透住淡淡臘味嘅油香。底部一整塊嘅飯焦超正呀！好脆身，唔會太燶，略嫌有少少唔夠焦香。臘腸一咬，油脂大爆發，唔會過鹹。臘肉肥膏位軟腍，不過人地大讚嘅潤腸就得一舊，仲要比對面個個食左。滑雞唔柴唔乾，但只有一兩塊比較滑，可以唔嗌~ 豉油偏甜，有少少奇怪嘅香味，個人就麻麻啦。整體黎講，好鍾意佢飯嘅口感，不過調味就偏清淡，重口味人士有少少唔滿足。▪️咖哩金錢肚 $25/大點金錢肚超入味！軟韌有彈性，又唔會咬唔爛。咖哩汁微辣惹味，底下仲有軟腍多汁嘅蘿蔔。▪️黃金糕 $23/中點蜂窩組織幾靚喎！煙韌控超鍾意佢個質地！好Q彈！對面嗰嗰就嫌佢太過煙韌，不過椰香味就唔算好突岀。▪️小籠包 $30/特點小籠包嘅皮唔會太厚，肉汁都算多，但味道上硬係差咁啲，唔太推薦。

-{西環米芝連煲仔飯🍲}十年都唔食一次煲仔飯😂今次終於食😎另外仲嗌左好多點心試🥰🤤滑蛋牛肉餅煲仔飯🤤 ($90)個肉餅芫荽味好重 啲飯焦落咗甜豉油之後好好味😝但唔鍾意芫荽嘅會好憎呢個飯😂👖褲評: 7.5/10🤤啫啫滑雞煲🤤 ($78)滑雞好滑 不過多啲骨 啲豬潤都好多😂汁夠惹味 但唔太啱口味👖褲評: 6.8/10🤤椒鹽鮮魷🤤 ($88)好香口仲要熱辣辣☺️魷魚肉好彈 有咬口但個炸粉有啲厚😭👖褲評: 7/10🤤小籠包🤤 ($29)入面有啲肥豬肉同湯汁 個皮夠薄但湯汁好少👀👖褲評: 6.5/10🤤腐皮卷🤤 ($24)有啲茜幾香口😆個料都幾多👻不過個皮又係有啲油👖褲評: 7/10🤤蝦餃🤤 ($33)蝦滑同蝦肉都多😙蝦味好鮮 不過個皮好痴口🥴👖褲評: 6.5/10🤤炸鮮奶🤤 ($24)有4大嚿 炸粉正常厚度☺️個奶都幾香😚👖褲評: 7.6/10個煲仔飯啲飯幾好味 反而啲點心幾出色😙會鐘意啲點心多啲 同埋夜晚都幾多人排隊🧐性價比: 7.5/10服務: 8/10環境: 7.5/10🚩嚐囍煲仔小菜🚩地址: 西環堅尼地城北街25號地下 #fuudjai #fuudjai港式 #fuud

今次黎到一間米芝蓮黃店係必比登推薦既嚐囍煲仔小菜餐廳原本由三人創立不過後尾拆夥其中一位走去開左兩間叫做嚐喜大不同一樣都係做煲仔飯小菜既最正宗既始終都係西環呢間嚐囍有晒商標注冊晒單喜果間只係為錢而生去到見唔到紅色招牌反而見到個黑色既話其實岩岩尋日先開番堂食唔知係裝修過定點樣煲仔小菜格離仲有間點心皇外賣我十一點黎到無論係堂食定外賣都已經好多人排緊緊其實門口就好混亂既因為根本就無侍應負責登記問下現場街坊大家都係得個等字乜都無終於入到去企左陣問到個阿姐佢又終於出黎登記派飛仔張飛仔全手寫就咁得個number咁我就繼續坐門口繼續等因為平時都慣左排隊真係好耐無遇到過呢種咁混亂既情況嚐囍應該係一間比較老牌既食肆由內到外都係咁既味道等左唔係好耐就有位等左唔係好耐就有位不過二人檯都真係幾細張雖然一心黎試下個煲仔飯但其實呢度應該算係一間茶樓好耐未試過餐具要自己洗久違了既點心紙岩岩公佈左2021既米芝蓮而家係連續四年米芝蓮比必登推薦了6蚊茶錢最貴最頂點32蚊標榜無落味精呢度無寫廚師推介我都係點左最大路果幾樣點心另外有火山石煲仔飯同砂鍋煲仔菜其他小菜原本都係晚市時間先有疫情之下禁晚市就全日供應呢樣野都係格離檯話