魚塘鴨子 (已結業)

今晚book左8:15分枱，8:00到達，已快速帶位到上層，下層有人book左聚會。見到OpenRice 食評一般不滿意服務，沒期望下又好滿意喎。被安排窗口位，感覺很開揚，我地諗食咩比較慢，侍應亦一個企喺度等我地諗，完全冇俾面色我地睇。食物方面，點了紅棗茶—-香甜，片皮鴨半份——不油不膩且脆，椒鹽九肚魚—-鬆脆香口，小籠包—-一般質素，炸雪糕—-大大份，脆脆既外瞉包實雪糕磚，好味。本身驚唔飽，但2人食原來已經好飽，埋單555，環境，食物及服務黎計，喺有情調既餐廳食，真係好滿意了，是食得開心既一餐。

餐廳安排我們坐二樓,窗口位，環境好清靜，光猛，整潔。第一道菜，必試片皮鴨，略嫌份量少了一點，味道 不是驚為天人，不過不失，有吃過更好吃的，但這個人亦唔差。配菜份量唔夠，醬汁好味。小籠包好食，皮薄餡靚多汁。叉燒蟹殼皇即係叉燒包，瘦叉燒好味，但食唔到蟹味，叫呢個名有D唔明。北京醬肉煎餅，冇乜特別，肉偏鹹。服務唔錯，整體感覺舒服良好，茶位貴咗少少，即使叫飲品也照收茶錢，叫咗香片和紅棗水，紅棗水好飲。

之前喺荃灣廣場嘅美中鴨子食完lunch之後佢俾咗幾張coupon,見到啲coupon可以用喺呢間喺element嘅魚塘鴨子, 所以就嚟呢間試吓。呢間環境真係靚好多，望出去個view都幾有情調,同埋啲枱唔會好迫，坐得都幾舒服。龍蝦湯不過不失，都係普通嘅龍蝦湯小籠包唔錯，個皮好薄，但個蒸籠長條型，好難夾起個小籠包，搞到一夾起上嚟個皮就穿北京填鴨被想像中差，正常北京填鴨應該係佢嘅招牌菜，但係個皮唔係特別脆，同埋青瓜京蔥蘿蔔嘅配料唔夠，平時喺其他餐廳食北京填鴨，通常係1塊皮包兩舊肉都仲有肉剩，呢間餐廳係餅皮多個肉😂 脆皮口水雞有驚喜，個脆皮都真係幾脆，唔算太辣，但就偏鹹少少呢個餡餅好好食，睇Menu見到張相OK所以叫嚟食，食第一啖已經覺得幾好食，但就偏油膩少少香蕉高力豆沙都係咁普普通通，佢伴碟嗰舊嘢係一舊棉花糖so far呢間餐廳都OK嘅，嘢食同環境都唔錯

圓方演薈廣場有一排特色餐廳，其中一間是富時尚感的上海餐館。一共有兩層，亦有戶外座位。我們選擇了上層座位，很大的玻璃櫥窗，感覺開揚，他們選用了藍色枱布，透明玻璃茶杯茶壺，比較有特色。小籠包$68有四隻，其中一個用紅色皮，非常美觀，皮薄餡靚， 多汁鮮甜。龍蝦湯$ 98 位上淺嘗一下，龍蝦湯略有少少失望，不過味道大致上都美味，龍蝦味可以再濃些，內有帶子。除湯附上三個酥皮酥送湯。嫩雞煨麵$78湯汁調教剛好，有微香嘅雞油味，不會太杰太稀，雞絲蔬菜粒份量適中，麵條硬度剛好，是我想要的湯麵。填鴨半隻（原價218 ，八折後只需要175）片皮鴨份量適中，他的嬤嬤紙每片都有烘過，這是比較少有的。鴨方面、 鴨皮可以在烤香一點，不過味道大致上都滿意。總括而言，餐廳氣氛不錯，員工都很有禮貌。整間餐廳格調都比較時尚，都非常適合情侶約會。不過酒水方便就相對貴，茶錢兩位合共$48 ，同行朋友叫了一杯雪碧$42。買單一共$550連+1服務費。

Element 對於我嚟講係一個陌生地方，真係好日都唔嚟一次，嚟完谷住度氣返屋企 😭😭😭話說同朋友慶生，咁其中一位要喺國內坐高鐵返嚟，咁就去咪揀去圓方囉，一向食完飯靚媽會車我另一位朋友返新界東，但嗰晚靚媽另有約，攪到我兩失預算，又無做定功課點走，就聽靚媽講揾架 W3 坐，我哋用咗 20 分鐘揾到個站，遙遙望住佢駛走😤 跟住流淚眼望流淚眼。 。 。無理由再等 20 分鐘，朋友決定坐東涌線去荔景轉車，我就去揾其他巴士。後來發現應該搭屯門線去紅磡轉東鐵。 。 。終於用咗個半鐘有多先返到屋企 🤦‍♀️🤦‍♀️呻完啲傻瓜嘢，講返間餐廳 😍😍 限於地點，主角就揀咗呢間食上海菜。我哋坐底咗，朋友話好食評好壞參半，咁既然改唔切地方，就勇於一試啦。其他人未嚟就叫個醉雞食住先，其實好香酒味，但食落似豬肉多過似雞，感覺唔差。人齊再點食物，大家都唔係好肚餓，就叫點心啦，小籠包同餃子每款兩客，小籠包裏面都有湯汁，上檯夠熱，但同蒸餃子一樣，個皮雖然有唔同顏色，但我哋都食唔出有乜分別 😅片皮鴨反而有啲驚喜，特別係皮與皮之間仲有一片紙分隔開，唔會痴埋一齊。炒豆苗平平凡凡無乜特別，平衡一吓其他飽濟嘅菜就好好。最後上個素鵝我

圓方 podium 食野貴夾唔飽係預左的，依間餐廳都係其中之一。17x 蚊黎個 set lunch，味道一般，唔係好食到咩名，少少鹹少少辣咁，帶子都算新鮮，不過得幾粒，奉送白飯一碗，餐飲一杯，兩位朋友嗌 latte，一杯勁苦，一杯勁淡，兩杯溝勻佢就差不多。我嗌熱檸水，無 complaint。 水煮魚好食，麻辣好香，啲魚啖啖肉無骨，份量都還可以，個底有啲菜不錯，可惜奉送頭髮一條，侍應換個碗新既俾我地但食慾即時大減。小籠包正常，但好易夾穿爆汁。蝦球同帶子一樣，我食唔出佢係咩味，好似係豆板醬亂咁炒出黎既野咁。值得一提係午餐已包餐飲，問佢拎壺水得唔得，佢話得，但原來盛惠 120 蚊，唔係俾唔起，但下次可以話一話俾我地知價錢，不過，其實都無下次了。 總括黎講，唔難食，味道正常，但4個人買單 1000 蚊既 lunch，性價比不高。

昨天跟三個舊同學去了這家位於圓方的中菜館吃午餐，位置有點難找，上了2/F後還得再多上一道電梯，在商場的平台位置。餐廳的裝潢格局明顯走比較高檔的路線，而食物上菜時也確實賣相頗精緻。由於同行者的食量不算太大，所以只點了數道菜。小籠包 - 只有4件索價60元，說真的不便宜。上菜時發現有一個的皮是紅色的，其中一位同學自告奮勇的吃掉了，搓皮時應該有加紅菜頭汁所以變了紅色，比道她說只是一般。我自己吃了普通口味的，說真的跟外面不少普通上海菜館吃的沒兩樣。醬肉燒餅 - 相對小籠包來說，這個就好吃得多，酥皮入口鬆化，醬肉餡料足且味道甚濃，雖然索價達88元但也是值得一吃！鴨肉沙律 - 蔬菜很新鮮，吃上去感覺清新，沙律的醬汁亦開胃，不過鴨肉吃上去只是一般，甚至與沙律有點格格不入，未知是否只滿足食肉獸？孜然豆腐 - 豆腐炸得外脆內軟，口感很好，但孜然粉下得不夠，感覺只是點綴一下而已，帶不出跟豆腐清淡的對比，就像吃普通的炸豆腐而已。瑤柱金華火腿雞肉炒飯 - 整頓午餐中最為出色的一道菜了，炒飯乾身但不會硬，配料頗足而味道甚佳，128元以現時消費來了也合理了。整頓飯每人消費140元，以現今水平來說尚可接受吧，畢竟餐