Cafe Paradise (杏花邨) (已結業)

👍🏻環境:裝修得很美麗的咖啡店，打卡一流喔，店內有很多公仔，又有花車及旋轉木馬，以藍白色作主題很夢幻。👍🏻服務:侍應態度有善，不繁忙時段黎，侍應會儘量俾打卡位顧客選擇。食物[👍🏻小食拼盤$78]推薦脆炸三角芝士好好味，有十分濃郁既芝士味；咖哩角不錯放久了還是脆；薯角就比較普通；雞翼全部都很好食，最好趁熱食更美味。[👍🏻卡邦尼意粉$63]蛋漿很出淡淡蛋味，口感十分香滑，味道也濃郁，意粉煮得剛剛好，意粉彈口有嚼勁。[👌🏻芝士奄列黑椒牛肉飯$69]跟pepper lunch很樣似，充滿鐵板的味道，唯獨醬汁方面不一樣，但整體份量較多，啱曬大食人士。

今日呢去咗柴灣睇戲，因為果邊平同有大戲院，所以就去咗嗰邊睇。之後呢就要去搵食啦但係柴灣就冇嘢好食，所以就去咗杏花邨嗰度搵食。杏花新城嗰度呢就有好多餐廳，有中式西式日式快餐咩都有，我地就比間裝修好特別嘅Cafe Paradise 吸引咗入去。我地就坐咗去個好似灰姑娘坐嘅果架車度食，好有風味。佢係一間西式餐廳由前菜、小食、扒類、main course、pizza都有。本drink menu重好有心機咁一打開就有3D屋彈開黎。我地叫左個小食拼盤，卡邦尼意粉同雲呢拿沙冰。鋪入面座滿哂人，一家大細以至一個人鋸扒都有。等咗一陣，先黎個小食拼盤。四款雞翼，都各有特式，水牛城雞翼最開胃因為酸酸地少少辣。咖哩角都炸得好脆，如果有多啲餡就更好。炸芝士好creamy，唔講以為食緊炸豆腐，幾得意，幾好食。而薯角就炸到新鮮滾熱辣咁，好香脆，好好味。卡邦尼意粉個份量都幾多，個汁修到啱啱好，令到個粉好creamy，而且佢煮到好彈牙，都唔錯。杯沙冰好有雲呢拿味，唔太甜，好啲似飲奶昔咁，值得一試。間鋪都幾大，野食就算散叫都唔太貴，而且食物都幾好味，份量又唔少，所以都吸引到好多人食，遲咗黎都要有排等呀。

近期都好興少女風嘅餐廳，因為岩晒同班女仔friend 影相打卡👯‍♀️📸，今次尼間餐廳真係好岩影相😍一入到去就俾佢地嘅環境吸引，入面有旋轉木馬同毛公仔，好似主題樂園同幾夢幻。我地點左兩個set當brunch 首先有小食拼盤拼盤有炸物、春卷同薯條🍟，雞翼🐣就有晒3種. -> 水牛雞翼、鹵水雞翼同炸雞翼。水牛雞翼嘅醬汁幾特別，其他炸物都香口，上碟都唔會太油淋淋，唔錯👍🏼美國安格斯西冷牛扒配燒汁🥩-我地簡左要 3成熟，煎嘅時間撐握得幾好，因為唔太韌，而且肉質腍滑，想食濃味啲嘅就可以加埋燒汁。呢兩個菜做brunch 都幾飽下，食物嘅質素同性價比都唔錯，其實野飲都好飲架，不過我地又快快手飲晒，影唔切相🙈。

同朋友嚟到杏花邨，平日晏晝要搵嘢食，見到呢間裝修幾特別既餐廳，見到價錢又唔算太貴，就入咗去試試佢。餐廳係就可愛既主題樂園路線，好適合帶埋小朋友嚟呢度食。除咗每日既午餐之外，都仲有好多意粉或者意大利飯之類揀，drink menu好特別。我就叫咗個黑松露野菌意大利飯($73)，黑松露味好香濃，一嚟到就聞到，飯唔會太濕太乾啱啱好，亦都唔會太膩，可以食到晒成個。朋友叫既煙三文魚黑松露海蝦意大利寬條麵($83)，朋友俾咗小小我試下，我都覺得好好食，啲黑松露連海鮮食好好味。我地再叫咗個小食拼盤($68)，都幾多嘢食，有唔同造法既雞翼、炸薯角、炸薯條、腸仔等，呢個價錢嚟講份量都幾多，都好好味添。