博多拉麵別天神 (已結業)

小龍蝦蟹子沙律用紫菜夾住一啖放落口，特別既食法，又好食又口感又獨特，食到有有龍蝦嘅鮮味，而且食到一粒粒嘅蟹子！煎餃子煎到好香，點啲汁食更加好味，份量同比例都岩岩好！豚肉拉麵🍜湯底濃郁不會油膩，非常出色！食食下發現原來有隱藏版既食法-加拉麵汁、蒜蓉同辣芽菜😍食落更加開胃！蝦味噌拉麵🍜湯底有強烈既蝦味，又有我最仲意食既栗米配料，配料方面叉燒肥瘦適中，仲有最出色既溏心蛋👍🏼拉麵軟硬亦適中!雖然食物款式不多，但質素非常好👍🏼而且呢度嘅裝潢設計風格都好似日本嘅街頭拉麵小店，整體黎講好滿意！

今日要去銅鑼灣辦啲私事，咁就梗係食埋先返歸啦。友人話好耐冇食拉麵🍜，又係快靚正之選，我當然奉陪！別天神嘅Menu, 對於我呢啲有選擇困難症嘅，真係好幫到手！。📌別天神套餐 $105 ～ 豚骨湯麵 + 小食每次都保持水準，濃白豚骨湯底，唔會好咸啱啱好，感覺冇咁高鈉，加埋爽口木耳絲，健康啲！😃📌蝦味噌套餐 $115 ～ 蝦味噌豚骨湯麵 + 小食今次塊瘦叉燒啱晒我，薄薄哋又有口感，太厚反而好爛咬㖭，呢個啱啱好。仲有入口即溶嘅半熟蛋呀，見到都流口水！🤤特別鍾意佢嘅冰凍玄米茶，夠茶香，無限隨便添飲。自助調味吧、辣芽菜每次都令我碗拉麵生色不少！

因為好耐無食拉麵，所以同友人放工後去咗銅鑼灣依間拉麵店食拉麵，7點左右到，已經好多人，坐滿晒人都幾迫，而且坐唔多，需要排隊。依間拉麵同日本一樣係「買食券」，而唔會人手落單同收錢，我同友人分別買咗蝦噌味套餐同別天神套餐後，排咗陣就入咗去。 Hakata style ramen set $105 (Gyoza+ hakaka style Ramen) 丶 Prawn Miso Ramen set $115（ lobster salad + Prawn Miso Ramen）蝦噌味套餐 味噌蝦豚骨湯麵 ：份量都幾多，有蔥花丶蝦乾丶粟米等多元化配料，湯底蝦味郁厚，拉麵幼身彈牙，日本半熟蛋香甜而流心，叉燒有燒過，肥厚多肉而不肥膩。小龍蝦蟹子沙律：沙律為球狀型，滿滿都係蝦肉，啖啖嘅蝦肉包住紫菜食，變得惹味脆口丶一粒粒蟹子在口中發出「卜卜」的聲音。別天神套餐豚骨湯麵：豚骨味道適中，不過濃不會太鹹，唔好食重口味嘅人士都幾岩食。麵質同樣地幼滑，不會容易斷開。餃子：煎得香脆可口，沾上醬醋食，十分滋味，皮薄肉多。另外，店內提供唔同嘅調味料，例如：蒜蓉丶七味粉丶辣芽菜，等客人可以自行調配特濃同特辣口味。另外，

呢間拉麵係日本就食得多，今次第一次係香港食，鋪面唔大食客都對住廚師坐，睇住師傅好認真地製作每一碗麵，就知呢度既拉麵有一定水準！😍🤤🤤呢度有冷泡茶任添，仲有其他配料，增加拉麵既口感～我地叫晒兩款拉麵黎試第一款係原味豬骨濃湯拉麵，個湯底真係好濃郁，聽講係用豬骨加純水淆成，但個湯底好奶白，相信真係用左唔少豬骨先做到咁既效果😋麵身較幼，爽滑有韌性，令人好快食完。入面仲有隻溏心蛋，真係好滑好好食🤤🤤🤤 配埋個小龍蝦蟹子沙律，真係足料食到龍蝦肉👍🏻👍🏻之後另一款櫻花蝦豬骨湯麵更適合我胃口，整體味道更濃郁，啲櫻花蝦令成個麵既味道提升到另一種層次我會加埋7味粉一齊食，帶有少少辣既口感效果更佳！👍🏻🤤 值得一提既係 店鋪內既辣芽菜都好好食😂😂

又係一間有參與罷工 有學生優惠既小黃店💛兩年後，我希望Hong Kong is still Hong Kong·豚骨拉麵 $75個湯底幾好味 平時我就最鍾意食拉麵落蒜 但係因為依家我唔落得 所以我今次忍痛無落到😭但係都ok 今次食佢個純純豬骨😤佢個蒜同埋辣芽菜好好味架我記得我上次食😋佢個叉燒肉質都幾好 唔會鞋sarp sarp keke·蝦味噌豚骨拉麵 $85呢個一上枱嘅時候個味就已經好濃 之後因為我對蝦敏感 我個friend個食後感係話佢覺得個蝦味濃到驚我聞到已經會敏感 勁好笑😂😂·小龍蝦蟹子沙律 $35 （跟set $30）我哋眼殘 以為個set係有曬龍蝦沙律同埋餃子🤣但係原來個餐牌寫住”or”🤦🏻‍♀️我哋仲食到最後喺度諗個餃子係咪未黎😂😂😂不過今次誤打誤撞嗌咗呢個都幾好食 佢入邊都幾多龍蝦 係肉眼可見既大細 都幾好 包住紫菜黎食都幾好食😋😋·📍銅鑼灣告士打道277號地下3A號舖📍中環擺花街12-16號合成商業大廈地下3號舖📍北角書局街22號地下📍尖沙咀阿士厘道24號天星大廈地下A1地舖📍尖沙咀彌敦道100號The ONE LG1樓📍旺角山東街40Q號地下📍紅磡民泰街6號地下

依日同呀媽去完工展會，順便喺附近搵地方食埋晚飯，見天氣都凍凍地，就想食碗湯麵。行下行下見到，咦有間💛拉麵店喎，前面有5-6個人排緊隊，唔算好多人，就排埋一份啦。店舖細細，應該只係坐到十幾人，一男一女店員主理哂店内一切大小事務👍，煮麵、洗碗、人流管制一腳踢，好勁。落單方面，店員就可以放鬆一下，因為門口有部機俾客人自助點餐同俾錢。大家都會喺排隊時買定飛，一入去坐低交張飛俾店員就搞掂。我同呀媽一人叫咗一個套餐，叫唔同湯底嘅拉麵🍜同小食試下。呢到主要其實都係得兩款湯底同兩款小食揀😂，套餐價比起散叫平5蚊。別天神套餐($105)，即係豚骨湯麵配小食。湯底味道唔錯，唔會太濃太鹹太油，用豚骨同水煮成，無用到奶。食客可以按照自己口味，加濃加辣，我大愛辣芽菜😍同芝麻碎。芽菜就咁食都幾辣，但放落湯就會中和返。麵質正常，無話太淋或太硬，而且份量偏多，真心食完一碗麵都夠哂飽，飲埋湯，無可能再食到宵夜或甜品🙈。呀媽就要咗蝦味噌套餐($115)，即係蝦味噌豚骨湯麵配小食。呢款湯底比起原味濃，有大量嘅🌸櫻花蝦🍤，幾香，但我自己就鍾意原味多啲。兩個湯底嘅配料大致相同，有紫菜、蔥、叉燒2片同日本半熟蛋🥚1只，唯一唔同嘅

平時出銅鑼灣食飯太多選擇搞到好難㨂，好彩依家有apps一search就知食咩好今次嚟咗銅鑼灣呢間黃色拉麵店，佢夜晚六點先開㗎所以唔好太早去到去到餐廳之後要先喺門口嘅自動販賣機買飛，等到有位先入得去店員服務好好，有禮貌之餘仲會幫我地加茶同介紹點食好我叫咗豚骨拉麵，佢個湯底味道好濃郁🤩🤩朋友就叫咗蝦味噌豚骨拉麵，雖然佢湯底好重蝦味不過我覺得就偏咸咗少少值得一讚嘅係溏心蛋做得好出色小食都唔錯鋪頭後面仲有連儂牆比食客寫野地址：銅鑼灣告士打道277號地下3A號舖#懲罰黄店系列#黃色經濟圈

今天與姐姐吃飯，來到這間近海邊的拉麵店☺️幸好我們7時來到不用排隊。這間拉麵店的點餐是我們先要到自動販賣機購票。餐牌上的只有兩款拉麵及餃子沙律等小食。我們二話不說一人點了一款拉麵套餐。豚骨湯麵豚骨湯十分濃味，絕無味精，令人一喝再喝！配料嘅木耳、溏心蛋水準都唔錯，叉燒夠腍，肥瘦適中，而麵條嘅軟硬度鹹適中，有咀嚼感！蝦味噌豚骨湯麵值得一讚嘅係外賣十分吸引，而且係堅足料！櫻花蝦的份量是超多的，湯底有驚喜，味噌及豚骨的味道中和得十分好，我還試了隱藏口味：拉都汁+蒜蓉+辣芽菜，調製了特濃口味小龍蝦蟹子沙律這個有驚喜！每一口都能咀嚼到小龍蝦，十分彈牙、再配上紫菜這個配搭口感及味道昇華！餃子這個是即叫即煎的，皮薄外脆，肉的份量比菜多，不錯！整體來說，這間餐廳的食物質素不錯，而且店員十分有親和力，會再次光臨！

喺餐廳門口先買食物，後入餐廳餐廳，以L型 座位座， 可以容納 十個人左右 ，位於銅鑼灣鬧市地區， 麻雀雖小，五臟俱全， 餐廳一共有兩個員工 ，工作起來，非常有默契，有系統， 那位 男員工喺烹調過程 ，即興唱歌， 似乎享受緊煮食樂趣。別天神套餐小龍蝦蟹子沙律 105hkd先來上菜的是小龍蝦蟹子沙律， 有啲似龍蝦丸 的味道， 蟹子爽爽的咬落去有口感， 係一碟冷盤， 坐到熱嘅時候可以去飲下冰冷清水或清茶，水壺設計有特色， 水壺與外殼之間有空氣阻隔，減慢冰水溶解速度， tempo紙巾就倒吊在頭頂上 ，容易索取 ， 3片厚身豚肉 ，額外有木耳， 流心蛋做配菜， 湯底100%用豬骨 拗出， 湯底可以飲曬，拉麵彈牙。蝦味噌套餐配餃子4隻 115hkd日本進口餃子開包裝即煎，仲用埋計時器煎煮，煎得剛剛好，餐廳都有幾個人加配餃子。 櫻花蝦 好少喺餐廳可以食到， 額外有粟米粒， 流心蛋做配菜， 湯底100%用豬骨 拗出， 湯底可以飲曬，拉麵彈牙。長龍不斷， 食完美味拉麵 就走了。

突然好想食拉麵，到銅鑼灣博多拉麵別天神門口， 竟然大排長龍，本身都唔想排隊， 但又諗唔到食乜好， 到最後排咗差不多半個鐘才入去食。 我本身都是博多拉麵的熟客仔， 因為這裏款式不多， 所以每次都是點兩個套餐別天神套餐$105 ( 豬骨湯麵+ 餃子四隻)，蝦味噌套餐$115 ( 蝦味噌豬骨湯麵+ 小龍蝦蟹子沙律)。 日式煎餃子～ 一碟有四隻， 一邊煎至金黃色， 餃子餡料肉汁豐富。小龍蝦蟹籽沙律～ 蟹籽沙律入面有豐富的小龍蝦肉， 配紫菜一起吃， yummy。 別天神套餐 (豬骨湯麵) 🍜～ 豬骨湯味白滑香濃，飲得出冇用味精， 因為食完唔口渴， 拉麵質地幼細而煙韌， 叉燒大塊厚度適中， 配菜有流心🥚，木耳，蔥粒和紫菜，整碗拉麵食材豐富，味道出色。蝦味噌套餐( 蝦味噌豬骨湯麵）🍜～ 蝦味噌豬骨湯鮮甜濃郁，蝦和豬骨的味道非常配合， 令整碗湯底添加多層次感， 配菜有大量櫻花蝦，粟米粒和蔥粒， 可以用色香味俱全來形容。我發覺博多拉麵別天神都有好多分店， 因為我都食過好幾間， 味道係唔錯的！

我真係好掛住掛住掛住日本噢😭😭由於近期要積極安排年尾人生最大既旅程-歐洲之旅所以應該短時間都會無緣日本啦😭為左一解思鄉之情 男朋友帶我去食拉麵 安慰下我既為食心靈先❤️相約於銅鑼灣 餐廳位置方便 點餐就採用自助形式 相信去過日本既朋友唔會陌生餐廳座位較少 如果想食 可能都要排一陣隊 以bar枱為主 餐廳裝修 格局 都十分有日本🇯🇵風味每個人枱頭都分別有 撞麵汁 蒜蓉 辣芽菜 七味粉 俾大家自行調節拉麵既味道 變成特濃 特辣🌶都可以👍🏻1️⃣別天神套餐包括拉麵 🍜 餃子 同 小龍蝦🦞蟹子沙律先講拉麵湯底好濃豬骨味 但絕不油膩 充滿博多既風味溏心蛋 有用日式醬汁熬製 👍🏻日式叉燒 入口即溶 餃子🥟即點即制 熱辣辣 皮脆 餡多汁 小龍蝦蟹子沙律唔係講笑 真係有一粒粒龍蝦肉起沙律裡面絕對唔止沙律咁簡單2️⃣蝦味噌豚骨湯麵蝦🦐味濃郁 好濃厚 完全充滿海鮮鮮味👏🏻櫻花蝦 作少許點綴 令鮮味再提升如果喜歡食濃味既朋友 我會推薦呢個拉麵因為係數量限定 最好早d點 早d黎食

呢間位於告士打道嘅博多拉麵別天神已經喺度好多年，有時搭車都會經過見到。呢日朋友話想食拉麵，就試下佢啦～店舖採取先落單後入座，客人可以喺外面部點餐機度點咗嘢食，比埋錢，先入去坐。對於多用現金，冇咩用電子錢包/信用卡/八達通嘅朋友就可能冇咁方便喇。店內面積小小，只有大約十個座位，好彩呢晚客人唔多，唔洗排隊～店家好細心，座位後方有衣架比客人掛褸；座位上方有紙巾供應，方便食拉麵嘅時候可以抹下咀仔👍🏽【蝦味噌套餐配小龍蝦蟹子沙律（$115）】蝦味噌豚骨拉麵 單點 $85呢個勁推薦呀！湯底嘅蝦味好濃，但食得出唔係重味精嗰種。面頭有櫻花蝦，增加口感同蝦嘅香味🦐拉麵麵條整得啱啱好，唔會太淋，口感一流。但都索曬/掛咗啲湯，令到食嘅時候都品嚐到蝦湯嘅味道👍🏽小龍蝦蟹子沙律 單點 $35望落個樣似薯仔沙律，但入面全部都係小龍蝦同蟹子嚟㗎，口感幾得意～【別天神套餐配餃子（$105）】豚骨拉麵 單點 $75呢度嘅豚骨湯係用100%豚骨同純水製成嘅，所以有豐富濃厚嘅豚骨味。唔重味精，所以飲曬啲湯都唔怕呀😋面頭有木耳絲。兩碗拉麵都配以蔥花、粟米同半熟流心蛋，蔥花香，增添口感；粟米鮮甜；流心蛋蛋味濃郁，流心效果一流。

呢間別天神帶好多分店，而銅鑼灣呢間係鬧市中好方便大家，而且又不會降低質素/價錢貴啲！佢既menu都一樣，只得豚骨拉麵&蝦味豚骨拉麵另外有套餐揀，有餃子/沙律！個沙律非一般的沙律係有龍蝦仔的沙律，好好味！🔶蝦味豚骨拉麵套餐 $115呢款湯底會濃味啲，好重蝦味，又不會搶左豬骨既味相比淨豚骨湯底，我更喜歡這款湯底食到yummy yummy~🔶豚骨拉麵，將蝦米轉左黑木耳，食麵更爽口！🔶餃子，外脆內軟，皮薄，幾好！🔶小龍蝦蟹子沙律，我最喜歡的沙律，食到有龍蝦肉好特別，唔同平時的沙律，有新意👍🏻

別天神慶祝開店6周年紀念，獨家推出了一系列的昭和及平成幪面超人精美贈品！系列主題贈品共有九款，選用了於昭和年代最為經典的幪面超人 1號 及平成時代極受歡迎的幪面超人 555 及幪面超人 Build 為主角為了要換護照及登機套，特意到銅鑼灣店晚膳並點了一份蝦味噌套餐前菜要了小龍蝦蟹子沙律，小龍蝦及蟹子口感十足，用香脆的紫菜夾著吃，更見味美蝦味噌豚骨湯麵上面撒滿櫻花蝦，湯底十分濃郁但不油膩，夾雜著粟米的香甜簡直是絕配

今日想食拉面，經過依度見佢鋪頭細細得幾個座位，門口就有部機可以自己揀完想要嘅野就直接用八達通俾錢，再係入面坐底等食入面有冰水俾你自己任斟，係啲咁熱嘅天氣有杯冰水真係好爽入面啲小龍蝦好多，溝埋沙律醬味道豐富，另外佢仲有紫菜可以俾你包住沙律，好味😀餃子煎得熱辣辣，又夠脆皮，不錯呢個湯底比較清，但鍾意冇咁濃味嘅人係覺得啱啱好嘅，另外啲叉燒亦都唔鞋，肥瘦適中，拉麵亦都彈牙，唔會煮得好淋依個湯底相反十分濃郁，一啖湯一啖面真係正，蝦全部都細細隻整得夠惹味，好食到最後連湯都飲晒每碗拉麵入面都會有一隻糖心蛋，醃得非常之入味，好似台灣七仔嗰啲咁好食，初初仲諗緊係咪真係喺出邊買嘅呢，跟住見過師傅喺雪櫃攞咗一大盆出嚟，佢哋真係自己自家醃製架😍😍