捌壹壹 (奶路臣街)

營業中

休息中

經過旺角想食#川菜，見到#捌壹壹 啲好評多到爆，一於試下有幾好食😋新式裝修地舖，舒服而闊落，餐牌主打酸菜魚、魚鍋，感覺好豐富，魚鍋仲可以打埋邊爐🍲當然都會有小炒、涼菜、香鍋，有埋相既餐牌好吸引👍🏻必食冷鍋酸菜魚(小辣)，上枱份量超大，仲要好香，賣相算係幾靚下😸香料好多，大量花椒粒，仲有菊花瓣，先試下湯，好好飲，暖胃又酸又濃💓唔會太辣或太咸，真係可以飲既湯，平時我最鍾意魚+酸菜+米飯食，今次湯咁正轉做泡飯，都好好味🫶🏻魚塊完全無骨，厚肉又滑，超多魚肉🤗配料都有好多，芽菜、涼粉，都好正好夾個湯🐒飲返杯杞子桂花蜜解解辣再食🥢#尖椒皮蛋，我最愛既涼菜之選，蛋白都係晶瑩通透，望到流晒口水🤤小辣唔算太辣，流心蛋黃配辣汁就係正，夠香又好味✨🐻勞蘇食🐻推介 —— #夫妻肺片(牛𦟌、牛脷、金錢肚)🐂賣相正常但味道驚喜，重點係個麻辣汁，超惹味令到我狂食飯😋牛𦟌薄身，嫩滑又掛汁，金錢肚細細舊，腍身，加埋麻辣汁一齊送飯好好味😍牛脷最正，切細左超索汁，勁好味🎆有齊三款高質小食，好值得推薦😮‍💨整體黎講份量超大，包飲飽食醉，酸菜魚值得食，麻辣涼菜物超所值添🫢性價比好高既川菜餐廳，真係要食下😝下次打魚鍋邊爐再推介❣️

我一向都係辣妹子，無辣不歡，今日去咗旺角811食四川菜，過下口癮。佢哋既必食冷鍋酸菜魚做到「麻.辣.鮮.香」，冷鍋嘅意思係已經煮好，唔使再加熱，避免魚肉過熟。酸菜魚湯底加入咗花椒籽同辣椒，湯底飲落去首先會有麻香味，後勁有辣味，吾會太油，而且飲完個湯吾會覺得口渴，仲有大量配料 - 酸菜、金菇、大豆芽、水晶寬粉，配料完全吸收晒湯嘅精華。佢哋用嘅酸菜係自家製，食落去爽口，水晶寬粉晶瑩通透，煙靭Q彈。魚肉超級鮮嫩，食得出係用新鮮生魚，食到停唔到口😋酸菜魚可以自由揀辣度，亦可以揀唔辣，今次要咗小辣，如果好食得辣嘅朋友可以點中辣。另外再叫咗兩個小食 ，都係揀咗小辣- 尖椒皮蛋同埋麻辣海蜇，尖椒皮蛋係用黃金皮蛋，糖心蛋黃嘅部份粘牙軟糯，沒有澀口感，上面有少許尖椒片同生蒜蓉粒，夾埋一齊食都好味。第一次見到麻辣海蜇呢個配搭，爽口嘅海蜇吸收左麻辣汁好正。佢哋有好健康嘅飲品選擇，可以解辣，我同朋友分別要咗杞子菊花蜜同埋蜂蜜雪梨茶，食完辣嘢潤返喉嚨。

今日涼涼地, 最岩食辣野🌶係旺角有間人氣酸菜魚推介🐟 抵食又好味😋👍🏻🔸冷鍋酸菜魚 ($208) ‼️必食‼️👍🏻👍🏻「冷鍋」酸菜魚其實唔係凍食🤣所謂「冷鍋酸菜魚」既魚係煮熟左之後先放落湯入面, 唔係好似打邊爐咁將魚煮熟😯咁就可以令魚肉保持嫩滑而營養又唔會流失🙆🏻‍♀️而個酸菜魚既份量大概係二人份👯‍♀️有大量魚片, 萵筍, 酸菜, 金菇, 大豆芽同寬粉🥢我叫左小辣, 個人覺得都偏辣, 但唔會好嗆喉😝湯底唔會好油, 亦無味精, 酸酸辣辣, 好開胃🥰必食之選‼️👍🏻🔸尖椒皮蛋 ($42) 👍🏻皮蛋係透明既, 醬汁好惹味~同埋無平時食皮蛋刺喉既味😋個人覺得好食過譚仔既皮蛋👍🏻🔸麻辣海蜇 ($45) 海蜇爽口彈牙, 調味都唔錯😄🔸黑糖糍粑 ($35) 👍🏻食完辣野, 最後梗係要叫番D甜野做總結😋熱辣辣既黑糖糍粑外脆內軟, 煙靭得黎唔會黐牙😬黑糖醬唔會太甜, 非常滿足😙😙酸菜魚湯底唔太油真係加分, 如果多dd麻會好D😝但都好好味, 值得推介🤩👍🏻評分: ⭐️⭐️⭐️⭐️

呢幾日香港凍到哇幾聲🥶即刻諗翻起早排食過好好食嘅酸菜魚唔記得同大家分享🤗好懷念啊！好想疫情快啲好返啲之後再去😗。🐟必食冷鍋酸菜魚佢用左鱧魚片(即係俗稱嘅生魚)整佢呢一味冷鍋酸菜魚，我同大家講，呢一度酸菜魚絕對會令大家有驚喜😌無誇張，如果你係酸菜魚愛好者一定要試一次！包你同我講多謝😚味道好，配料有芽菜、寬粉、萵筍、酸菜等都幾足料㗎😍最緊要係魚嘅嫩滑程度會令你大吃一驚！。🫁夫妻肺片 材料正，調味正，好評👍🏻。🥚尖椒皮蛋極度惹味嘅醬汁，中間仲有啲好有口感嘅秘製材料，整件事好match！。🥢黑糖糍粑略嫌失望嘅一道菜，失望嘅地方係對比起其他菜稍為普通，味道其實尚可，只係如果我再去到會試其他嘢🥸。🫐藍莓沙冰酸酸maymay，唔凍嘅時候就好好味😎。總評: 一間性價比好高嘅餐廳！酸菜魚絕對超出期望之上，去到食佢呢一個招牌真係可以試出呢個價位既酸菜魚嘅天花板😜酸菜魚愛好者記得去試啦。

喜歡辣(雖然唔受得），更喜歡酸，所以酸菜魚都算久唔久會翻食之作。主打四川麻辣同酸菜魚既餐廳越開越多，上網搵吃既時間見到大家對呢間811餐廳評價好高，決定約埋嗜辣既朋友仔逛完街去試下個酸菜魚。.捌壹壹係正旺角麥花臣場館隔離，地點方便。餐廳招牌係麻辣酸菜魚，每檯必點。周末下午茶時間去到，餐廳依然差唔多有9成滿，生意非常好。.必食冷鍋酸菜魚 (BB辣) 💲188⭐️3.9/5熱既酸菜魚經常食，但係冷鍋版本第一次接觸。見寫住係呢間餐廳招牌貨必試，貪新鮮既我無理由唔試一次。雖然話係冷鍋，但其實湯底係室溫微微偏凍，唔係凍到出水個種。辣度可以隨意選擇，甚至可以叫走辣。為左腸胃好，叫左微辣版本。BB辣版本辣度輕微，如果食得辣既朋友我覺我可以由中辣開始試起。講番個冷鍋酸菜魚，魚片香滑無骨，點正常版魚既份量已經非常的多，全鍋有8-9成都係魚片。如果會叫下其他小菜既朋友，我覺得呢份3-4位用都係足夠有餘，兩個人今次食唔哂。而其他配料例如酸菜、大白菜同冬粉比例上相對偏少。最美中不足係我最愛既冬粉真係唔多夠喉同口感上偏硬。.皇牌口水雞 (例) 💲78⭐️3.8/5試左兩個小食，口水雞寫住係佢地皇牌。一樣揀左BB辣但

必食冷鍋酸菜魚 $188 幾多魚又夠滑，不過有少少骨，要小心食。味道都幾酸，中辣都可以接受，配料除左大量酸菜仲有芽菜，金菇，寬粉等食完之後可以再散叫食材打邊爐，萵筍片 $38以及蟹籽丸 $39，正常火鍋配料。手撕包菜 $65 幾好味，菜幾爽口。 尖椒皮蛋 $38有啲貴，譚仔好食啲又抵食啲！川北涼粉 $38呢個啲粉有點腍得濟，不過幾好食。幾款小食同小菜都係辣，惹味又過癮，不過叫杯凍飲更加爽，荔枝沙冰 菠蘿沙冰 $35 消暑又解辣！人氣食店都幾多人等位，店員都好趕翻枱，用餐時間一到就一分鐘內催兩次，大佬阿，咁飲埋杯野，抹個嘴，戴個口罩都要少少時間既，見到個客都預備緊離開又唔駛趕客卦...

【捌壹壹】.本來唔係太食得辣嘅我最近突然間成日都想食辣野🤤今次發現左一間超級抵食嘅川菜餐廳，兩個人入去食，飽到捧住個肚出返黎🤣食物仲要係高質💕全部食物我都揀左小辣，唔食得辣嘅我就覺得都幾辣，但無辣不歡嘅男朋友就表示唔夠喉🙈.▪️必食冷鍋酸菜魚呢個酸菜魚話就話係regular size但係超！級！大！鍋！入面有超多魚肉超級足料，我諗應該夠三四個人食🤣魚肉仲要好滑，一d都唔腥！💰價錢：HKD$188💯評分：8/10.▪️五花肉食完個主菜仲可以加湯加配料打邊爐💕五花肉夠多油脂，切到薄薄一片，又爽口又香口😋💰價錢：HKD$65💯評分：8/10.▪️吉品鮮鮑魚仔 (2隻)鮑魚仔味道夠鮮甜，仲好有咬口！💰價錢：HKD$48💯評分：7/10.▪️尖椒皮蛋皮蛋岩岩好可以一啖一舊，而且夠晒入味，一舊接一舊食唔停🥰💰價錢：HKD$38💯評分：7/10.▪️麻辣脆耳呢個係咁多樣野食我覺得最辣嘅一樣(雖然全部都係叫小辣)🤣但係d辣油好香，豬耳夠脆，雖然辣到出晒汗都停唔到口🤤💰價錢：HKD$55💯評分：8/10.▪️黑糖糍粑糍粑勁煙靭，好似糯米糍咁，超好咬🥰糍粑本身冇咩味，但點左黑糖醬就變成一款好邪惡嘅甜品🤤💰價錢：HKD

已經幫襯過捌壹壹好幾次喇！平時多數會買佢地既酸菜魚返屋企同屋企人慢慢食（魚又滑食落又惹味！真係好正嫁！） 。不過今次大家都想試試其他野，所以就叫左以下呢d食物喇：1）無骨口水雞（一隻）一打開個蓋，可以用香氣四溢黎形容，淨係聞到都已經流晒口水，完全配得起「口水雞」呢個名！食落亦非常惹味，又香又辣又麻。雞肉真係冇骨，咬落啖啖肉，而且雞肉好嫩滑，食落冇雪味，真係雞有雞味！2）少爺炒飯驚喜十足，份量大大份亦足料。炒功唔錯，飯粒炒到粒粒分明，而且食落好夠鑊氣！3）尖椒皮蛋外表晶凝通透，鮮橙色既皮蛋黃非常吸睛！食落非常惹味，好食到停唔到口。隻皮蛋仲要係溏心添呀！係色、香、味俱全既菜式！4）川北涼粉醒胃又好味既菜式，涼粉好爽口，配埋芫茜、花生同麻辣醬汁黎食簡直冇得輸！好消暑呀！5）手撕包菜食落好有鑊氣，包菜爽脆清甜，調味恰到好處，冇諗過食菜都可以咁滿足，正！總括黎講，佢地既食物質素真係冇乜點可以挑剔，屋企人都好滿意，食物都清光光，應該好快又會再幫襯佢地喇！順帶一提，而家惠顧晚市主菜餐牌仲有八折優惠呀！

疫情下，很多人和我一樣常常在家吃飯，有時候都想吃一下食店的食物，近排吃得悶悶地，不吃得辣的我，都想找到一些刺激來衝擊味蕾，故上網找尋一些辣辣食店，一找之下，找到這間食店，就一於試下！去到地方不算很大，但總算乾乾淨淨，雖然還早，但都已經有幾枱食客，應該都會不錯！在我一輪的精心挑選下，就選了八款美食，買回家和家人分享。冷鍋酸菜魚，估不到的是份量頗多，一家人吃都夠，魚很滑，很大片，味道酸酸辣辣很醒胃，我地一家本身不是吃得辣的人，所以我選了BB辣，個味道出來不會很辣但又可以吃到魚的鮮甜味，家人吃了都讚不絕口！果然是鎮店之寶！蔥爆牛肉，我買時點了這款小菜為不要辣，是因為驚家人連BB辣都吃不到時都還有一些小菜可以吃，牛肉很大片和肉質鬆軟，京蔥很甜，都很好吃，吃過酸菜魚的辣味，我就知道下次我可以將這個小菜加返一些辣味，相信會梗惹味！炸墨魚餅，一客六件，啱晒我六個人享用，墨魚餅香口彈牙，墨魚味濃，媽咪就最愛吃！尖椒皮蛋，我見皮蛋不像我平時看見的黑色，覺得很特別，所以點了這個小菜，原來皮蛋有分鴨蛋同雞蛋，鴨蛋做出黎既皮蛋是黑色透明，雞蛋做出來的皮蛋是黃色透明，還知道原來用雞蛋做皮蛋，技術上還要比用鴨蛋高

太耐無食過酸菜魚啦 決定同朋友試下呢間捌壹壹揀咗星期六下午2點後入座 全單有68折2個女仔 食量唔算大 又唔太食得辣所以叫左個必食冷鍋酸菜魚BB辣非凡忙時間 客人唔多 野食都快到魚嘅份量比想像多 味道唔會太酸 岩岩好所以都忍唔住偷飲左幾啖湯鍋底有少量寬粉,金針菇等 唔會太dry 另外，我地再叫左2個小食尖椒皮蛋 叫左BB辣 有生蒜同芫荽係面 食落都幾香麻辣牛𦟌 叫左BB辣 牛𦟌係薄切 一啲都唔‘銀'加上佢加左麻醬 唔太辣 味道同平時食開嘅有啲唔同 希望之後有機會再嚟 試埋其他Menu啦

捌壹壹 旺角❗️選擇多抵食川菜❗️好耐冇食川菜，晚市見到OpenRice訂座有八折優惠，網上評價又唔錯，味道都唔錯，的確幾抵食！‼️以下列出嘅價錢係原價未打折‼️必食冷鍋酸菜魚 $168川菜餐廳當然唔少得酸菜魚啦，除此之外佢哋仲有水煮牛肉、雞煲等等選擇，甚至有鮑魚花膠雞煲揀添🤩🤩🤩。第一次嚟揀咗佢哋嘅招牌冷鍋酸菜魚🐟魚嘅份量非常之多，而且真係好滑好滑，配上大量嘅鹹酸菜、芽菜、金菇同埋少量寬粉，味道酸酸鹹鹹，都幾好食👍🏻不過啲酸菜都幾鹹，就咁食就有啲難接受🙈不過其實成個酸菜魚都係熱嘅，唔知點解叫冷鍋呢。唔夠飽嘅話仲可以將呢個煲變成火鍋，有多種配料選擇，都幾抵食！味道: 4.1/5性價比: 4.3/5蔥爆牛肉🐮$98貌似普通，但的確幾有鑊氣，特別係啲蔥真係非常之香🥰牛肉份量多又滑，雖然有少少似茶餐廳嘅菜式，但的確幾惹味👍🏻。味道: 4.1/5性價比: 4/5尖椒皮蛋🍳$38晶凝通透橙黃色🥰味道係幾好，酸酸辣辣。而且皮蛋中間係流心，不過呢一個皮蛋白係爽口啫喱口感嗰種，我就冇咁鍾意。味道: 3.8/5性價比: 4/5 川北涼粉🍜$38川北涼粉係四川菜嘅特色麵食，晶凝通透爽口得來又有少少煙韌，不過一款就

近來天氣又轉涼，經過麥花臣球場附近見到有新開的川菜餐廳，令人忍不住要試試。周末午飯時段人流不多，餐廳亦有提供午市套餐。不過午餐選擇比較少，所以我們還是決定單點，種類會比較豐富。餐廳好貼心，除了小食同甜品之外，所有食品都可以選擇自己喜歡的辣度，分別有: BB辣、小辣、中辣、大辣，甚至乎走辣。另外香鍋亦有分幾種不同的口味，有麻辣味、泡椒味、孜然味三種。首先我們點了兩款涼菜：口水雞－雖然點了中辣，但辣度比較平和，接近大部份香港人的口味。值得一讚的是雞肉非常鮮嫩和入味，而且個份量亦十足，沒有冰鮮雞的感覺，賣相和味道都很不錯。尖椒皮蛋－皮蛋顏色晶瑩剔透，蛋黃飽滿，完全不覺得油膩。而且小辣不會蓋過皮蛋原本的味道，辣度剛好。雜錦香鍋－主菜我們只點了一款，裡面材料已經包括有肥腸、大蝦、午餐肉、土豆、蓮藕，非常豐富。另外我們在加多了幾種配菜，分別有肥牛、五花腩、花菜、茄子、水晶粉。上菜的一刻我們都非常驚訝，因為味道實在太香，而且份量超大～肥腸夠厚，有口感。大蝦新鮮，肉質有彈性，而且一盆裡面有四隻。而餐肉和土豆都切成條狀，厚度適中，容易入口。值得一讚的是蓮藕，用上厚切的方式處理，比起其他同類型餐廳更爽脆、

難得約到食得辣的朋友，當然揀一間以食辣為主的店舖。捌壹壹位於旺角市中心，地點方便，而且坐位舒適，絶對是鍾意食辣的朋友好選擇。捌壹壹的餐點有好多選擇，有不同的鍋物、涼菜，亦有不同的小菜。鍋物選擇應有盡有，有冷鍋酸菜魚、冷鍋麻辣魚、金湯鮮椒魚、重慶麻辣雞煲、泡椒雞煲、香辣蟹鍋、香辣蝦鍋、雜錦香鍋和素菜香鍋等等…… 而且還有不同的辣度選擇，有走辣、BB辣、小辣、中辣和大辣…… 無論食唔食得辣都一定大開眼界和啱口味。為了準備挑戰這裡的辣，先叫了一杯芒果沙冰及一杯凍柑橘青檸梳打。芒果沙冰份量十足，全餐只叫一杯亦非常足夠，芒果味香甜，沙冰打得細滑，是解辣的好幫手。凍柑橘青檸梳打亦好大杯，少少酸帶點甜，配上夠汽的梳打，也是解辣的好幫手。口水雞(半隻)口水雞好爽滑鮮嫩，紅油辣味好有層次，是絶佳的頭盤。尖椒皮蛋皮蛋晶盈通透，配上酸酸辣辣的醬汁及炒香了的蒜，惹味開胃之選。冷鍋酸菜魚冷鍋酸菜魚有很多魚肉，我估有足足一條魚咁多，魚肉滑，細骨不多，值得推介。配料亦同樣豐富，不用額外加配就有少量的水晶寬粉、金菇和酸菜等等，抵食。酸菜味湯底，可能因為湯底用上不用的辣椒、泡椒、乾椒和不同的酸菜等等，酸辣味非常有層次。

同事介紹左間鋪食"香鍋"好正，所以就同個朋友黎左試下係唔係真係咁好食。好彩早左黎咋，因為餐廳地方唔大，7:00差唔多無唒位。除左香鍋，仲可以揀雞煲同魚，但我們今次叫左香鍋食。凍蜂蜜柚子茶，甜得黎個有少少澀。呢碟係夫妻肺片，D牛舌、牛肚及牛展口感都好爽口，辣度揀小辣都頂得住！呢碟係尖椒皮蛋！我都係第一次見皮蛋"蛋白"嗰層係透明的，好滑溜又好辣 (笑)黃金芝士豆腐，係少量唔辣野食其中一樣。朋友仔落單時睇漏左芝士兩個字，等我們仲以為係類似椒鹽豆腐。炸得熱辣辣又金黃的外層包住滑滑的豆腐。入面仲有唔算太濃烈的芝士襯托，意外地好味！最好香鍋到了！我地叫左素菜鍋底，再加牛肉、牛柏葉、豬耳、金錢肚及豆卜一齊炒香。黎到既時候傳出陣陣既香味，孜然味令到整體提鮮了。 所有配料都入晒味，真係好好味！==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

朋友仔話屋企附近最近開左間川菜餐廳，而且都幾多人食，於是就拉埋我去試下⋯餐廳主打四川香鍋及火鍋⋯揀左基本的鍋底後，就可以揀返自己鍾意的配料。火鍋的配料唔夠就可以之後追加，不過香鍋就要落單要揀好，因為廚房會幫你直接炒埋一鍋。餐廳仲有多款四川涼菜提供⋯(係未知個香鍋個份量時)，我們叫左尖椒皮蛋及手撕雞涼麵。尖椒皮蛋用左黃色的皮蛋，食落比黑色個D軟少許。我係叫左BB辣的皮蛋唔算好辣，少少的辣椒加上蒜蓉及芫荽，整體都幾香。手撕雞涼麵比我想像中多麵少雞⋯但係個麵爽口彈牙，好食！大家食之前記住撈均先食，因為個汁辣辣地都幾香，加埋無骨的雞絲、花生粒、葱、芫荽，味道同口感都不錯！係火鍋同香鍋中，我們揀左試下香鍋⋯由於我們可以再加配料，所以我們先揀左個健康素菜香鍋($128)做基礎，再另加鮮魷($42)、嫩牛肉($42)、滷香牛舌($40)及水晶寬粉($26)。個鍋比我還想大好多好多，而且入面的料很滿的説！大家為左就我就叫左BB辣(其實有4個辣度可以選)，好多BB辣的味道都會比較無咁香，不過朋友大讚呢到的BB辣都keep到非常香口！另外，鍾意辣的你仲可以揀麻辣或泡辣味，我們今次就揀左孜然味。嫩牛肉的份量