老川皇

營業中

休息中

自從搬左出来旺角之後，出街食飯嘅次數真係倍增😅可能因為真係方便到暈，一落街四圍都係餐廰，各式各樣都有，選擇非常多，同舊居嗰邊真係無得比。尋晚弟婦話想食酸菜魚，佢本来去開一間連鎖嘅川菜館，不過我話想試吓新野，最方便當然係上openrice搜吓啦😊見倒“老川皇”嘅評價都唔錯，就决定去試吓！我地一行3人，未够7點，餐廳已經8成滿，今時今曰嘅香港，响旺角呢d競爭咁大、選擇咁多嘅地區来講，生意都真係算唔錯啦！因為真係想試佢出品質素，所以除左酸菜魚，我地一共點左6樣野👇尖椒皮蛋： ok口水雞 ：一般干鍋大腸：ok 辣子鷄 : 酸菜魚（桂魚）：條魚好新鮮，不過略嫌唔够酸辣。干鍋花菜: 除左尖椒皮蛋要小辣，其餘我地都order左中辣，不過辣度都係一般，嗜辣嘅朋友一定要order大辣😉7點幾已全場爆滿，氣氛好热闹，外面仲有好多人等紧位添，最後埋單連两杯凍檸七合計$680，尚算實恵，可以encore😀。

成日都聽人講老川皇好正今日終於有時間過嚟試下😌本身諗住叫水煮魚但最後見到烤魚又忍唔住同行朋友以前對烤魚冇乜好感佢話覺得唔好食同怕多骨咁我緊係同佢講唔多骨㗎😂揀桂花啦又滑又少骨點知店員話桂花賣曬淨返鱸魚，店員話都係滑同少骨嘅咁好啦！就要鱸魚啦！未食過烤魚嘅朋友食咗第一舊就停唔到😂見到佢食得咁開心我都覺得冇逼錯佢陪我食真係好好味，配菜有青瓜同蒟蒻好好味青瓜好入味如果厚切啲就仲正😋😋呢個尖椒皮蛋基本上搶食😂我地揀咗中辣辣度啱啱好♥️♥️乾鍋黃鱔，再辣啲就正喇另外我地叫咗燒象拔蚌同燒貴妃蚌♥️♥️燒完都仲好多汁，好香食辣野一定要配啤酒啦😂不過真係好多人等位😂值得等嘅👍🏻👍🏻咁好味

近排興食酸菜魚，而我又好少食川菜，因為唔係好食得辣！但又心思思想試下，上網搵下搵下就搵到呢間，價錢唔係貴，地點就夠曬就腳！六點黎到無乜人，橫樑裝修有d似古宮咁ge顏色，鋪頭比較細，比起旺角店都爭好遠！呢度最多做七至八檯，但侍應掛住睇馬，我地同佢地講幾位，完全聽唔到囉！最後我地自己搵位坐！呢度有水煮魚同酸菜魚，魚有分大頭魚、生魚同桂花魚，仲有一斤同兩斤價錢，我地要左一斤的酸菜生魚片，仲有一個菜同一個小食。尖椒皮蛋同我地平日見的唔同，蛋黃係黃色，唔係黑色！因為呢個係川式醃法，叫金牛鴨皮蛋，阿摩尼亞味少d！個味就Ok ge，可能食開黑色的，呢個個味會淡少少。干扁四季豆會麻d，好香！加左欖菜同辣椒，唔算太辣，送飯一流！主角酸菜魚黎喇！不過有少少失望，魚吸唔到酸菜的味，又無乜辣味，好似魚還魚，酸菜還酸菜咁，但魚肉係厚的，食落去彈牙，勝在呢個無乜油，感覺健康d!以價錢黎講，性價比都算高，但魚可以入味db

經常行過地鋪果間見到好多人食，今次相約朋友聚會傾計，於是決定約在另一家分店樓上鋪食，貪佢多卡位，可以慢慢吹水～店內多數是卡位，另設兩張大圓枱。心諗：如果野食ok的話，可以同家人黎食喎～原來有火鍋選擇，可以自行在選配料。尖椒皮蛋$38透明狀的皮蛋加上流心蛋黃～～係真係流心呀～～😍😍蛋香濃郁～好滑溜～～～加上店家的秘製辣醬～～好味！口水雞（例牌）師傅刀功好，沒有多餘碎骨，雞肉好滑，夠凍！辣醬調配咸淡得宜。花生脆口。水煮魚$132/1斤份量多，魚肉又係好滑溜～魚骨唔難發現，辣味完全滲透於魚肉當中，好入味。有銀牙墊底，d銀牙入曬味，可以餸飯食好正～涼拌前菜、水煮系列都試過，最推介的是店家的炒野～樣樣都好有鑊氣！好似呢款干煸四季豆，比其他大餐廳炒得更乾身，但裡面水分並沒有過度被抽走，高質！咸辣適中。干鍋田雞成餐飯覺得最最好食的菜色！明火保持熱度，好有誠意。配尖椒、乾椒、洋蔥令菜色賣相靚。田雞肉質彈牙，好入味，如果可以切大舊一d就完美！

聽聞夏天食辣野係可以解熱,所以我好鍾意食四川菜。依度嘅午市套餐非常之抵食,價錢平之餘選擇多,份量亦大。尖椒皮蛋係我每次食四川菜必要嘅小食之一,依度用嘅係正宗嘅四川皮蛋同平時食開嘅黑色皮蛋吾一樣,蛋香味更濃。口水雞肉質嫩滑,配上麻辣醬汁送飯一流。涼拌土豆絲份量比我想像中多,每條土豆絲都切夠幼細,口感爽脆,酸辣嘅味道令人開胃。水煮牛肉上枱果一刻完全嚇親,因為實在太大份完全唔似一個午市套餐,面頭鋪們辣椒同辣油,內裏嘅牛肉份量亦好大方,味道雖然唔算太辣,但就充滿花椒嘅香氣。