老川皇

營業中

休息中

聽聞夏天食辣野係可以解熱,所以我好鍾意食四川菜。依度嘅午市套餐非常之抵食,價錢平之餘選擇多,份量亦大。尖椒皮蛋係我每次食四川菜必要嘅小食之一,依度用嘅係正宗嘅四川皮蛋同平時食開嘅黑色皮蛋吾一樣,蛋香味更濃。口水雞肉質嫩滑,配上麻辣醬汁送飯一流。涼拌土豆絲份量比我想像中多,每條土豆絲都切夠幼細,口感爽脆,酸辣嘅味道令人開胃。水煮牛肉上枱果一刻完全嚇親,因為實在太大份完全唔似一個午市套餐,面頭鋪們辣椒同辣油,內裏嘅牛肉份量亦好大方,味道雖然唔算太辣,但就充滿花椒嘅香氣。