峴港安南越南餐廳

營業中

休息中

今日去咗樂富新開的「峴港安南越南餐廳」，呢度的菜式和咖啡都好正宗！🌴峴港椰子咖啡呢度嘅咖啡有越南當地著名coffee shop Cong 的水準！完美比例的清涼椰子冰沙配香濃咖啡，真係好正宗！（p.s. 某快餐店的椰子咖啡加咗椰子味但不是用沙沙，真係差好遠！呢度好好多！）🐄峴港騸牯牛三寶手工河有牛頸脊 、牛坑腩(濃郁重牛味🫶)同鮮牛丸(好彈牙)，手工河粉滑溜，店員上菜後先在河上淋上熱辣辣既牛肉湯，將牛頸脊(牛肉片)煮到啱啱好熟，保持嫩滑。🐖越式豬頸肉扎肉撈檬粉香茅豬頸肉好香口，扎肉都好食，配埋青瓜絲、花生碎、紅蘿蔔絲，再加埋魚露，真係好開胃🤣 。🐥越式香茅雞翼香茅味好出！用單骨雞翼方便食🤣❤️越式春捲入面有蔬菜、肉、粉絲，炸得啱啱好。☕️Latte

呢晚友人知我鍾意食新餐廳就會介紹我去，通常佢都係未食過就叫我去試😂 不過我又冇咩所謂嘅，呢晚就嚟咗樂富呢間新開嘅越南餐廳峴港騸牯牛三寶手工河一份有齊牛頸脊、牛坑腩同埋鮮牛丸三款配料，好適合三心兩意嘅我🐮 店員先上咗一個冇湯嘅手工河粉，再為我地淋上熱辣辣嘅牛骨湯🍜 手工河粉米味好香，又好滑身，”𠽌”一聲，就將手工河粉吞咗落口🙈 個人最鍾意牛坑腩，牛肉味重，又夠軟腍😆越式豬頸肉扎肉撈檬粉撈檬係越南菜出名嘅食物，檬粉、青瓜絲、紅蘿蔔絲、酸酸辣辣嘅魚露，真係好開胃同滿足🤣 配菜方面有香茅豬頸肉同扎肉，香茅豬頸肉有口感，入面仲有啲肉汁🐷 酸辣青芒拌鳳爪無骨鳳爪份量都幾多，側邊仲有青木瓜沙律🥗 沙律嘅酸辣味道幾惹味，但我鍾意重口味，所以如果鳳爪再入味啲就好喇🙈脆炸香茅紅糟肉紅糟肉嘅層次分明，炸到好酥脆，連脂肪都係入口即溶🐷 瘦肉嘅部分都唔會太乾，點埋魚露食就更加解膩。峴港椰子咖啡只有凍嘅選擇，賣相相當唔錯，仲有棵小椰樹做裝飾🌴 椰子同咖啡好夾，比例都做得好好🥥 第一啖會飲到椰奶嘅味道，但會有個咖啡香嘅後勁☕️香茅青檸蘇打未試過飲青檸梳打嘅香茅味道咁重，酸酸甜甜又有氣，真係好fresh🍋 適合夏天飲用