椰子日記 (已結業)

11.11走在旺角街頭，睇完醫生，去支持下大家。行到餓餓地，想搵野食，就見到椰子日記。.一嚟就比佢個啲椰子碗吸引左。.佢個concept似acai bowl，係我最鐘意食嘅野，於是就試要試佢。叫左「巴西莓碗」.店員好好人，態度好好，會提醒我係沙冰底。之後就聽住佢係廚房努力炮製我碗野。因為要Blend，所以都耐耐地。.賣相幾靚，個椰子碗好多椰肉。有士多啤梨、藍莓、椰子片，好重口感，好豐富。味道都ok，不過沙冰底會好快淡左啲。但成碗野都開心。.$56尼講，算ok，但同預期有啲落差，可以多啲生果blend，或者加乳酪，另外希望巴西莓個名改改佢，因為無巴西莓係入面😂。

彌敦道兩邊大街，商店林立。這天和閨蜜閒聊走過期間，忽然被對面街招牌吸引。所說的就是這一間「椰子日記」，難得的以椰子為主題的甜品店。地方淺窄，甜品店顯然以外食生意為主。但一旁還是設有2張座椅供堂食。這裡的最大特點是每個甜品都有原個椰子殼，賣相亮麗吸睛。椰凍在底部，質感Q彈，入口有著濃郁椰香。桃膠口感爽脆，眼看雜質全被挑去，再混入黑糖和牛奶，整碗甜度剛好，不至於過甜。美中不足的是椰凍呈常溫，若要冰一點會更好。同樣是用了椰子殻作碗，以草莓和藍莓為主調，上面灑上椰絲。雪芭質感的沙冰非常重莓果味，粉紅色的賣相很少女。酸甜味道配上涼快冰感，炎夏進食會很愉快。椰奶入口質感絲滑，椰子香十足，想起小時候愛喝的那罐椰汁飲品。不過「椰子日記」的這杯感覺天然得多，甜度也適中。藍水晶是由蝶豆花調成，成份天然，有少許像波子汽水的味道。

店舖位於油麻地同旺角之間，十分方便同易搵。好有特色以椰子為賣點，仲用椰殼為Bowl，真系名乎其實既有外在又有內在啊！🔷巴西莓碗 💰56 💙83/100呢款系純鮮果打成既冰沙做底，有好清新同自然既鮮果味，面上仲放左幾粒藍莓同草莓，真系迷倒一眾少男少女去揀佢。卡比食哂成碗之後覺得好透心涼、好爽。🔷芒果西米椰凍 💰44 💙78/100其實個份量真系嚇死小動物，底下個椰凍同面頭既芒果西米都好似食吾完咁。椰凍個質感系偏實既jelly而有好重好濃郁既椰味，相信店家系椰汁既比例上絕對無偷功減料。另外西米口應有咬口再配埋面頭既椰絲去食，即使無椰奶溝西米但都絕對吾會少左椰子個味。🔷鮮榨椰奶+芋泥青稞雙拼 💰32 💙80/100用粗飲管可以方便吸到哂啲芋泥黎食，芋泥煮到溶而香，再加上椰奶配芋泥系一種絕配既配搭。另外仲有一種Q彈既粒粒系底，系口感層次上又多左一種咬口，所以卡比對呢杯飲品真系有少少喜出望外。🔷奇異果乳酸菌 💰27 💙75/100奇異果味嘅乳酸菌比較少見，幾新奇特別所以都試左試，乳酸菌味沾既比例會較多，有奇異果汁系底攪勻黎調下味，會飲到停吾到口既一種飲品。

炎炎夏日，一定要吃甜品消暑la。同朋友行街路過油麻地地鐵站附近，見到間新開主打椰子既甜品店，就即刻叫左兩杯野飲同兩碗椰碗，分別係芒果西米椰凍、巴西莓碗、椰奶藍水晶和椰香雪絨四季春。首先，先點評一下椰奶藍水晶，從外表黎講，佢真係滿分，雪白既椰汁搭配亮藍色既水晶，比人一樣好夢幻既感覺，令人少女心爆發。其次，佢既味道亦高於我期待既水平，清甜冰凍既椰汁完全能做到消夏既感覺，飲完亦吾會口乾，可見用料實在，並冇加其他奇怪既添加劑。些外，亮藍色既水晶係用碟豆花黎調色，並冇加人工色素，令人放心飲用，藍水晶既波子汽水味亦為純粹既椰奶帶出更新穎既感覺。第二杯野飲係椰香雪絨四季春，一層濃郁既椰蓋 蓋住上好既四季春茶，兩者完美中和，椰蓋吾會過腻，四季春茶亦吾會過淡。個人認椰蓋既風味比芝士奶蓋好，比較清新。芒果西米椰凍和巴西莓碗既表現亦十分出色，不過芒果西米椰凍更能奪去我心，椰凍既口感非常順滑，甜度合適，令人停吾到口，芒果及西米亦同樣能成為額外既點綴，豐富椰凍口感。巴西莓碗亦同樣清凉可口，外觀亦十分可愛，粉红色既沙冰配上新鮮既草莓及藍莓，令人有瘋狂打卡的衝動。不過草莓及藍莓實在係有D酸，令我失去左吃食甜品就係要

巴西莓碗（Acai Bowl）在香港雖然尚未算相當普及，但在中上環一帶仍有不少選擇，只是價格相對較高。最近在網上看到有關這間新開張的外賣甜品店——椰子日記，顧名思義是以椰子甜品為主，各款甜品如椰子雪糕、椰凍及巴西莓碗均以椰子殼盛戴，賣相精緻得深深吸引了我。店內只有兩個座位並以外賣為主，除了各款以椰子殼盛載的甜品之外，亦提供多款椰奶飲品。甜蜜桃膠椰凍 ($52)椰凍質感介乎於大菜糕與布丁之間，爽彈之餘不失綿密，椰香溫和順口且甜度適中，面層加上只帶微甜的桃膠黑糖糖水，不過整體而言比較清淡。雜果芋圓椰凍 ($44)雖然椰凍基底與甜蜜桃膠椰凍如出一轍，但在配搭上鮮果與椰凍更臻完美，清爽的椰凍和芒果及火龍果的酸甜相輔相成，可惜芋圓口感偏軟而且味道較淡。巴西莓碗 ($56)將香蕉、士多啤梨和藍莓攪拌成沙冰，綿密細滑且酸甜自然，配上椰子脆片、果仁碎、新鮮士多啤梨和藍莓，口感豐富之餘相當消暑，不過沒有加入巴西莓成分的話以此命名則有點誤導了。椰奶藍水晶 ($35)藍水晶其實是加入蝶豆花製成的啫喱，雖不帶突出味道但為飲品增添爽彈口感；椰奶濃郁香醇，雖然沒有吩咐調整甜度但慶幸本身甜度恰到好處，整體而言深得我

睇到有雜誌介紹新開嘅”椰子日記”, 去開旺角都特登行多兩步去油麻地打個咭🤪. 店內鋪天蓋地椰子🥥theme甜品/ Drinks, 心思思一人一杯Drink先.>椰奶藍水晶 (HKD35)椰奶味好香, 好似飲緊light版椰漿, 零heavy感, 藍色Jelly好味😋得黎唔會一味得個甜字, 有啲𡁻𡁻口感, 顏色勁靚打卡able✌🏻.>椰香雪絨洛神花茶 (HKD29)飲開芝士奶蓋嘅我try try店主推介嘅”椰香”蓋洛神花茶, 細心嘅店主採用一款180度推開嘅杯蓋方便飲到層椰香”雪絨”, 口感方面較為厚實, 一啖有齊香濃椰子🥥味同洛神花茶天然味道, 原來有成個花茶包在內, 天氣咁熱飲完感覺真心爽.>招牌雙層椰凍 (HKD44)Attention!! Li款招牌椰凍係數量限定架🙀. 每日只售十五個左右, 底層以椰奶整成椰凍全天然味道, 仲會食到椰蓉椰絲添. 面層震騰騰椰子🥥水jelly狀, 一種滋味雙重口感.>巴西莓碗 (HKD56)以新鮮藍莓, 士多啤梨同香蕉即場打成嘅smoothie, 真心值得等耐少少, 佢集莓嘅甜味, 香蕉濃稠感, 椰汁嘅清新於一身,

我之前試過飲其中一款椰奶。食過返尋味，今次就試吓其他嘅椰奶食品同埋飲品。值得一提嘅係店內食品都係用 新鮮既椰子殼 來做容器既。用餐方式：提供堂食 或 外賣自取。輪候時間：平時約5-10分鐘；食物方面：巴西苺碗（$56）：必食之選，超人氣商品！製作非常細緻，用料包括左草莓同埋藍莓喺，將佢地同椰汁混合打成沙冰狀，最後再係頂端放上雪到變冰既草莓同埋藍莓。無論係賣相還是味道都十分出色。非常適合消暑嘅甜品。超級推薦👍👍👍而飲品方面包括：椰奶藍水晶（$35）：而呢一款椰奶飲品都好受歡迎，店主所加嘅藍水晶， 飲落會有少少類似波子汽水嘅味道，而味道同椰奶非常之夾，都算係一個唔錯嘅選擇。價錢唔貴，人均消費：30-80蚊左右。總括而言，適合一啲喜歡食椰子制甜品嘅人士，亦都係算一啲新式手搖飲品店，值得一試嘅！

今日去果欄買野之前見到對面馬路開左間叫「椰子日記」既舖頭，所以就行去睇下係咩東東！原來係賣有關椰子既甜品、飲品！大熱天時飲下凍野，食下凍野係唔錯既！椰奶藍水晶，睇到個顏色好治癒，有種望住清涼海水的感覺！藍色水晶其實係用上碟豆花黎調色，所以沒有什麼味道，椰奶好香椰子味，但飲落又唔會有一種好漏的感覺！四季春椰子奶蓋，呢度的奶蓋同出面最大分別，便是這裡是用上椰奶去整的，飲落有淡淡的椰香，加上飲品冇加任何糖份，使飲品有種清新的感覺！甜蜜桃膠椰凍，兩者都係對皮膚好的食材，桃膠有養顏的作用，他們加了點點黑糖調味，一啲都唔甜！椰奶凍順滑，香椰奶味！巴西莓碗，呢款係近期好hit既椰子碗，有士多啤梨同埋藍莓整成的果蓉，上面再士多啤梨、藍莓同埋椰絲作裝飾，酸酸甜甜又冰涼，超解暑呀！聽老闆講佢地冬天仲會推出椰子燉湯，好期待呢！

今日同廣州同事行經油麻地，見到間甜品舖停左喺度，話估唔到油麻地都有佢地嘅網紅甜品喎～話佢喺廣州成日都因為太多人而無食到（下刪一千字）。ok啦，盡地主之誼，請佢食啦。🥄椰子主題甜品，賣相好得，冰凍椰子碗裝住冰涼沙沙口感嘅水果同冰沙，又真係令人食指大動。🥥巴西莓碗 $56 - 藍莓同士多啤梨🍓嘅配搭，顏色好靚。酸酸甜甜冰冰涼涼，炎炎夏日又幾開胃解暑～🥥黃金海岸椰子碗 $50 - 上面舊熱情果酸到爆炸，但出奇地同椰味冰沙，同茫果肉好夾。🍼椰奶藍水晶 $35 - 藍色啫喱連同椰奶滑入口，有d似以前飲過嘅許留x茫椰奶x，不過呢個飲品主打係椰奶唔係茫果，較香椰奶味。🥝奇異果乳酸菌 $27 - 酸酸地，有d奇異果味，幫助腸胃消化之選。✏️店舖細細，雖然有兩三個企位可以堂食。但我覺得佢嘅外賣包裝精緻，飲品又大大杯，自己可以搵個好地方慢慢享受先係皇道。

店鋪小小，但內有多款椰子既食品可供選擇，大熱天時真係食甜品既最佳時機，可以幫手降降溫呢個椰子碗相當吸睛，用黎影相打卡真係最好不過面層滿佈晶瑩剔透既細米粒，中間係切細左既芒果粒，下層擺放左滑到溜既椰子味果凍，成個甜品甜度恰到好處第二碗甜品都依然係咁搶眼，紅色既士多啤梨配以深藍色既藍莓鋪滿左成個椰子碗，生果係雪凍左既，咬落非常冰凍，仲好解渴添！沙冰既質地好細滑，係由藍莓同士多啤梨打製而成，所以鮮果味濃郁藍色既係用蝶豆花整成既啫喱配以椰味濃郁既椰奶