Bierhof (已結業)

和朋友仔想啤一啤，喜歡去太子搵食發現轉角開左一間新酒吧，可以入去啤#環境幾好，不斷播放球賽，完全帶動周圍氣氛#黑啤：老闆驚我未能接受黑啤濃度偏高，好細心幫我調較淡少少，好飲，酒味飄散，不太苦澀#一飲啤酒味不苦，有少少甜味，適合初嚐啤酒的人士#啤酒配薯片，職員不斷幫我們添加#每檯都有點德國燒豬手，聽職員話這款豬手用黑啤浸48小時才攞去燒，我們都叫一個食啦嘩，好大隻，外皮脆卜卜，咬落去酥脆聲嚮起，不太鹹，飲啖啤酒食口豬手，好棒啊#薯仔溶超香內含火腿肉和忌廉溶，配埋燒汁，又香又滑#好多酒，調較你想要味道

環境牆身畫了慕尼黑啤酒節熱鬧盛況，現場還播着德國傳統民族音樂與足球賽事，即使客人不多也挺有氣氛。食物、飲品招牌德國燒豬手 豬手邊焗邊灑上啤酒，外層做到又脆又煙韌，肉質幼滑，鹹香惹味。雖然外表看來略為乾身，但入口肉汁豐盈。配上德國酸椰菜，將豬手的肥膩度大大減低。德國傳統焗薯批 新鮮薯仔 (不是薯粉)、雞蛋、忌廉、牛油、煙肉，看似簡單的食材，但只要配合得宜，滋味還是滿滿的。加上自家製燒汁，完美!Warsteiner Lager 成立超過兩世紀的德國啤酒品牌。酸度中等，順口好喝，是生啤中相當適合女士品嘗的淡啤酒。Jagermeister德國 Digestif, 成分包括56種來自全球各地的辛香料。酒精濃度為35%。味道微甜，餐後飲用的確有一點點幫助消化的效果。

跟男朋友行完旺角，又唔知想食咩好，我突然想去飲杯酒，咁就同男友講不如就去食德國菜。我地搵左一搵，太子原來有間德國餐廳-Bierhof。門外睇感覺係一間好地道德式家庭餐廳，一入去係飲野格局，可以大家飲下酒傾下計。因為身體不適，就點了這杯ESTRELLA DAMM LEMON ($72) ，味道就是檸檬啤酒，酒精度不高，啱晒女仔。男朋友不太好酒，所以他點了 fruit punc h ( Blueberry Punch)$78 點過飲品，再望望餐牌，菜式選擇若十多樣左右，當中已包括左好多傳統德國菜式。第一樣上場: 黑松露白菌燴意式雲吞（$148） 遠遠已傳來松露香，雲吞小小一粒入面芝士飽滿，再加上特製醬汁，味道一流。第二道菜: 德國傳統焗薯批（$128）男朋友很喜這個！薯批是由薯仔作主題，大量薯仔加入煙肉洋蔥，很惹味，大家可以一試。主菜：去德國餐廳當然要點德國豬手( $268) 奉桌前豬手已切開，豬手皮脆卜卜皮脆肉嫩。隨碟亦有芥茉酸菜以及酸瓜，豬手佐以酸菜能解油膩感，是有水準的豬手。

Non-stop birthday week，老友請我去歎德國啤同豬手， good idea 喎！原來係位於太子酒吧街附近，一間門面都裝修得幾靚的 Bar 。有幾次經過都見到好特別，一路想下次有機會要試，今天終於等到了。店內環境好有氣氛，四周都有德式佈置。例如壁畫啦、酒桶啦、德國啤酒標誌等等，配合輕快活潑的音樂，氣氛好 warm 好歡樂，真係似去左德國咁。難怪會有咁多靚女 OL 同情侶放工來飮返杯。餐牌主要有兩 set，一張啤酒一張食物。正當迷茫之際，酒吧經理出現推介啤酒同食物。原來燒豬手是酒吧的招牌菜，製作需時，每日限量供應。另外，德國傳統焗薯批亦唔係周圍有得食，我地一於捧場試試佢。而啤酒呢，我就選擇左 draft beer -Benediktinet Weissbier $78 ，算是比較大路的德國小麥啤。有蜜糖及麥芽香味，口感幼滑。酒精度大約 5% ，易入口唔苦，配合肉食幾正架。真正德國 size 夠大杯，好抵飲。朋友比較喜歡試新野，佢揀左 Schneiber Tap 5 $62 , 係bottle 裝帶酸味的一款啤酒。口味比較特別，唔似一般飲慣的啤酒，strong 花香味，令人

相約朋友到太子，由於朋友辦妥工作後都沒有飯意，所以我們就揀了一間清吧，方便聊天。遵中醫囑咐，多年來都戒了啤酒及糯米，最近獲解禁，可以輕嚐淺嚼，當然要找些較為特別的來開齋。酒吧位於大街上，跟一位著名的德國足球明星同名，有傳統的德國風格，門面及裝潢都令人有置身德國的感覺，而酒吧的啤酒全都是直接由德國進口。由於是日沒有世界盃賽事，所以沒有那麼熱鬧，反而更加適合我們，柔和的音樂令人很舒服，更不妨礙聊天。桌面的擺設也很別出心裁，每張桌上都放有一個大約可裝3 公升啤酒的小橡木酒桶，而用了大酒杯來擺放餐具，及擺放蠟燭的杯內放了一個有啤酒品牌的小杯，使到那字樣也可在燭光下影出來，整體的氛圍配合得很恰當。趁著沒太多人，店長也來跟我們閒聊及推介他們特色的酒菜。原來店長是從歐洲回流的品酒師，對飲食業亦有相當的心得及堅持，啤酒全是德國直接入口，有些品牌已有超過500年歷史，不斷推陳出新，仍能屹立不倒。而食品方面都是以德國豬手、德國肉腸及肉丸為主，並覺得不一定要款式繁多，反而要以專為主。我們依店長的推介，要了一客原只招牌德國燒豬手 ($268)、一客比亞荷夫烤腸併盤(小) ($98)，及一客德國傳統焗薯批 ($