Marco's Oyster Bar & Grill (彩鴻酒店)

營業中

休息中

服務100分，remark左生日，大會安排左人過來有幫我地戴眼鏡🤓有幫我地帶👑，再安排人過來唱歌慶祝🎉，氣氛味道100分，豬手好淋好入味皮好脆 已經來左三次都會再來！叫左兩打生蠔，有介紹由爽到甜味creamy，日本果隻同coffin B同蠔王G最好食

第二次黎食物質素依舊服務態度好好，會主動過黎推薦食物同介紹同埋好好笑容今次係為生蠔而黎見到生蠔有優惠好抵食，唔止有半價仲要嗌夠一打生蠔送一支紅酒或者白酒！嗌左4款生蠔，新鮮同夠大隻！我就偏中意食法國同愛爾蘭既生蠔，海水味偏重d，薄身一d!紐西蘭羊架！用寶雲酥方法整既，寶雲穌係法國一種最傳統既焗羊架方法，係羊架表面搽芥末醬、麵包糠同香草，咁樣可以增加食物既層次感。依家好少餐廳會用依種方法，其一因爲做法繁複，多數都就咁焗或煎，所以好驚喜係度食到寶雲酥羊架！甜品都好推薦！朱古力心太軟，真係做得好流心，同埋朱古力味濃郁，唔會太甜，完全唔輸比出名既甜品店Tiramisu 有香甜、脆、爽滑、細膩多重口感，食完一件仲想食老闆娘話係意大利師父精心製作嫁，係咁推薦比我地叫我地一定要試下，好彩食左唔係實後悔哈哈

年幾 2 年前同朋友喺度食過生日飯，今次主角揀返呢度 encore，早前同事話佢改咗名啲嘢差咗，咁就嚟試一試啦。一去到見到老闆，我就話:咦，見到你即係今晚有 crepe 食啦，佢話你咁識貨呀，我話係呀，上次你請我食架嘛，老闆好醒就話今次無得請，要比錢囉 😅😅 不過佢就請咗我同朋友飲咗杯 cocktail, 非常好味喎 💖齊人揀食物，我哋每人食咗 5 隻生蠔，雖然唔算肥但都非常美味，佢哋食夠 12 隻就送一支紅或白酒，我哋有 2 支，每樣要咗一支。然後叫咗 2 個 set，分別係豬手同羊架，原本跟餐可以加錢要田螺，可惜佢哋無田螺 😭😭😭 我哋於是叫咗白酒大蜆，有 8 隻大大隻蜆，好美味。豬手皮唔算好脆但還可以，落單姐姐 sell 我哋 join member，午餐 9 折，晚餐 8 折，仲有幾張食物折扣 coupons,我哋即時換咗 Cabornara, 姐姐即時送多 2 個甜品。佢哋甜品好正，特別係橙酒班戟，有次去到想食無，有次訂咗都無，但無訂嗰次去到見到老闆仲請我食，今次又食到，隔離檯見我哋叫又叫，成晚有 3 檯客叫咗 🤣🤣🤣