幸圓

營業中

休息中

叫得高質，當然係環境、食物、價錢等各方面有質素，我同朋友去過呢間位於鰂魚涌英皇道《幸圓》，就覺得非常唔錯了。 木系小清新路線 座位寬敞今次入座卡座，落地玻璃看到室外環境，卡座空間感十足，四人入座依然綽綽有餘。即使店內其他位置，也有不同藝術裝潢，感覺好像不同位置會讓人豁然一新的感覺。 西日fusion菜 價錢相宜又精緻餐牌食物以日本菜及西式為主，日式西式都各點了一款主食：幸圓海鮮丼及慢煮紅酒油鴨腿配自家製雜莓汁。幸圓海鮮丼($238)成12款刺身，仲有無人能抗拒的海膽，海膽鲜甜，款款刺身都新鮮，絕對有誠意。丼飯份量不少，我同朋友二人share 都夠飽。慢煮紅酒油封鴨腿配自家製雜莓汁($238)以蔬菜放成精緻嘅擺盤，絕對適合打卡。旁邊油封鴨超大隻，大過出邊食到的炸雞脾，表皮是焦脆，切開鴨腿肉質鮮嫰，食出一絲絲的鴨肉，肉質惹味既不油膩，鴨腿下鋪滿了自家製雜莓汁，鴨腿肉沾上雜莓汁一齊食，立即出現意想不到嘅味道，將味道完全提升左去另一個層次，咁樣嘅配搭好新穎。 肉桂蘋果牛角包窩夫($68)絕對喺小清新甜品系列，窩夫上舖滿3大塊青蘋果片及蘋果蓉，蘋果蓉酸酸的，估計係青蘋果蓉，淋上糖漿中和甜酸度更好

今年生日餐，和家人一起來試下呢間Fusion食物～華蘭路口啲新大廈，英皇道外景，搭電梯去到大堂，開咗唔係好耐啲餐廳： 幸圓服務生們都很周到，好快落單：1）家裡老人摯愛三文魚刺身，呢度每份只有三片，我們前後order了3份 HKD42*3魚肉非常新鮮，有彈性，厚切入口啲感覺好滿足！wasabi似乎味道比較淡，可能刺激唔到重口味人的味蕾😅👇🏿2）吉列蝦牛油果卷 HKD118.-👇🏿3）燒牛肉沙律 HKD88.-👇🏿4）黃金蟹肉蘆筍忌廉 蟹籽意粉 HKD158.-👇🏿5）慢煮紅酒油封鴨腿配自家製雜莓汁HKD235.-👇🏿鴨腿肉非常入味，口腔甘香瀰漫，推薦!7）鰻魚炒飯 HKD108.- （OK，中規中矩)👇🏿8）自家製士多啤梨鬆餅 HKD68.-👇🏿9）朱古力Oreo牛角飽窩夫 HKD68.- 推薦! 👇🏿10）宇治抹茶芭菲 HKD58.- （賣相OK喔）👇🏿11）士多啤梨芭菲 HKD58.-👇🏿12）各種飲品 @HKD58*4 capital Heaven blue bliss Lychee Jelly Mango Paradise買單，沒有

朋友生日，我請她食晚飯慶祝，她揀了去幸園食和洋料理。我們只有兩個人，餐廳安排我們坐窗邊的卡位，座位非常寬闊，坐得很舒服。 我們點了魷魚壽司、吉列炸、紐西蘭藍青口配香草牛油清酒汁、慢煮紅酒油封鴨腿配自家製雜莓汁和吉列蝦牛油果卷。食物的味道錯，也很新鮮。想不到鴨腿會煮得這麽軟和入味。朋友喜歡食魷魚，所以再追加一份魷魚壽司和三文魚壽司 。 飲品點了Tropical Bliss和Mango Paradise，賣相很漂亮，味道都OK。 最後當然少不了甜品啦，我們就點了宇治金時芭菲和士多啤梨芝士奶蓋牛角包窩夫。芭菲很快就送到，唯獨士多啤梨芝士奶蓋牛角包窩夫遲遲未到。終於它送到我們面前的時候，真是非常驚喜。因為餐廳專誠為朋友送上生日驚喜，在她的甜品上插上點着的蠟燭和在碟上寫着生日快樂。想不到餐廳會找機會送上生日驚喜，真是非常貼心。

今日去咗朋友鰂魚涌公司樓下嘅幸圓 cafe，見佢裝修同食物都好靚，好適合打卡。一坐低就叫咗杯邪惡嘅Belgian chocolate，每啖都有濃濃嘅朱古力味，仲可以撈埋cream飲，上面做裝飾嘅有一塊半溶嘅朱古力，同樣係高質嘅朱古力。我哋叫咗牛油果粒蟹柳蟹子同青瓜絲沙律做前菜，好適合呢種天氣消暑。朋友叫咗蒲燒鰻魚飯定食，有沙律、味噌湯同漬物，非常豐富。我就叫咗黃金蟹肉窩筍忌廉蟹子扁意粉，蛋黃醬又惹味又creamy，每啖意粉都食到濃沃嘅蟹肉味，同時有杏仁粒同蟹子令口感更加獨特，餐廳亦加咗蕃茄乾同蘆筍，帶出清新嘅感覺，令意粉唔會太油膩。有啲肚餓，我哋仲share咗慢煮紅酒油封鴨腿配自家製雜莓汁，油封鴨非常高質，有好似煙鴨胸嘅香濃嘅鴨味，鴨皮就少少脆，好配合甜甜酸酸嘅雜莓汁，配菜仲有薯蓉薯菜，食到飽飽。最後叫咗宇治金時巴菲做甜品，淨係造型已經攞曬分，香濃嘅綠茶味配合蕨餅、雪糕、cream、紅豆同黑糖漿，全部撈埋一齊食或者分開食可以試到唔同層次嘅口感同味道。

約咗朋友在太古一帶食飯， 揀咗一間環境舒適又清靜的地方，位於新座落的商廈， 就在電車路一带，交通方便。店內環境舒適，坐得寬敞，最適合三五知己歡聚。芒果特飲Mango paradise用黃色生果做主題，有芒果 溶同菠蘿汁加上蜜糖， 酸酸甜甜好醒胃，好適合夏日悶熱的天氣。燒牛肉沙律賣相好靚， 牛肉薄片鋪在 沙律上， 牛肉略略燒過， 呈粉紅色，好嫩滑。 沙律菜新鮮， 加上黑醋酸酸的。慢煮紅酒油封鴨腿配自家製雜莓汁店員推介， 呢未主菜較特別， 外面好少有， 好少西餐用鴨髀做主角。外皮燒得脆脆而面肉質嫩滑， 鴨的油香慢慢透出， 惹味得嚟又唔會肥膩。加上 秘製雜莓汁增添滋味。而賣相都好吸引， 薯菜的排列也十分趣緻。 值得推介。士多啤梨芝士奶蓋牛角包窩夫第一次食感覺特別，有窩夫的香脆夾雜住牛角包的層次。而士多啤梨奶蓋酸酸的配上士多啤梨雪糕，味道好夾， 唔會太甜，又一美味推介。