戀上台式料理

營業中

休息中

🇭🇰✨南將軍澳海濱pet friendly台式餐廳🌊🦮今晚媽咪OT，同Daddy撐枱腳，去咗南將軍澳附近覓食😝搵到間海邊嘅台式餐廳🌊有户外用餐空間，日頭望住個海食飯應該好正，可惜我哋去嘅時候係夜晚，就咩都見唔到喇🙈而且餐廳係pet friendly，見到唔少食客都會帶狗狗去😆🦮① 戀上三杯雞 🐔 $88🔹三杯雞醃得入味② 小碗手工魯肉飯配溏心蛋 🍚 $38🔹呢個好抵食！👍🏻本身以為細碗係mini size碗，食幾啖嘗鮮，點知係正常size碗，唔算大食嘅女仔食一定夠飽！魯肉甜甜地夠入味，溏心蛋流心程度剛好，飯用上珍珠米，米粒分明。③ 鹽酥大大雞扒麵 🍗 $88🔹炸雞扒不過不失，沾沙律醬一齊食更加分④ 台式牛筋牛肚麵 🐮 $98🔹湯底可以揀牛肉湯/川辣湯/鮮茄湯，麵食可以揀刀削麵或者陽春麵，可以自由搭配👍🏻🔹牛筋牛肚份量足，刀削麵煙煙韌韌，紅蘿蔔炆得好軟腍⑤ 蒜香麻辣豬耳 🐷🌶 $68🔹個人幾鍾意呢道小食，如其名，夠哂蒜香麻辣，非常香辣惹味🧄🌶⑥ 窩夫配草莓三重奏 🍓 $68🔹 窩夫行實在路線，配上士多啤梨同藍莓🫐配以cream同雲呢拿雪糕，淋上士多啤梨醬📍 戀上台式料理 (將軍澳)將軍澳

將軍澳海傍對住海，吹住海風食野幾咁chill，今次我地搵到間chill得黎仲要抵食既台灣菜：戀上台式料理。.戀上三杯雞（$88）三杯雞出面已經好少店會做，因為工序多又麻煩。呢間個汁調較得好正好惹味，雞件份量都好多，全部都好滑好入味，連入面洋蔥、蒜頭都索哂味，超正！可惜我地胃口細，如果食得落白飯，撈汁撈配料就更完美。🤣海陸空極上燒肉拼盤（$388）店員送上黎果陣我地都比份量嚇一嚇，好擔心會食唔哂。雞肉：兩塊雞脾扒 ，加左七味粉、黑椒做調味。雞扒好厚身但好滑，燒完唔會柴口👍🏻雞皮串：燒到脆口既口感，加少少燒汁食好正！大蝦：蝦肉燒完好彈牙，好新鮮！大海蜆：我地加左牛油同蒜蓉燒，本身蜆入面有少少蜆汁，好鮮甜！日本A4和牛：牛既油花好平均，入口即溶美國牛板腱：脂肪少，但肉味濃郁，最啱用黎燒～😋西班牙黑毛豬：黑毛豬口感柔嫩，肥而不膩豬梅花腩：無論打邊爐定燒肉都好鐘意梅頭花，夠哂軟冧彈牙，豬肉味都好夠台式飲品🧋熱黑糖珍珠鮮奶($38)雖然我地叫左半糖，但都夠哂甜😍黑糖鮮奶唔會好甜膩，珍珠甜甜地好Q彈😄香芋珍珠鮮奶($38)香芋味好重，仲有少少芋泥！同鮮奶好夾！總結：餐廳環境靚，對住海傍食燒肉都係第一

將軍澳海濱係好多嘢食架，今次嚟到見到有間台式舖頭，決定簡單食一餐晚飯。平日嚟到基本上唔需要等位，行入去就有位㗎喇。戀上三杯雞 4.5/5呢度小菜由石鍋送上，熱辣辣咁送上嚟，索落去就有好香嘅酒味，雞件仲好嫩滑，味道足夠，冇雪藏味，送飯一流。戀上蚵仔魯肉飯 4.5/5佢依啲生蠔仔，事先就有炸過，炸到脆卜卜之後再配上滷肉飯，一啖咬落去有香脆嘅蚵仔，又有鹹香嘅魯肉飯，唔同層次嘅感覺豐富左口感。地點:對於一啲唔係住喺將軍澳嘅人，比較偏僻㗎，要識得搵路行過去，最好就係向着Donki方向，經過Donki之前就轉左行入去行到篤篤就會見到。環境:坐喺入邊就比較靜同埋光猛，想夜晚舒舒服服享受晚餐，就可以坐喺室外嘅地方佢哋有啲螢火可以chill⼀卜。價錢:因為我哋冇食燒肉，有冇飲啤酒食水煙，所以我哋人均$110，簡簡單單食一餐。服務:自助落單，冇乜特別。

👩🏻‍❤️‍👨🏻：⭐️⭐️⭐️⭐️⭐️之前都有講過，🤵🏻‍♂️好鬼鍾意將軍澳呢間台式料理，成日都同同事嚟食。今日第一次食dinner，所以唔再係set lunch，直接餐牌嗌嘢食。今晚人流相比平時午餐多咗好多，室內除咗一張枱全部坐滿，室外都只係剩返兩張。希望嚟緊生意繼續好啦。晚餐雖然冇套餐，但係餐牌其實都係同一個，價錢亦都非常合理，🤵🏻‍♂️今日帶咗一個健康料理channel嘅靚女板主，所以選擇都較為健康。🤵🏻‍♂️ 松茸燉雞 $38話明崇尚健康，梗係嗌個燉湯，而且你冇睇錯，每位只係$38。係$38！淨係買材料都唔得啦！燉湯完全真材實料，除咗松茸同雞之外，仲有豬骨同南瓜。松茸香氣撲鼻，味濃得來不油膩。特別介紹工作繁忙少湯水嘅朋友！🤵🏻‍♂️ 特色手工餃（6件） $58🤵🏻‍♂️最緊要食得健康，特登叫咗手工餃子，都叫做清清地。餡料嘅豬肉用半肥瘦，加上適量蔬菜，有肉汁兼夾香口。🤵🏻‍♂️ 魯肉乾煸四季豆 $88呢味較為多少少油，但係炒得香口，肉味極香，配上四季豆簡直係天作之合。🤵🏻‍♂️ 戀上三杯雞 $88上次午餐已經提過三杯雞非常好味，香口惹味，連配菜都全部食晒，今日亦都保持一貫水準，最後真係成個煲入邊乜嘢都冇晒

👩🏻‍❤️‍👨🏻：⭐️⭐️⭐️⭐️⭐️🤵🏻‍♂️喺將軍澳返工，日日出去食lunch，試過好多餐廳，呢間係其中一間最鍾意嘅，所以周不時都會車埋同事出嚟呢間喺翩匯坊，向海嘅台式料理。今日就同女同事嚟撐枱腳，貪佢夠安靜，傾公事講是非皆宜，而且極度抵食又好味。不過近大半年呢度所有食肆人流少咗好多，好處係一定有位，壞處係真係擔心佢做唔住。🤵🏻‍♂️ 戀上三杯雞套餐 $74配魯肉飯＋菊花蜜三杯雞惹味香口唔油膩，分量充足，配埋魯肉飯非常開胃，連煲入邊嘅蒜頭同洋蔥都食晒🤵🏻‍♂️ 紅燒牛肉麵套餐 $68古早生肉湯/陽春麵＋桂圓紅棗茶紅燒牛肉肥瘦適中，牛肉味濃，加上古早生肉湯非常惹味，配料也不少，有紅蘿蔔和蘿蔔，食成碗也不覺肥膩所有套餐都送開胃菜，今次係麻辣雲耳兩杯嘢飲叫咗少甜，但係都稍嫌甜得滯，飲少少之後加返水再飲嘅時候更適合🤵🏻‍♂️其實最愛呢度環境舒適，如果天氣冇咁熱，坐近單車徑嘅座位，所有玻璃門開晒嘅話，感覺開陽，室內外連成一體，係忙裏偷閑嘅好選擇

鹽酥脆香排骨刀削麵($88)，排骨即是豬扒，而且有兩大塊，岩晒我哩d大胃王，豬扒有肉汁，外層非常酥脆，個醬似係千島醬再調較，同豬扒非常夾，另外我揀左刀削麵，麵既質地帶微微煙煙韌韌有口感。鵝肝蚵仔魯肉溏心蛋飯($128)，哩個飯每一口食落腦海都好想去台灣旅行，因為去台灣差不多必食蚵仔和魯肉飯，今次有埋鵝肝絕對係進化版本，入口甘香既鵝油香味在口腔散發，真係百食不厭，溏心蛋同樣製作出色，個蛋黃仲有液體狀態，流心既感覺。戀上三杯雞($88)，雞唔係煮得全熟，因為上菜時鐵煲仲有熱力，用餘溫令雞件熟透，咁樣雞肉會滑d，味道方面有d似港式既啫啫雞煲。

🎹平平淡淡日日亦都慣 想花心思於每一餐🥁即使意興闌珊也罷 食得美味會漸覺開懷🎸無謂日日夜夜感嘆 幾多哀傷暫時忘了吧🎷天天也有甜酸苦辣 如若有你氹下我 我會看到最美的星晚💛小碗手工魯肉飯配鹵水糖心蛋 $50💛戀上三杯雞 $78💛德國咸豬手 + hoegaarden rosee x2 $178豬手兩隻份量都幾多，層皮幾脆，肉質都幾厚，但有點難切，我要用上了九牛二虎之力。雞肉一上枱就好有香濃的雞味，細細粒唔算多骨，口感幾彈牙。魯肉飯的醬汁很重魯肉味，還有些前菜，不會太寡。hoegaarden rosee啤酒花香味重好好飲夠清甜又易入口。入座前侍應就準備好消毒液和量體溫，確保衛生，食得安心。唯地點好偏僻，由地鐵站行去商場有段路，在商場兜了一個圈才見到。不過環境很好，就在海邊，裝潢花與木築成，台式也有情調，綜合來說埋單$337價錢也划算。