木玥巷

營業中

休息中

餐廳：木玥巷地區：屯門地址：屯門井財街7號力生大廈地下4-5號舖日期：27/9/2021時間：20:30人數：2人 等位：0 min木玥巷之前已經食過一次lunch，食完回味無窮，今次再過嚟食多次依間咁正嘅台灣野☺️雖然佢晚餐無lunch set咁平，但都唔貴，都算正常合理價錢。櫻花蝦鰻魚炒飯 $88:炒飯絕對係用心製作，鰻魚入口Q彈，係高級啲嘅鰻魚🤩落醬油炒落得適中，炒到好香好好味😋搭配粟米🌽、紫菜、櫻花蝦食真係一流👍🏻而且分量極多，真係好抵食！安格斯滷肉乾拌麵 $78:滷肉滷得非常之香，同去台灣食嘅滷肉差唔多好食，而個麵亦軟硬適中，加上荳苗、半熟荷包蛋同滷肉拌埋食真係正！戰斧鹽酥雞扒 $82:果然係戰斧雞扒，超級無敵大塊！個size真係大過人塊面😂 鹽酥雞扒外皮炸得非常香脆，而且炸衣緊貼雞肉，切開嘅時候都唔會甩，肉質亦嫩滑，搭配雞扒醬酸酸甜甜非常開胃，真係食唔停口呀😝木玥黃金水果茶 $38:之前已經試過佢嘅招牌水果茶，覺得好正，今次就試下佢嘅黃金水果茶，依款水果茶主打鳳梨加百香果，味道清新，大大杯飲非常健康！🤣冬瓜蜜檸檬紅茶 $32:冬瓜蜜配檸檬紅茶基本上無得輸，又係清甜解膩之選👍🏻

成日會搭幾個輕鐵站過景峰揾食，呢邊都唔少美食，今日就試想試好耐既台灣菜——木玥巷👀🐮木玥招牌紅燒牛肉麵（$96）份量好夠又足料，有牛𦟌、牛肚、牛筋、蘿白等，牛𦟌煮得好入味，肉質較稔，湯底比想像中清淡，麵條頗有彈性，幾掛湯👍🏻🐮台灣雙色腸（$46）呢碟小食有普通台灣腸同黑色墨汁腸，煎得皮脆多汁，仲可以配上醬汁，有另一番風味😬🐮戰斧鹽酥雞扒（$82）果然無改錯名，一上碟大塊到我嚇親，真係成個斧頭咁大塊🤩雞扒炸得香脆可口，仲有秘製醬汁，大塊到最後要打包返去食😅🐮木玥招牌水果茶（$38）一上枱個size真係嚇親我，大杯到兩個人share都得😮西柚和百香果既配搭十分清新，酸酸甜甜，好開胃🐮木玥黃金水果茶（$38）同招牌水果茶大同小異，係菠蘿和百香果既配搭，比較清甜，十分解膩👍🏻總括來說，能在大西北揾到好食既台灣味，可以一解思鄉之愁🤣唔怪之得咁多人排隊食啦😬

呢間開喺屯門虹橋嘅餐廳算係我嘅飯堂之一，個 menu 都差唔多食過了！佢由開業到而家，個個星期六日晏晝都排長龍，係最近元朗開咗分店，夜晚先唔洗點排隊！雖然以台灣菜嚟講其實有啲高，不過真材實料，水準都好穩定，小食份量仲好大份𠻹！次次同屋企人/朋友嚟食都食唔晒，要打包拎走呢！主食份量唔算大，但小食嘅份量就一啲都唔輸蝕，特別係戰斧鹽酥雞扒，有成塊面咁大，真係好誇張！

今日經過紅橋附近，見到轉角位有間餐廳好多人排隊，門面好靚，入面座位舒適，所以我都排埋一份😂🌟 櫻花蝦鰻魚炒飯 （$88）鰻魚鮮甜，切得大粒，配上櫻花蝦同醬汁炒飯，令炒飯更加鮮甜，櫻花蝦加落炒飯，味道好夾，炒飯唔會太咸，調味岩岩好，而且份量足夠兩個人食，必點😋😋🌟 夜市地瓜條 （$46）即叫即炸，用上原條番薯🍠切條，加上厚切，做到外脆內軟，而且番薯鮮甜，金黃色，地瓜條表面加上調味粉，食落咸咸地配上番薯既甜味好夾😋🌟 戰斧鹽酥雞扒 （$82）雞扒都係即叫即炸，肉質嫩滑，炸得外層好脆，鎖住肉汁，雞扒大塊，性價比高，切點😋🌟 招牌水果茶 x 台灣鳳梨啤 ($38 & $ 48）水果茶大杯，唔會太甜，用新鮮既生果整，味道唔錯，而且即叫即整，好抵飲😋鳳梨啤用左台灣鳳梨🍍，飲落有好香既鳳梨味道，但不失啤酒既香味😋

平時久唔久都會去虹橋嗰邊食宵夜😋因為真係好多幾正糖水舖💛 估唔到近排新開咗間幾正台灣菜😍所以就去試吓晚餐啦🤤🤤舖頭簡潔乾淨又闊落，坐落都幾舒服☺️坐低冇耐，侍應就送上焦糖合桃😋等你邊食邊慢慢點菜，因為真係有好多嘢想食，有排揀呀🙈🌭 台灣雙色腸 ($46)每次去台式餐廳都會叫台灣腸😋今次呢個分量真係好多好抵食😍😍有原味同墨魚汁味，再配埋甜不辣嘅辣醬，食落甜甜辣辣，好新鮮嘅配搭🤣🧀 芝士年糕 ($38)熱辣辣嘅芝士年糕，煙靭嘅年糕包住大量芝士🤤🤤表皮煎得好香脆，又唔會太多油，正👍🏼🐓 戰斧鹽酥雞扒 ($82)鹽酥雞扒竟然做到平時斧頭扒嗰種震撼感覺😲絕對係重量級，真係好大塊🤩 炸得非常酥脆，又唔會好乾柴😋 表面灑咗少少海苔粉，好惹味😆 仲有個柚子醋，清新減膩😙😙🍛 黯然銷魂安格斯滷肉飯 ($84)見到隻荷包蛋，我都諗起星爺嘅黯然銷魂飯😂今次嘅滷肉改用安格斯牛肉，肉味濃，少肥膏，雖然少咗傳統滷肉飯嘅油脂香🤤 但都係個唔錯嘅健康之選😉🍍 木玥黃金水果茶 ($34)水果茶分為招牌、黃金同柳橙汁三杯選擇，今次揀嘅黃金係由鳳梨同熱情果組成而成😍係意想唔到咁大杯🙈頂層佈滿泡沫，係手搖嘅味道🤗🌹 玫瑰可可鮮

屯門台式食店唔多，呢間小店開左幾個月，一直想試吓，終於有機會可以黎食喇！— — — — — — — — — — — — — — — — — — — 【木玥招牌紅燒牛肉麵】$96湯底屬於比較清甜果種，唔會好勁味精，材料有牛𦟌、牛筋、牛肚，炆得幾腍又入味。配料有豆腐卜、白蘿蔔、紅蘿蔔，幾中意個豆腐卜，脆脆地好香口。麵底係比較幼身嘅台灣麵，軟硬適中。— — — — — — — — — — — — — — — — — — — 【戰斧鹽酥雞扒】$82真係重量級雞扒，超大份！外層炸粉好夠脆，雞肉嫩滑多汁，食落唔覺油膩，係正宗台底鹽酥嘅味道😋 佢重配埋一個甜酸醬，更加惹味。— — — — — — — — — — — — — — — — — — — 【台灣雙色腸】$46黑色估計係墨汁腸，兩隻腸都充滿台灣風味，同埋份量都幾多，過口癮真係啱哂喇😆— — — — — — — — — — — — — — — — — — — 【玫瑰可可鮮奶】$32【玫瑰蜜桃果茶】$28兩杯飲品都係價錢合理，欣賞佢熱飲都有咁大杯，唔錯！

屯門紅橋區又開咗間新餐廳，呢次係主打台式美食嘅「木玥巷」（佢隔離仲有一間新嘅Cafe😂😂）。三個星期前平日夜晚去，佢哋仲係六七成客滿，但最近見到佢哋晚市都要等位🤣🤣。————————————————————🏠：木玥巷 📍：屯門井財街7號力生大廈地下4-5號舖⏰：Mon、Wed - Sun: 12:00 - 15:30 ; 17:30 - 22:00 Tue 休息（收加一服務費）————————————————————🍽：戰斧鹽酥雞扒（單點$78；主食+ $28 轉套餐可配安格斯滷肉飯 / 木玥御飯 / 湯麵 三選一，再送甜品一客）評價💁‍♂️：3.8 / 5正點👍：👍：嚟呢度食就係為咗佢，超級大塊🤩🤩👍：鹽酥嘅味道唔錯，上面仲灑咗啲類似紫菜粉嘅調味料，味道更有層次👍：外層炸得酥脆又唔油膩👍：配上柚子醬食另有一番風味🥰美中不足🤔：🤔：雞肉唔乾但亦都唔算Juicy🤔：中間個層雞皮幾韌，要用唔少牙力去咬😂😂————————————————————🍚：安格斯滷肉飯 （跟套餐）評價💁‍♂️：4.0 / 5正點👍：👍：牛味比我想像中重，有啲驚喜👍：份量啱啱好夠送飯食👍：飯粒分明，軟硬適中👍：非傳統滷肉