木玥巷

營業中

休息中

朋友介紹屯門新墟一間高質素台灣菜餐廳，今晚來到體驗一下。餐廳在街角，門面顯眼，內部裝修雅緻，一派文青風格。店面不大，但座位也相當舒適。餐牌上的菜式選擇很多，我選了幾款台式美食。「酥炸豬扒湯麵」豬扒份量很多，新鮮即炸，酥脆香口，而且肉質脆中帶嫩，口感奇佳。手工麵配牛肉湯底，麵條蔫靭有口感，湯汁濃郁，特別惹味。「滷牛肉便當」大大塊硬切牛𦟌肉，腍軟可口，牛肉味道濃。配菜有肉鬆、泡菜、滷水蛋等，珍珠米飯配上滋味醬汁，非常美味。便當和麵都附上辣青瓜作為開胃前菜。「台式三杯雞」雞肉嫩滑無比，而且去骨，啖啖肉。配上甜甜的醬汁，令人回味無窮，配菜有青紅椒、洋蔥、蒜頭、魚蛋片等，增強口感味道，是相當好的配搭。「海苔肉鬆起司蛋餅加紫薯」蛋香味濃，包住不同口感的餡料，添加了紫薯蓉，原來是出奇地配合的。「木玥黃金水果茶」珍寶形特飲，有菠蘿、蘋果、青檸、西柚等水果，味道天然，不太酸，也不太甜，調味合宜，果然是招牌飲品。這裏的環境、味道，的確有讓人驚喜的感覺，晚餐時段都坐無虛席。

是日朋友相約到屯門井財街食晚飯，坐西鐵到兆康站再轉614輕鐵兩個站就到其實都超方便。好快就有卡位安排好坐低。點下餐先，我哋點左蒲燒鰻魚飯，酥炸雞扒便當（珍珠米飯，配有滷蛋，泡菜，肉鬆）,台式三杯雞，台式炸物拼盤（酥炸雞翼，甜不辣，花枝丸，地瓜條）,台灣雙色腸，鹽酥雞，木玥黃金水果茶，蘋果西打益力多，鐵觀音珍珠奶茶。蒲燒鰻魚飯-鰻魚大大條，燒得好香。酥炸雞扒便當（珍珠米飯，配有滷蛋，泡菜，肉鬆）-酥炸雞扒炸得香口又唔會太乾。配起入味滷蛋，泡菜，肉鬆加上珍珠米一起食有著不同口感。台式三杯雞-配料爆得香口配合醃好雞入晒味。台式炸物拼盤（酥炸雞翼，甜不辣，花枝丸，地瓜條）-炸物炸得不錯，香脆得來又唔會太乾身。地瓜條真係好好味道。台灣雙色腸-兩種口味，同時都有著好香的肉腸味道。鹽酥雞-炸得香口，份量又多 。木玥黃金水果茶-個茶底都幾香，仲有超級多生果，大大片新鮮菠蘿添。蘋果西打益力多-有汽加上益力多甜甜地都幾好飲鐵觀音珍珠奶茶-茶底幾香，珍珠奶茶就奶比例都幾好，珍珠夠彈牙。

屯門虹橋向來美食多，今天到訪於網上大獲好評的「木玥巷」一嚐久違的台灣味道；以簡約木系及白色為主調，牆身裝上掛飾，感覺清新舒適-🔹紅燒牛肉麵 $92熱芋香拿鐵 +$28附上三款前菜配料；三件極厚切的牛腱肉配上蘿蔔、胡蘿蔔、小棠菜及麵條牛肉煮至柔軟細緻，夾雜著牛腱的 Q 彈而軟滑的筋膜，口感一流，肉香濃郁細長；蘿蔔及胡蘿蔔鮮嫩多汁，吸湯後更鮮甜，小棠菜翠綠新鮮；麵條細滑彈牙，是手工麵條的口感；配合清甜鮮香的醬油及微辣花椒味的無油湯底，令人滿足熱芋香拿鐵以漸變香芋紫色頂上軟綿奶泡，賣相極加分，是治癒的顏色拌勻後再品嚐，芋香濃郁深長，跟香滑牛奶比例平衡，甜度剛好，非常推薦！-🔹黑糖蘋果豬軟骨 $88獨特創意之菜式，將蘋果乾放在豬軟骨上；豬軟骨份量十足，口感紮實有嚼頭，每一口均吃到濃香的黑糖蘋果味，酸甜有致夠開胃-🔹金鑽鳳梨蝦球 (虎蝦) $96選用台灣最知名又盛產的金鑽鳳梨所做成的菜式，以西柚片作裝飾；蝦球肥大，外層輕脆，蝦肉爽嫩，加入片片多汁而酸甜平衡的鳳梨肉及沙拉醬，集酸、鹹、甜多重味道-🔹燙青菜 $48加入大量滷肉，誠意滿滿；菜心翠綠鮮嫩，以鮮甜牛肉汁調味，味道上佳

門面時尚，設有燈牌和射燈，經過餐廳相當吸引眼球 。室內環境簡潔舒適，枱與枱之間空間大，吃飯聊天私隱度高 。蜂蜜冰烤地瓜：沒有想到這個小吃份量會那麼多，賣相看來很有趣，是一個鳳梨的模樣，餐廳有精心設計過。說味道，很棒！咬下去冰涼的，地瓜心處於冰沙狀態，口感爽脆；很優質的地瓜，口感軟綿綿、又香甜。另外表面有蜜糖甜香，地瓜外皮很薄，可以連皮吃，而且地瓜清洗得很乾淨，食用放心 。宜蘭三星蔥餡餅：即叫即做的，熱騰騰最好吃，外皮酥脆，很香口。櫻花蝦鰻魚炒飯：炒飯以鰻魚汁調味，甜甜的，表面灑上了很多紫菜絲、櫻花蝦，更惹味。另外有加入粟米粒，清甜提升。鰻魚粒魚油重，令到整個炒飯的鰻魚味更加香濃。唯一是炒飯偏濕。黯然銷魂安格斯滷肉伴麵：感覺這個麵混合了韓國、台灣和香港的元素，材料有滷肉牛筋、泡菜、煎蛋、青瓜絲等等，甜甜辣辣的 。我選擇了手工麵，口感煙韌彈牙 充滿嚼勁，是我喜歡吃的口感，麵條能掛著醬汁。玫瑰可可鮮奶（熱）：可可味濃郁之餘，有玫瑰香氣，不會過甜，養生之選 。蘋果西打益力多：喝這個超級清爽，冰涼的，蘋果比益力多味重。很適合吃魚油脂較重的鰻魚飯後飲用解油膩。 招牌糖水：仙草凍及愛玉，加上香濃花奶

好耐冇入大西北喇❣️心血來潮唸起以前成日食嘅一間台灣餐廳 就襯假日送個break 入屯門食個lunch呢度成個環境就好似台灣嘅小店咁好休閒 令人得以暫時放低包伏希望佢哋可以播返台灣歌🎶 會更加有feel😆******************************🫓宜蘭三星蔥餡餅 ($44)特別鐘愛台灣嘅三星蔥💕比起一般蔥 蔥肉更軟嫩甘甜而不嗆餡餅外皮煎成金黃色 香脆可口內餡多蔥少肉 呢個比例好啱我哋口味😍輕咬下去 肉汁溢出 感覺有少少似小籠包呢🐔鹽酥雞 ($50)太耐冇入嚟 原來已經換咗唔再係巨型嘅雞塊不過呢個size比較接近台灣食開嘅鹽酥雞 各有千秋啦炸雞好脆好香口 一定要點埋佢嘅醬汁酸眉眉咁真係好正好開胃呀❣️🍚黑糖蘋果西打豬軟骨飯($78)夏天總係想食酸酸甜甜嘅野 揀呢個就啱晒😆個set仲會跟埋開胃前菜涼拌青瓜🥒好鐘意佢個調味 甜度適中又帶點微酸感 重點係唔會死甜豬軟骨係意想不到嘅入味❣️ 大愛軟骨位置爽口 但都好易咬開🍜黯然銷魂安格斯滷肉拌麵 ($82)+滷蛋($10)原來已經包咗隻半熟荷包蛋 牛炆得好腍好入味 味道濃郁 滷肉肉質嫩滑 入口即化 口感好正麵條係台灣嘅粗麵 口感Q彈同

今日入屯門探訪朋友再到附近屯門井財街木玥巷吃晚餐。入面佈置左好多Halloween 🎃擺設，環境幾岩feel。好喇到叫野食時間了，先叫d飲品再睇先。木玥黃金水果茶，蘋果西打益力多，鐵觀音珍珠奶茶。木玥黃金水果茶：好足料好多生果可以慢慢咬，仲有大塊鮮菠蘿，茶味道都好好。蘋果西打益力多：甜甜地又有汽，炎熱下天氣中爽一爽。鐵觀音珍珠奶茶：茶香奶香，珍珠爽口彈牙。再叫埋：台式炸物拼盤：4樣炸物，雞翼，甜不辣，花枝丸，地瓜條同樣炸得香口。炸而不膩，唔會成口油。台灣雙色腸：煎得非常香口，好有台灣風味。鹽酥雞：大大碟，脆香之外仲好juice.台式三杯雞：香料九層塔炒香爆入雞中非常好味道。酥炸雞扒便當：酥炸雞扒肉質好炸得香脆可口，配起香濃滷水蛋，鬆軟肉鬆，少少辣泡菜混起珍珠米吃非常夾。蒲燒鰻魚飯：香口又大條既鰻魚，份量都好大。仲加上蛋配菜真係大滿足。

話說有日同朋友聚餐想揀一間清幽啲地方食飯，呢間餐廳都係屯門區內一個唔錯既選擇。地點位置係新墟井財街附近，都唔算難揾。餐廳座位都坐得算舒服，咁岩好係萬聖節主題，裡面有好多萬聖節飾物，都幾得意。餐牌都幾多地道台灣菜式，選擇唔少。蟹肉明太子炒新竹米粉都夠鑊氣，啲米粉唔會一舊舊痴住，有淡淡的油香味。配料都幾多，食物質素都唔錯。因為想食清淡啲，叫左一份木玥雜錦蔬菜，白蘿蔔味道比較淡，甘荀煮得比較冧。如果嫌淡口得滯，有芝麻醬同甜酸醬俾你選擇。因為係萬聖節主題，水果叉真係好有趣，而且重點係杯招牌水果茶好大杯，目測杯身有手臂咁長，水果茶微甜，味道都唔錯。黑糖珍珠拿鐵味道不過不失，可以選擇甜度，茶味一般，反而奶味比較濃。總體黎講，如果唔趕時間想坐耐啲，呢間餐廳都係一個選擇，食物都OK。

秋風送爽，相約好友到屯門行山，見天色漸黑，就系附近搵間小店食晚飯。當中「木玥巷」除左裝修小清新，食物款式唔單一，既有台式小食，也有滷肉飯，台灣麵食提供。當刻就揀呢間晚膳。⭐麻辣鴨血寛粉*（少辣）$90.00跟左一份涼拌青瓜。湯底睇落都幾深色，而辣度很低，鴨血軟硬度適中，唔散，而寬粉煙靭有口感。⭐黯然銷魂安格斯滷肉拌麵 $92.00連台灣野食都有黯然銷魂😂，拌麵有青瓜絲、紅薑、泡菜、太陽蛋，仲有好多牛肉，軟腍入味，麵質感爽口，整體口味比較清新。 ⭐黃金脆皮奶卷 $42.00外皮金黃色，奶油味幾甜下，當作甜點一流。⭐蛋黃芋球 $50.00賣相已看到芋頭蓉迫爆酥皮！咬下去香濃蛋香碎配上香濃芋頭蓉，感覺幸福飽滿!!⭐跟套餐+木玥黃金水果茶 $32.00清新解渴，仲有得揀少甜！⭐跟套餐+蘋果西打益力多 $28.00用餐經驗好好，店員幾nice，會再嚟幫襯😀

台式料理在香港都幾受歡迎, 這間小店位於屯門井財店, 平凡而清雅既裝修, 以木系為主調, 予人文青和平實感覺, 食物也很地道, 充滿台菜風味。酥炸排骨便當 加配安格斯滷肉排骨炸得好酥脆, 大大件肉質鬆化厚滑, 肉汁豐富, 配以肉鬆, 滷蛋, 加配嘅安格斯滷肉鹹香幼滑, 油潤而不肥膩, 佐飯好合適。酥炸雞扒便當 加配滷蛋 雞扒好大塊, 外層酥脆而肉質保持鮮嫩, 吃起來好有質感, 加上惹味嘅調味, 配搭肉鬆和滷蛋, 口感有層次。宜蘭三星蔥餡餅 餡餅外皮酥脆, 三星蔥餡料味道清香甜鮮, 滋味可口。黃金脆皮奶卷 奶卷外層炸得金黃香脆, 奶油餡料奶香幼滑, 趁熱食零舍香口, 清甜嘅味道令人回味。飲品是黑糖珍珠拿鐵和鐵觀音珍珠奶茶, 奶香幼滑, 珍珠煙韌彈牙, 甜度適中。

木玥巷應該無乜屯門牛會唔識，因為老細以前係酒店中廚出身，所以啲出品都一向幾高既質素，平時想食台灣野，就會自然諗到佢～今晚我地成家人又係度開餐喇😙🍀紅燒牛肉麵牛展超級厚切！！我諗有2-3cm咁厚⋯一心諗住咁大塊會好鞋口，但入口筋腱位有膠質但唔黐牙，肉質出奇地又軟又腍😙湯底色澤濃厚偏醬油色；雖然係紅燒但唔會辣，重醇厚牛骨味，飲到滷水香，紅白蘿蔔無渣清甜。麵條係台式手打麵，預期中既彈牙煙韌，軟硬度適中，整體正宗台味💚🍀黯然銷魂安格斯滷肉拌麵滷肉正常理解係豬肉，但依度竟然用安格斯牛肉，肉味濃，屬半肥瘦；「黯然銷魂」點都有隻太陽蛋，將蛋汁同滷汁撈均手打麵條，加埋滷肉連青瓜、紅薑、泡菜一齊食，有層次又好滋味、飽足🍀台式三杯雞一上碟好香酒味係有鑊氣既，雞應該用左雞髀位，無骨好滑無雪味，九層塔味好出，而雞髀菇好惹味juicy🍀櫻花蝦鰻魚炒飯睇好似好濕，但飯係珍珠米，索左水份（鰻魚汁）米粒食落又唔會好林，岩岩好👍🏻大量既櫻花蝦有提味既效果，蝦味超濃，配料鰻魚相對較少，飯面有好多紫菜條，成個飯感覺同味道都好日式🍀蟹肉明太子炒新竹米粉粒粒魚春（明太子）佈滿晒成個米粉，好多炒蛋同蟹肉，色澤金黃炒得好乾爽，新竹

已經幾年冇去過虹橋，估唔到喺街角位開咗間台灣菜餐廳😳 見到menu有麻辣鴨血寬粉，仲要係選用台灣空運鴨血，就已經好想試🤤 可惜湯底較稀同唔夠麻辣風味🥲 鴨血完全唔辣💔 不過好彩櫻花蝦鰻魚炒飯幾好食～櫻花蝦落足料，每啖都好脆口😋 份量仲要都大份，如果細食嘅女仔應該會食唔晒🤣

身為大西北既我，無論午餐 or 晚餐都周不時會黎食，一定要支持，份量十足之餘又好食，雖然細細間，但坐得好舒服，每次黎親都食到好飽，好滿足必點既紅燒牛肉麵🍜佢每塊牛肉都大大塊😍，份量超滿足，仲有啲湯底，香濃既豬骨湯味，好好味😋鹽酥雞飯🍚佢個鹽酥雞炸得好香脆😍份量都好多下，食得好滋味，呢個絕對性價比高👍🏼招牌水果茶🥤水果茶超大杯😍好多生果，好香水果味，味道仲啱啱好，唔會好淡太甜，飲得好爽爽😌白桃寒天多多🍑好多果肉，好香，超好飲，炸花枝丸🧆平時鐘意食花枝丸，一定要吖份黎食下先， 配埋酸酸辣辣嘅醬，就諗起台灣😋黃金脆皮奶卷🥛呢個口感，幾得意，食落好奶好軟綿綿，做飯後甜品非常好🥰除左我地新界牛牛，見到好多人都專程揸車黎食，有誠意又高質嘅小店越嚟越少💗 大家都嚟支持下

屯門井財街文青台灣菜位於屯門井財街轉角位置開左間裝修行文青路線的台灣菜，味道正宗，份量都好大份，而且性價比高，屯門街坊友經開紅橋一帶可以過來親嘗木玥巷🌟紅燒牛肉麵$92呢個牛肉麵係呢到的招牌菜推菜，以濃厚的牛骨湯湯底加滿滿的配菜以盆送上，牛肉四塊而且非常大件厚肉，食落好腍， 麵質爽口彈牙好好味👅蟹肉明太子炒新竹米粉$98新竹米粉炒得好乾身好味，鋪滿雞蛋、蟹肉、明太子等材料，味道唔會太濃，食落口感充滿層次感，好滋味！黑糖蘋果西打豬軟骨，$88呢款豬軟骨食落非常軟腍，配上酸甜的黑糖蘋果汁都幾開胃,而且好大碟，送飯一流✨黃金脆皮奶卷$42個人覺得脆皮奶卷都係必點嘅項目，奶卷皮薄入口即溶重牛奶味，記得趁熱食會更好味飲品叫咗台灣手搖焦糖咖啡$28同黑糖茉莉冬瓜茶$28，兩杯好都好大杯，焦糖咖啡香濃奶滑，黑糖茉莉冬瓜茶唔會過甜消暑解渴

紅橋一直以嚟都係美食天堂 餐廳林立 而且都係有質素 有特色 有時放工回屯門也會專程在這裏下車搵食 今次食的這間餐廳提供日本菜和台灣菜 牛肉麵 蔥油餅 蒲燒鰻魚等都可以在這間小店品嚐到黯然銷魂安格斯滷肉飯滷肉是用優質的安格斯牛肉 經過慢煮和滷製 醬汁入味 肉質細膩嫩滑 滷肉飯的精髓在於那滷汁 醬香味濃郁 帶有淡淡的甜味和鹹香 配上白米飯 是最好的配搭 安格斯牛肉的確和一般的有很明顯的分別紅燒牛肉麵牛肉經過慢火炖煮 吸收了濃郁的醬汁 牛肉的質感柔嫩 湯頭不油膩 略帶一絲辛辣 麵條彈牙 出品有上佳水準台式炸物拼盤 拼盤上有著各式台灣經典小吃 一次過吃下的確滿足 包括炸雞翼 炸地瓜條 炸花之丸等每一樣小吃都經過精心炸製 外脆內嫩 口感非常出色 仙草烏龍奶茶 這個烏龍茶和奶的配合得剛剛好 口感非常絲滑黑糖珍珠拿鐵黑糖香味濃郁 珍珠非常Q彈製作非常新鮮這間餐廳雖然只是小店 卻能夠 融合日本和台灣的風味 可以見到餐廳在每個菜式也花下了不少心思

傳聞屯門有間台灣菜不錯，立即去到朝聖一下。餐廳裝修好和諧好舒服，服務員十分幫助，知道我帶兩個小朋友黎一齊食飯，都主動提供小朋友餐具同水比我哋。去到餐廳梗係要食安格斯的滷肉飯，果然名不虛傳牛肉滷得十分之入味，好淋而且好有牛肉香味。之後叫咗杯木玥黃金水果茶，估唔到咁大杯。嚟到嘅時候都嚇咗一跳。另一杯珍珠奶茶就顯得迷你版本，但茶香同黑糖珍珠超好味。之後仲叫咗三星蔥餅這是十分好味的特色小食。建議一定要嗌。而另一個小食，就係金鑽鳳梨蝦球，佢啲蝦，超大隻。原來係用咗虎蝦嚟做，啖啖肉超好味。另外亦都加上台灣最出名的愛玉珍珠甜品。完美完結整個晚上。幸福感滿滿。