養心殿台式養生鍋 (已結業)

見養心殿居然可以半價食到😱睇睇原來7點前離座有5折，8點半前離座/9點半後入座有7折。打一個電話，3點幾4點完全唔駛等位，即刻飛車出去🙈4點左右到佐敦店，去到門口望下望下，烏燈黑火無人咁，入到去好在都有3枱已經食緊。麻辣鍋有跟多一份鴨血，記得要早啲啲落等佢吸下味，後加果啲同跟鍋入面果啲味道真係有啲出入。辣度男友叫了中辣，平日食譚仔清湯既我，在養心鍋灼熟後放麻辣鍋5秒再食，食到麻辣鍋又唔會太辣養心鍋入面有半個大魚頭同半隻雞，邊爐開始前試啖湯先，好足料魚味，偏重胡椒味，藥材味唔算濃手切牛肉不得了，睇下啲肉同脂肪分佈🤤黑毛豬真係好一般。滑鴨片細嚼都食到鴨味，滑唔滑呢就⋯好驚喜既黑松露蝦丸，唔中意黑松露味既我既然都覺得好好味👍🏻2個人食都好飽，其實5折左都唔算好平，茶芥都要$20位，飲品都唔想叫，所以正價食真心覺得貴，手切牛肉以半價黎食算係值食。5點半走時已經有超過10枱食客。

今日同朋友去到佐敦做啲嘢，去到都唔知食乜嘢好，又想靜靜地食打邊爐，就上左去佐敦地鐵站出咗去幾分鐘就到嘅養心殿打邊爐了。養心殿有不同既台式鍋底揀，以健康藥膳為主，再配以不同種類既火鍋配料，讚好!雙併鍋今次叫左麻辣鍋同埋酸菜白肉鍋雙併。估不到十分之足料，麻辣鍋配料十足仲附上好多塊鴨血，酸菜白肉仲可以免費追加一份添，淨係湯底都令大家好飲好食又滿足，正!手切牛肉雖然要咗細份，但其實上到枱都有大大碟厚切。手切牛入口即溶同彈牙，香口有牛味，牛魔王首選。雙併餃 (雲吞拼韭菜餃）又一碟大碟抵食之選，每一款餃子都有四件，雲吞隻隻𥚃便都有一隻大蝦，韭菜餃也不錯的，正！新竹米粉唔好睇少這個配菜，可以做到又滑又有米味既米粉是不易的，佢就係正正做到呢一樣了！鹹檸七最後叫了一杯鹹檸七，為這一餐畫上完美嘅句號。

今晚冬至，特地選一間鄰近我媽上班地點的餐廳，方便她下班後來。先前我已試過養心殿旺角分店，覺得味道不錯，但旺角分店長期爆滿難以預約，所以帶我媽來另一間分店打邊爐過冬。食物：4.5/5食物質素一向好，唯今晚佐敦店很多食材，如黑柏葉、蟶子、蝦等都沒有。「美人鍋併麻辣鍋」美人鍋有烏雞、桃膠、南棗等，我媽說烏雞非常鮮味。而麻辣鍋配有鴨血及涷豆腐，湯底較旺角分店辣。「手切牛肉（細）」必點之選，牛味香濃、肉質嫩，一碟有十二片左右。「厚脂黑毛豬梅花肉」必點之選，豬肉薄身，沒有膻味「鴨血」及「凍豆腐」如有你點了麻辣鍋，鍋內已有這兩樣，吸了湯底非常入味「水蓮餃」水蓮是台灣的蔬菜，餃子麻油味較重，水蓮爽脆，菜多肉少，我頗喜歡這水蓮餃，而且其他餐廳少見「杞子菊花茶」讚好養心殿佐敦facebook 專頁便有免費無酒精飲品一杯，叫了少甜少冰，味道剛好「雜錦蔬菜盤」有生菜 菇類 粟米 秋葵「芋圓糖水」最後贈送的甜品，上次在旺角吃是熱的，這裡是涷的服務：3/5一開始幫忙下單及最後結賬的侍應比較心急、感覺不耐煩。性價比：4/5人均四百多，但食物質素是滿意的，亦吃到很飽。

養心殿我就食過好幾次，今次帶媽媽過來一嚐養生美人鍋～我地揀左鴛鴦鍋，一半美人鍋一半養生鍋，美人鍋內有烏雞半隻、桃膠、紅棗南棗、金華火腿，養生鍋內有人參、紅棗、鴨血、蜂巢豆腐等，材料好多好足料，半鍋都有足足半隻烏雞，桃膠多到食極都有，兩母女一齊補補骨膠原😂用餐前仲有柑桔冰送，飲完好開胃😈我地叫左手打丸拼盤，粒粒丸都好彈牙，質感好好，味道好新鮮，個人喜歡黑松露同鵝肝丸～脆炸響鈴有7件，好香脆！紫准山面加落養生湯底，盡吸湯汁精華，成件事好配合。手打牛肉（細）牛肉紋紅白分明，雪花油脂食落口好好味，新鮮牛肉就係咁有牛味，質地軟滑～～～Like facebook仲各人免費送一杯咸檸七～最後仲要送多個雪糕，曲奇味食到有曲奇碎，好有咬口，黑芝麻超級濃芝麻味，正呀今次真係食到肚滿腸肥呀哈哈

春夏秋冬都要打邊爐😅，有時真的會燥熱但呢間台式養生火鍋就吾會拉，仲可以飲碗湯滋潤下先再打邊爐添火鍋湯底以養生為主，有大量藥膳，初秋不太凉，而我地就㨂返美人鍋，平和滋潤，一大只烏鳮還有桃膠，紅枣，淮山，黨參⋯⋯湯非常清甜配料選擇吾算太多，但樣樣都以新鮮為主！手切牛肉，看得到的新鮮，我們都是好牛之人，所以點了大碟，份量很足，而且都厚呢，牛肉油脂均勻，食落口更是松軟海蝦上桌後還在跳😂😂真係非常新鮮，很大只，還爆膏添，街市都成二百蚊斤呢碟午餐肉超多，而且厚切，炸過後再擺入煱就少左份油膩，就咁直接吃，脆卜卜，仲正，老公至愛😍其他蔬菜類也很新鮮，豆腐也特別的滑，魚旦弾牙有魚味仲有象啤飲呀，$28支大大支，就算叫一支都跟冰桶，抵贊😎 冬天再來試下滋補湯底先！

好朋友生日食飯，愛食台式火鍋的她，今晚當然由她決定，先來美人鍋湯底，養顏又補身。湯底好足料，有全隻烏雞，杞子火腿和好多桃膠。桃膠話有豐富膠原蛋白，唔知真唔真。但湯一滾齊齊飲碗靚湯，桃膠口感似食雪耳爽爽地，既然話係養顏，當然食多幾次。隻烏雞好滑，好友話滾多陣變湯渣，鍾意食就立刻食。生日飯話要食好些，所以每人叫了一隻蟶子皇，好大隻⋯肉厚又甜，好新鮮呀火鍋當然唔少得靚牛肉，還點了千層凍豆腐。牛肉雪花又多又均勻，未食睇見就知係靚牛肉啦！而凍豆腐勁索汁，平時食痳辣火鍋就最入味。今次放補湯都唔錯，個湯底越滾就越甜，我足足飲了四碗湯，飽晒

早前食過旺角養心殿分店，食過翻尋味，今日就去左敦食來到餐廳，店員先俾杯「熱情果冰」給我們消消暑先來個雙拼鍋「秘制薑母鴨鍋+美人鍋」，滋補又美顏，好足料手切牛肉$238，布滿雪花，很嫩滑即炸脆響鈴$68，響鈴很脆口，沒有很油的感覺有機玉米 $48，玉米 in un 寬條粉質感滑口，外間小有得食芝士牛肉丸+墨魚丸，牛丸𥚃面有芝士，幾有創意自家製極品水餃行足料，新鮮農場野菌，一盤一咁多款野菌，茹味，又新鮮還有台式甜品送上Like FB 還有咸檸七送，好抵

之前看過這間火鍋的介紹，覺得湯底很補身，適逢這幾天天氣很冷，最適宜補一補，於是約友人飯聚，順道補身 ^_^幸好，一早預約，否則要等位了。一入內，感覺這裡很古色古香，地方很大，用木屏風分隔，感覺有D私隱。而且還很貼心地每枱都有個架，盛載食物！但我們坐得較入，很難叫到店員來的。如果桌上有按鈕叫店員來就好了，不用我們每次走出外才找到店員幫忙！餐牌只有兩頁......首先選湯底，湯底有六款：有麻辣鍋、酸菜白肉鍋、寧神養心鍋、秘制薑母鴨鍋、美人鍋及養生鍋。如太難選擇一款湯底，可以選擇鴛鴦鍋的 但友人亳不猶豫地選了「寧神養心鍋」，佢話睇下這個鍋是否可以去頭風，就知是否真材實料喇！寧神養心鍋，湯料有川芎、白芷、天麻、當歸、鮮雞、豬肉、鮮魚，材料很豐富，很重藥材味。未開始打邊爐，我們先飲湯。友人飲了兩碗湯立即吐氣，佢話這代表可去頭風 最初驚飲很多湯，冇得加湯，就難打邊爐喇！意想不到會加番同一款湯的，湯底都值回票價啦！更沒想到湯內的材料很多很多，食湯內的雞和魚都飽了，所以我們點的食物不多。我們再點了「招牌鹵味拼盤」、「細手切牛肉」、「蟹籽墨魚滑」及「野生竹笙」。招牌鹵味拼盤，值得推介！每款肉都很軟淋，很

今日試佐敦養心殿台式養生鍋。叫左鴛鴦鍋再邊麻辣大辣（當然我係唔覺得辣，我一個朋友話剛好，一個話好辣）但我唔理，仲叫侍應同我加辣⋯只於我唔食得辣嘅朋友就食另一邊寧神養身鍋。先講麻辣個邊除左我咁變態大辣唔覺有辣味外，整體係ok嘅，湯底有啲藥材都幾香，裡面仲有啲鴨血同豆腐，另外仲會額外多一份鴨血俾你，但過後就無得再加（不過都好過老鍋，除左湯底個幾嚿，之後要食就要俾錢，仲要唔平）另一邊寧神養神鍋好香，好重藥材當歸味，有啲似天麻魚頭湯，佢裡面都有半隻烏雞同半個大魚頭加埋啲藥材，望落好似好補⋯女人嘛⋯嗯⋯要多喝補身湯水，所以一開始都喝小半碗⋯不過好失望，雖然味道好香好濃，但同時明顯有好多味精，飲完無幾耐都幾口喝，加上2邊湯底都越滾越咸，麻辣個邊仲有啲杰tim⋯⋯所以佢嘅湯底我只係一般評價！至於佢嘅食物配料，牛肉，我地揀左細手切牛肉$238價錢合理，入口柔軟有牛味，重點佢切得厚薄、大少適中，烚半分鐘已經剛剛熟，口感咬落唔會鞋口，值得一贊跟著我地點左黑毛豬、雙拼餃子：水餃拼韮菜餃🥟、老油條、油豆腐、萵筍、豬粉腸，食物都算新鮮，韮菜餃好香似真係自家制，加埋半打啤酒🍻3個女仔埋單$1100都算合埋！另外值

近期涼風陣陣，又到咗打邊爐嘅季節，但係每次食完麻辣火鍋都成身臭味，所以今晚就決定去試吓精品養身火鍋。呢間喺吳松街嘅養心殿坐位同通道都夠闊，坐得好舒適，裝修都有特式，感覺唔錯坐低第一時間梗係叫湯底啦，每個湯底都好特別，我哋就選擇咗寧神養心鍋1食品方面，一定唔少得 手切牛肉 同 小羔羊肉片；另外仲點咗 鵝肝墨魚丸、麻辣牛肉餃、野生竹笙、滑豆腐 同埋 新竹米粉。雖然仲有好多野想試，但係得兩個人，試唔到太多野。萬眾期待嘅湯鍋出現啦！一開蓋…嘩！好足料呀！入面有半隻竹絲雞、大魚頭一個、仲有好多藥材、桂圓肉等等嘅配料。既然佢主打養身湯底，當然要飲碗湯先淥野食啦；湯頭好甜，有藥材嘅甘味但係又唔會太重，最終我飲咗兩碗先開始食野。可能因為太肚餓，我第一樣食嘅就係竹絲雞同埋大魚頭，雞肉好嫩滑，魚頭有好大舊魚雲，食落好滑，點少少豉油已經好好食；而且佢個火鍋豉油俾坊間嘅香濃，提鮮一流。手切牛肉肉質軟滑，牛味濃，好食到停唔到口。小羔羊肉片帶少少羊肉獨特嘅羶香，肉質鮮嫩鵝肝墨魚丸雖然鵝肝味道唔太出，但係都幾彈牙麻辣牛肉餃好特別，餃子皮唔會過厚，餡料彈牙，有花椒嘅麻香味，但係唔辣，唔會影響湯底嘅味道竹笙同滑豆腐都好