lulu BAOBAO 手工拉麵小籠包

營業中

休息中

今日嚟到黃竹坑食午飯，天橋派嚟呢間餐廳嘅優惠卷，任何惠顧送兩個小籠包。所以，今次就嚟咗呢度食吓上海菜。午市時段有午市套餐，一款手工拉麵+冷盤$75。有啲拉麵同冷盤要加錢嘅，我今次就試咗唔使另加錢嘅「溫柔」蔥油拌麵+陳醋小雲耳。一入座就會先比茶，茶錢$8。茶包label寫住sensory zero 嘅，我唔係好肯定佢係咩茶，不過幾好飲👍🏻套餐冷盤—陳醋小雲耳呢個比想像中好味😋調味好好👍🏻推介手工拉麵—「溫柔」蔥油拌麵就好一般嘅蔥油拉麵。麵條一段粗一段幼，所以睇得出確係人手拉嘅拉麵。味道同口感就都好普通，唔太推介。優惠券送嘅小籠包賣相唔錯，味道個人覺得就麻麻哋。小籠包啲皮太厚、肉餡又太鬆散。小籠包話哂都係上海菜嘅招牌菜，有啲失望😓環境方面，裝修都算唔錯嘅。佢唔係一般上海餐廳嘅古典中國風，係現代簡潔風格啲。價錢方面，茶錢$8、拉麵+冷盤套餐$75、小籠包優惠卷送嘅唔使錢，加埋一共$91.3。茶同冷盤雲耳味道唔錯，但麵同小籠包味道都麻麻，呢個價錢嚟講個人覺得偏貴，性價比一般。餐廳名都叫手工拉麵小籠包，但小籠包同拉麵都麻麻哋，有啲失望。

隨著港鐵南港島線發展，近年黃竹坑大部份舊式工廠大廈都經過翻新，今次到訪的LULU BAOBAO手工拉麵小籠包，亦是舊工廈翻新，1樓是這間 & Sensory Zero姊妹店，樓上已改建成酒店茶介每位$8，餐牌只有一張點餐紙雞絲粉皮&滷水牛展作為冷盤小食，兩者都明顯雪得過硬，尤其是牛展又硬又沒什麼味道清湯菜肉雲吞麵&蔥油雞絲拉麵麵條應該是即場人手拉麵，麵質彈牙新鮮爽口，不錯冰花鍋貼&手工小籠包熱辣辣上檯，小籠包皮薄適中、夾落唔容易穿，配埋醋食肉既鮮味更突出，冰花鍋貼在油煎後餃子底部形成一片薄薄冰花般的脆皮，多了酥脆口感及焦香味道

有驚喜。麵食落感覺新鮮；排骨炸得幾香，肉唔係實的的（因夠肥）；小籠包多湯肉夠肥美。唯一無咁鍾意的係鐵板小籠包，可能因為蒸完再煎，肉反而煮得太耐，鞋咗。個set起價大概$100，但king ling kuang 冷加加埋埋要$150，重未包特飲。所以係比較貴，但比起坊間連鎖式上海XX嗰D，好食好多，我覺得值。如果你好似我咁，小朋友在附近One Island South有堂上，可以試下黎呢間dum下時間，唔使次次去Pizza Express或Eric Kayser。😅