米走雞 (太子藍馬之城)

營業中

休息中

有時去開旺角一帶，上呢度搵下附近有乜餐廳，經常search到呢間店，它的名稱真的很容易記，咪走雞。今晚又黎旺角，突然間我和太太都想食雞煲，便第一時間想起呢間，就黎試試。我們大約6點半便到，由於時間倘早，仲未有好多人，一上到去就可以入座。但座低後大約15分鐘，全店爆滿，所以如果下次黎，最好book位先。睇一下個餐牌，見到有2種鍋底："黃金芝士" 和 "火焰麻辣"，由於我們都喜歡辣多過芝士，所以選了"火焰麻辣"鍋底，3辣度。跟住再點左太太喜歡的牛栢葉、蟹柳，而我就選了雪花肥牛、手打五寶丸拼盤、鮮製四拼餃。另外我們都點了咸檸七，去降下火。不用等好久，雞煲已上，應該係點完後，厨師收到Order，即時放好雞、材料、醬汁，便上枱，再等枱上的電爐煮熟。不過我覺得d雞應該有炒過一下的，否則要等好久才能開蓋食。點知煮左一會，有個waiter過來，開蓋，倒一盤液體入去，再點火！全個鍋即時燒出火焰，哦！原來火焰麻辣就係指呢個火焰！意想不到！再過多一會，又有waiter過來為我們加醬汁入去攪拌，即時嗅到一陣陣麻辣味。試完d麻辣雞之後，覺得個味道好特別，跟以前食過的麻辣味有點不同，但都非常好味。而且這裡雞煲裡的

這是太子的樓上店。升降機門打開，看到一缸魚，應是用來阻隔後面的餐桌用，令等候的人不會打擾用餐的食客。右邊的房間可容納十二人，自成一角。內裡的環境尚算闊落，有卡位坐，方便聚會聊天。近出口位的座位間隔寛闊，內裡後半排桌與桌間的距離則較小。侍應先送上一盤調味盤。可先點菜再用調味盤，桌上空間有限，用後會收走，所以可以先多盛一點，以免後面再請人來加。有雞煲和火鍋湯選擇，我們不吃雞煲，直接點火鍋湯。另一張點餐紙是單點食物，較多人點各類牛肉和手打五寶丸。我們也跟著點手打五寶丸，畢竟魚丸常見，但手打丸每間都不一樣。我們點了蕃茄粟米湯($68)，這個湯底用上很多茄膏，令整碗湯都是茄汁顏色，有點太鹹，選鄰桌的惹味沙爹湯($68)會較香和好喝。紅棗薏米蜜($68)和竹庶茅根($68)都是較多人點的飲品，大大的一瓶足夠四人喝。我們點了一瓶紅棗薏米蜜($68)，在一般的火鍋店也找不到這款飲品，從瓶外可見用料十足。點了一個紅薯粉($14)，比出前一丁($14)及辛辣面($18)等健康。紅薯粉是剛好一人份量，不會覺得靭。打邊爐怎少得海鮮，越南虎蝦($98)大隻件數多。打邊爐必點蝦，聽到鄰座說這些蝦抵食，便點了一碟，

近排天氣時冷時熱，我和朋友閒聊時不謀而合都想食雞煲，湊巧日前有同學介紹「米走雞」的芝士雞煲，所以我們即刻book位去「米走雞」本身我和友人約了7:30pm門口等，點知早了半小時放學，好彩門口waiter好好人!!!我們7點去到都可以即時我們進去，不用四圍走~入到去未點雞煲先上醬料，仲要有六款調味任揀之後想也不多想就即刻叫了「自創黃金芝士雞煲(小)」— $168我這個芝士控當然要「激量芝士碎」啦雞煲一上檯，開蓋「相機先食」，發現不止芝士激量，洋蔥都同樣增量了!!!當芝士慢慢開始融掉時，激量感更甚!隨手夾起一塊雞件就已經輕易看到「拉絲」的效果!!!芝士份量足，質感亦頗濃稠的，整體來說，芝士雞煲應該沒有味精，不是只有咸味，不夠「芝」味的那種雞煲。真材實料值得一讚食完芝士雞，再加入芝士湯，開始shabu shabu~由於一行只有兩個人，所以只叫了兩款火鍋配料，一於實行「貴精不貴多」的心態手切新鮮牛頸脊(小) — $208朋友在三款牛肉中選了中價位的牛頸脊，手切的當然不會像用機刨出來的肥牛般薄如紙，肥瘦均勻，放入芝士湯內沾上芝士湯的味道，對於我這個芝士迷來說，簡直好味到令人感動另外，我叫了「手打

朋友仔生日，知佢係芝士控，又鍾意食火鍋喎，一於去食芝士雞煲啦! 黃金芝士雞煲 - 有別於一般雞煲，呢款芝士雞連唔食得辣嘅朋友都食到，上枱一邊興住，一邊睇住啲芝士溶，已經流晒口水，再試吓啲雞，又滑又有芝士濃香，果然係招牌，正呀! 食完啲雞就可以加湯，keep 住啲芝味打邊爐。日本廣島蠔 - 好肥美，食落好 juicy，唔錯。日本鮮帶子 - 帶子好鮮，一啲都唔韌，好味。手打五寶丸拼盤 - 啱啱晒心多多嘅我哋，可以試多幾款丸，我自己就最鍾意食彈牙嘅蝦丸。翡翠苖 - 好新鮮，爽脆又清甜，仲索咗啲芝士味。油麥菜 - 食返啲菜平衡返，又可以再繼續食落去。脆鯇片 - 脆鯇片好彈牙結實，好有魚味。西班牙黑豚肉 - 黑豚肉嘅脂肪分佈平均，一睇就知係靚貨，食落甘香無渣，仲要好有肉味，好味。鮮炸響鈴 - 每次打邊爐必叫，因為可以吸盡湯底精華，香口得嚟又帶有陣陣芝士味。竹蔗茅根 - 食打邊爐咁熱氣，飲涼水下下火就最啱，味道唔會過甜。最後每人請埋朋友埋單都係三百幾，好味又抵食呀!

有朋自遠方來,朋友由台灣黎咁帶佢食下好野今日黎到旺角既米走雞食佢個芝士邊爐因為朋友特愛今晚叫左以下食物黃金芝士雞煲,竹蔗茅根,西班牙黑豚肉,日本廣島蠔,日本鮮帶子,手打五寶丸拼盤,油麥菜,翡翠苗,鮮炸響鈴,脆鯇片黃金芝士雞煲---打邊爐最緊要係咩,緊係湯底啦,先黎過芝士雞先,好香口既芝士加埋雞混起黎食,超正呀西班牙黑豚肉--好香既豚肉味,食落好有豬的味道呀日本廣島蠔--滾黎食,香口,好有蠔味日本鮮帶子--帶子仲有金菇,粉絲,一碟滿足3個願望啦,帶子都算厚身,都好鮮味,正呀手打五寶丸拼盤--5星戰隊咁,5隻口味....D丸唔會好粉咁,係好足料真係好好食,各有特色,鮮味油麥菜--好新鮮,落入芝士湯底黎打邊爐吸一吸味好正呀翡翠苗--加入去一起打邊爐離奇咁夾咁好食,新鮮就基本野仲有夾味鮮炸響鈴--拳頭咁大既鮮炸響鈴,好正呀,吸埋芝士底,COOL啦啦,爽呀脆鯇片--新鮮既鮮味,爽口竹蔗茅根--5餅2魚咁,飲極都仲有,夠晒4人一起飲,好過飲汽水呀,又清熱,正呀

朋友生日，佢想食雞煲。即時想起米走雞。上次去了銅鑼灣店, 咁岩又係吃生日飯。今次呢班朋友喺九龍人，而且收工比較夜。今次去旺角店，方便大家，因為喺太子地鐵站附近, 非常就腳。又是先來一個火焰麻辣雞煲，辣的程度有得揀。朋友是初級組，所以㨂左BB 辣。店員會幫忙點起火焰，跟手炒番幾下，D麻辣香味四溢。食到咁上下，就加湯底打邊邊。至愛白膳片，肥美虎蝦大大隻，好鮮甜打邊邊不可以少的⋯⋯小丸子 & 餃子。選擇困難症的人縂愛拼盤。五色丸-墨魚丸、蝦丸、鯪魚丸、豬肉丸、牛丸四拼餃 - 水餃、牛餃、雲吞、韭菜餃牛魔王不可缺的肥美雪花牛肉。真的太豐富，不自控的食到抱著個肚走。太美味。

一講雞煲，身邊好幾個朋友推薦呢間，抱著不妨一試的心態去晚餐。芝士雞煲沒有想像中膩，用料質素不錯之餘款式配搭有心思有創意，可以一試為左芝士雞煲而黎，不過其他煲都幾特別。雞煲除左醬汁係芝士，面頭仲有芝士粒，可以選份量，上圖係適中嘅量。雞好大件，入味得黎肉質好嫩滑。芝士好惹味，亦唔會好膩，老土都要講句，好邪惡呀！雞食得七七八八，加湯食埋芝士火鍋兩人食的話小份都足夠，牛肉唔算嫩滑但好濃牛味，亦唔會太肥，配芝士濃湯估唔到咁夾一試過試五款手打丸，真材實料。最愛蝦同墨丸，食到蝦肉同墨魚粒，好彈牙。竹笙爽口得黎吸哂湯底嘅精華，點會唔惹味！娃娃菜比想像中大份，新鮮菜本身有甜味，煮「林」少少吸收湯底，已經好夠味。推薦響鈴，份量好大，浸落芝士湯底食真係好正創意食法，加上用料靚，每樣份量又好大，確實係食得好滿足！

芝士是我最愛的食物之一，而雞煲我每個月最少吃一次~但就從未嚐過芝士雞煲，不知道芝士X雞煲又會是怎樣的滋味?是夜約了好友到芝士雞煲相當出名的”米走雞”，六點多到，入座率也有一半，幸好一早訂了位。店舖通風做得不錯，地方寬敞，座位舒適。雞煲芝士碎份量可自行選擇，芝士迷的我當然選激量!2-3人建議選(小)雞煲~激量芝士碎果然非常多，芝士及洋蔥碎鋪滿整個雞煲。待芝士慢慢溶化就可以起動了!濃濃的芝士香氣非常吸引，雞脾肉肉質嫰滑啖啖肉，每一件雞件被芝士包圍住，芝士味濃但不會過咸，每一啖都令人非常滿足!之後就加芝士湯打邊爐，值得一讚是米走雞加湯是芝士湯而非普通清湯，不用擔心芝士濃香味減退~特級雪花肥牛 HK$108牛味香濃，油脂分布均勻，脂肪比例剛剛好，新鮮肥美!手打五寶丸拼盤 HK$88五寶丸包括鯪魚丸、牛丸、豬肉丸、墨魚丸、蝦丸。岩哂選擇困難症又愛試新東西的我!五種丸類均爽口彈牙，真材實料!翡翠苗 (半份)HK$22翡翠苗新鮮爽甜，非常幼嫩!

之前聽朋友說，「米走雞」的芝士雞煲超正，雖然我對雞煲不是特別熱愛，不過食完之後真的覺得她沒介紹錯！這個芝士雞煲真的「冇得彈」！*黃金芝士雞煲(小)($148)這裡的雞煲有兩款，一款是芝士，另一款就是麻辣。不太吃得辣的我，二話不說點了芝士。等了一會兒，雞煲終於上枱。用電磁爐加熱至芝士熔化，我們就正式起筷！雞件比想像中切得大件，二人吃的話，其實都已經飽飽地；芝士味很香，但不會太濃太漏；雞肉很嫩滑，而且吃得出用酒醃過，除了芝士味之餘，亦帶有酒味。吃完雞之後，就可以加芝士湯，十下十下！低估了雞煲的份量，又高估了大家的食量之下，點了很多配料。*蜂巢冰豆腐(半)($18)以為寫著半的份量，不會太多，但是一上枱，真的嚇一跳！蜂巢冰豆腐是結冰的，烚熟之後變軟，質感有點爽爽的，而且吸了湯汁，很快入味，但是不能煮太久。*手切新鮮牛頸脊(小)($208)打邊爐又怎能少了牛肉呢！？因為和牛實在太肥，所以點了牛頸脊。雪花可能不及和牛多，雖說不上入口即溶，但是牛味很濃郁，而且不會有根。雖然是點了小，但是份量比想像中多。*手打五寶丸拼盤($88)打邊爐的另一寶就是丸類了，不過如果是冰鮮的丸，我當然不感興趣，所以點了

今晚係我爸爸的農曆生日，所以我決定帶他出去吃飯慶祝 因為爸爸都比較大食，所以吃一些中式的菜式會比較合適 今次我就選了這間雞煲和打邊爐，這樣他應該一定會飽吧我們先點了一個芝士雞煲~細之後我們再慢慢看有什麼食材想點由於我們都是第一次來吃，所以我也不清楚雞煲的分量有大概多少。。所以我們都是等見到雞煲後。。才決定再加什麼食材細分的雞煲分量其實也不少，我看到上面有滿滿的芝士，洋蔥。。內裏仲有很多雞件的當芝士溶化後更清楚看到雞煲內的雞數量也很多，而且都比較大件的。。服務員會把我們的火調至保溫，然後我們便開始進食雞了每一件雞被濃濃的芝士包圍著，而且雞切得大大件，所以吃起來會啖啖肉很芝味當雞煲內的雞差不多吃完的時候服務員會加入湯之後我們便開始打邊爐這裏大概有七至八片羊肉 羊肉沒有羊騷味而且較一般打邊爐的羊較為厚切， 吃起來啖啖肉。。但由於羊也比較快熟，所以放了落煲一會兒，都很快會熟透很快可以進食五寶丸分別有五款：有蝦丸，豬肉貢丸，鯪魚球 牛丸，墨魚丸可能是手打丸的關係 肉質相當彈牙而且很足料我最欣賞的分別是蝦丸，豬肉貢丸和墨魚丸蝦丸咬下去的時候可以清楚看見有蝦粒， 十分新鮮甜和彈豬肉貢丸咬下去時會看到

久聞呢度有得食芝士雞煲啦，今次就約左幾個中同黎食。不過我唔小心遲到了，係對住d老朋友先會遲咁耐好彩佢地都冇怪我，同埋食住等算佢地都幾醒目啦，叫左我最想食既芝士雞煲，仲要係大既，＄188呢個價真係唔貴啦見到個煲好多芝士，夠哂香又有咸香，不過就唔係好似平時食既雞煲咁惹味，因為佢係芝士丫嘛佢地仲叫左幾款野食都好得意，分別有好多粒既手打五寶丸，全部都係手打架真係粒粒都啖啖肉呀仲有呢款「麵」佢地特登等埋我一齊玩，我都係第一次咁樣擠d「麵」出黎，其實係類似魚滑，不過用左比較得意既手法去present咁。入面加左黑松露，所以都好香食得多重口味野要食返d油麥菜清清個胃，好新鮮！同埋呢度既野飲都有好多選擇，特別係咸檸七真係將個杯雪凍左先，都幾細心架

呢排天氣突然變到咁凍，前個幾日直情係出到街都凍到震個隻。咁既情況下梗係想食下暖粒粒既食物，與他都突然諗起位於長沙灣既芝士雞煲。前前後後都食過三次，今次知道太子開左分店，放工後又去食第四次了，諗起都肚餓! .太子店既位置係超就腳，一出地鐵站行一分鐘就到。太子分店係屬於樓上鋪，空間比長沙灣店大得多，而且冷氣都開得頗強勁，相信夏天都可以舒舒服服咁嘆住冷氣食雞煲。.餐廳除左有招牌芝士雞煲外，仲有火陷麻辣雞煲、還有其他平時見開既火鍋湯底，好似沙嗲、四川麻辣、蕃茄粟米和皮蛋莞西湯底等，我地係芝士迷梗係揀前者啦，而且餐廳加湯係加芝士湯，咁就唔怕芝士味會被沖淡。餐牌上的選擇不少，分左海鮮、肉類，丸類、蔬菜及菌類、手打鮮製和粉面等，有不少款式更可以話係新奇的火鍋材料，好似榣柱鯪魚滑、Wasabi鮮墨丸、竹笙墨魚滑這些等等。.黃金芝士雞煲(細) $118黎得呢度梗係又叫左芝士雞煲，雞煲用上幾種芝士所製，見到滿滿的芝士鋪係面，真係好吸引! 味道方面小妹覺得同之前食既差唔多，水準依然。但你唔好諗住佢既芝士係好濃郁個隻，佢地既芝士食落唔會好膩同飽滯，食落有陣陣芝士味之餘，又唔會蓋過晒火鍋食料本身既味道，小妹覺得

雞煲在香港已經興起了一段時間, 有麻辣有芝士有穫仔當然都有普通清湯的啦... 今晚我就約了2個大學的波友一齊去食芝士雞煲! 皆因這間舖在朋友圈中已經傳了很久, 但長沙灣店又有點不就腳, 加上長期一條人龍... 幾經辛苦, 我今晚一早訂了枱, 跟大家一起「米走雞」!分店開在太子地鐵附近, 2分鐘就到了, 而且全層都是米走雞, 絕對不用擔心找不到~  裝修都較舒適, 6個人可以坐卡座, 4人座位都不小也是挺舒服 其實這裡除了芝士雞煲, 還有麻辣雞煲的, 不過相信10個有9.5個都是選擇芝士的, 下次再來我希望可以食麻辣! 餐牌上有芝士配搭推介, 基本上都是我的最愛, 所以我們全點了! 其他火鍋常有的配料都不缺, 好像丸類肉類, 大家也可以隨意加配黃金芝士雞煲嘩嘩嘩! 我們3個人點了一個小的, 雖說小, 但都有很多雞件! 滾起後就見到芝士一絲絲地纏繞著雞肉, 襯熱騰騰的時候食芝士味十分濃郁, 雞肉亦十分滑溜, 是上乘之作! 我亦非常喜歡內裏的洋蔥, 滿滿的芝味!鮮炸響鈴相信響鈴是不少人火鍋必食的佳品, 喜歡的我們更加不可以錯過, 我在未加湯的時候已經忍不住試了一卷, 襯芝士湯底仍然十分濃厚,