吞POT 雞煲火鍋.住家菜

營業中

休息中

今個冬天因為疫情嘅關係少左去打邊爐🥲但係熱愛打邊爐嘅我決定捉緊冬天嘅尾巴約埋好朋友一齊去食雞煲🥘上網見呢度位置方便 係旺角站一出就到而且仲好大份抵食 所以就黎左呢度食😋.上到去估唔到打邊爐嘅餐廳都有夜景睇🌃平日通常係高級西餐廳先會有咁靚嘅景色.一去到店員就俾左醬料我地自己調製佢亦都有提到有需要可以再添不過食完就知原來唔使咁用心去整醬料因為湯底同食材嘅原味道已經夠晒豐富（醬料每位$12）.🌟胡椒豬肚雞煲 （$178）今次我地兩個女仔叫左半隻雞🐔估唔到份量會咁多湯底好香濃 可以稱得上係煲出黎嘅例湯並非只係用黎做配菜，普通、淡而無味嘅湯底最欣賞嘅係真係食到好大陣胡椒味成個煲好足料 主要食材有雞件同豬肚而且仲包埋好多蔬菜 例如栗米🌽、白蘿蔔、菇 、芽菜、枝竹都幾健康 仲入曬味添豬肚亦都好難得咁冇腥味同埋一D都唔韌 食落夠爽口.🌟手打四寶丸 （$118）由於我地都好大食嘅關係我地再加左手打四寶丸🤪四寶丸每款有兩粒 啱晒想一次過試晒唔同口味嘅朋友!當中包括左手打牛丸、手打蝦丸、手打墨魚丸、同手打黑墨丸夾起上黎已經感受到好真材實料因係好實淨同墜手 唔似得平時外面麵粉多過魚肉咁輕飄飄個人最鐘意黑墨

前幾日同左朋友一齊做完瑜珈前，突然好想食雞煲。咁啱朋友前排同同事食飯時食過一間叫呑POT的雞煲餐廳，而且因為雞煲的煲有少少藥膳未，同其實一般雞煲有啲分別，所以我地就揀左呢間餐廳，打電話去BOOK下，睇下仲有無好，真係好彩今日仲有位。呑POT都算易揾，係旺角道轉入太子方向的彌敦道，行前少少就到。一入到餐廳個層，見到門口有雞公仔就知係佢啦，好容易知道已經搵啱。我地居然好好運可以坐到窗口位，因為餐廳位於大廈23樓，可眺望大角咀。吞POT會按人頭每位收醬油10元，但係選擇不少，配料都新鮮，又可接個人喜好揀配料。我地揀了一個香辣雞煲BB辣，因為雞煲之後會預你加湯打邊爐，所以就算係BB辣，都會比較偏辣，但係雞件可口又帶有少少藥膳味道，比較特別。半隻雞兩個人加埋都食左約十件，大細同多少都恰當，可以有位再食埋打邊爐。邊爐食材我地揀左脆肉鯇片、手打四寶丸、皇帝菜，仲有揀了一個炸魚片頭小食。炸魚片頭會配一個甜酸醬，魚片頭脆卜卜好好食，再點埋個醬，味道有D似炸鯪魚球，魚片彈牙，三角形的切割令到四方八面都變得香脆。脆肉鯇片的厚薄適中，焯幾焯就上碟便會剛剛好，加上雞煲味濃，不用加太多醬油也好食和夠味。菜蔬方面就

最近連續幾日陰天, 落毛毛雨, 令到個人都冇咩活力, 突然諗起香噴噴既雞煲同打邊爐即時癮起, 而早排係旺角收到張傳單主sell雞煲+火鍋, 餐廳名令我印象深刻, 叫"吞POP", 於是book定位今晚同舊同學放工後食餐雞煲醒下胃。打邊爐當然要混醬, 醬油 HK$10/位呢度有7款雞煲選擇, 每款亦可自選半隻/一隻雞, 而我地就揀左【香辣雞煲】HK$138/半隻雞雞煲已經預先調味煮好, 一上檯開蓋已經食得, 有火爐滾住, 個汁比較杰, 要快食再加湯打邊爐, 否則好易痴底。雞煲有走辣至大辣不同程度選擇, 而我地就揀左bb辣, 但食得辣既我, 都覺得辣度非bb辣級, 唔食得辣既朋友建議都係走辣。不過雞煲係辣辣地先惹味, 雞煲內有大量洋蔥、半隻雞既雞件, 醃得好入味, 不能煮太耐, 否則雞件冇咁嫩滑。【手打四寶丸】HK$95分別有牛丸、蝦丸、墨魚丸、黑墨丸, 雖然沒有彈牙口感, 墨魚丸中有少少墨魚幼粒增加口感。【自家制鮮蝦雲吞】HK$60雲吞中既蝦雖然不是原隻, 但蝦肉是鮮甜爽口, 雲吞中有淡淡既韭菜味。【脆肉鯇片】HK$58鯇片開邊, 近魚皮位幾爽口【皇帝菜】HK$30色澤嫩綠清甜

行完山最岩就是刷大餐友人建議去吞pot，我還一時反應不過來，去邊吞pot啊？原來是這間吞pot雞煲😂個名已經夠曬吸引星期日晚18:00上到黎，不用等位，直接入座。環境一流位於23樓，可以飽覽旺角風景，而且天還未黑，店舖內采用自然光，好舒服枱面就有餐牌和點菜紙，好吸引，即叫即整，新鮮食材，不知道味道如何落單同時，店員好快手攞醬料，每位收費$10，混醬時間又開始了😂好香啊我們揀了胡椒豬肚雞煲，半隻雞，估唔到份量都多大大件，雞好嫩滑，時間剛剛好，一上菜就可以食，雞肉也吸滿胡椒湯味道，十分入味豬肚好乾淨，好新鮮，爽口又滑手打四寶丸上場，真係即叫即整，好有誠意，不似外面打邊爐的急凍貨爽口，多汁，牛丸最正墨魚丸都好好食，真係好新鮮，咬下去都有新鮮的肉汁彈出黎朋友說不得不叫這款芝士嚮鈴剛剛新鮮炸起，先試一口，好薄好脆，不油膩，中間有濃濃的芝士，再放入火鍋一，兩秒，芝士受熱溶化，仲正一定要試，冇介紹錯最後叫了個菜菜藍，份量多，兩個人食唔曬，還想試更多配料，但是兩個人真的吃不完，下次再拖成班朋友一齊來再食高質雞鍋火鍋

吞POT喺23樓全層，一出𨋢就到餐廳唔算好大，但都坐都好多人，仲好闊落嘢食方面，除左雞煲，仲可以淨食火鍋，仲有小食今次嗌左莞茜皮蛋鍋，湯底仲有啲菇，好香四寶丸包括牛丸、蝦丸同埋兩款墨魚丸，全部都好彈牙，值得食頂級雪花肥牛都幾正，唔會太多肥膏，又有肉味，可以一試個人推薦脆肉鯇腩，肉質厚實，又唔多骨，非常好味蜂巢豆腐一共有6塊，全部都切得好厚身，口感煙韌，唔錯響鈴係自家炸，所以擺上枱嘅時候熱辣辣，誠意十足最後皇帝菜份量都好多，兩至三人食啱啱好

朋友介紹這間吞pot好食，所以前去一試。地點唔難搵，在大拇指隔離，搭上23樓，一上到去見到特大魚缸和大大嘅魚。坐在窗邊枱，可以俯視旺角街境，甚至大角咀都見到（見到公司了＝0＝）雞煲用傳統gas爐，有種住家打邊爐嘅感覺，雞煲有6款，有辣和滋補選擇。胡椒豬肚雞煲BB辣級數有胡椒香僻走腥味，帶出豬肚和雞的鮮甜煲裡仲有腐皮、粟米、菇……純食一個煲都夠2人食，但出黎食點都要加菜另外加左其他餸：爽滑彈牙嘅手打四寶丸和鯪魚滑鮮甜嘅淮山新鮮嘅菜菜藍除左食物，聚餐又點少得啤一啤