風雲排檔

營業中

休息中

風雲排檔，位於旺角瓊華，地點便利，中式新派裝修風格，位都算幾大幾舒服🤞🏻餐牌如其名，做大排檔小炒，款式都多，仲有啲川式風味，啤一啤慢慢揀🍻椒絲腐乳唐生菜，幾大碟下，腐乳味炒得幾香😳唐生菜好夾個腐乳汁，惹味👍🏻招牌三杯雞煲，配料好夠所以風味都唔錯，個雞件醃得幾好味😋清蒸倉魚，倉魚夠鮮！肉滑，配左薑絲葱絲椒絲，特別好味😘孜然炒牛肉，既然有做川湘菜，梗係要試下，上枱已充滿孜然味，滿滿炒淋左既洋蔥🧅浸住係啲汁入面，好味！牛肉大大塊，同醬汁好夾，幾唔錯既小菜😇蒜香風沙骨，驚人賣相，啲炸蒜多到滿瀉，勁香，⼀口size風沙骨，腍身有肉汁，配埋蒜食正😄整體小菜質素幾高，價錢相當相宜，見到隔離有炒粉同炒飯大碟到呢😜又⼀個難得性價比高既排檔🔥

之前已到過這間餐廳用餐，今晚和朋友再訪，發現餐廳改了名：「風雲排檔」。由麻辣川菜變成鑊氣排檔小炒，新菜式就更要試試。好久沒吃乳鴿了！BB鴿開邊斬件，進食方便。乳鴿皮炸至微脆；鴿肉滑溜，有滷水香氣。附有淮鹽和醬油供蘸點。香氣撲鼻的三杯雞煲，雞件與乾葱、九層塔、薑片等一起炒，充滿鑊氣。雞件肉質軟嫩，煮得非常入味，除了有九層塔獨有的香氣，還有少許麻油香。入喉後還有微微辣感滲出，用來下飯一流的小菜！好邪惡的黃金雞中翼！雞中翼先經炸香，再沾上鹹蛋黃碎。鹹蛋黃入口有起沙感，雞翼肉質嫩滑juicy。脆口又鹹香的味道令整道菜變得更惹味。不過就相對容易有膩感。萵筍切片，與蒜蓉粒一同炒香，份量都幾多。萵筍片入口清脆又有爽感，味道則帶有微微蒜香。炒飯粒粒分明，飯粒有彈牙感。配以瑤柱絲、蛋白、菜粒和葱粒同炒，每一口飯的味道、口感都十分豐富。