四寶食堂

營業中

休息中

店內光猛又整潔，用了湖水綠作裝修的主調，以港式茶餐廳來說環境的確不錯，坐得舒服，而且食物定價合理，店員友善，所以經常大排長龍。午市經典常餐 $55🔹️招牌沙嗲牛肉公仔麵湯底加左沙嗲醬汁，沙嗲醬汁份量足，味道濃厚，仲食到一粒粒碎花生粒，花生味香濃；牛肉份量足夠，肉質唔會過份軟腍有嚼勁；公仔麵煮得爽彈。🔹️煎蛋蛋白中間包裹著一顆流心蛋黃，將整個流心蛋黃放入口，好滋味。🔹️提子酥牛角酥片包裹住葡萄乾，啖啖香甜鬆軟香脆，酥底也不會油淋淋。🔹️熱檸水跟餐飲品，熱檸水有足足4片檸檬，足料！

今日難得放假，去吓銅鑼灣行街，經過一間茶餐廳，見過裝修好靚，仲要出面有人排隊，價錢喺銅鑼灣來講算抵食，試試佢！見到個餐牌有沙嗲牛肉麵，隔離枱又食緊好似好正5分鐘內出晒所有餐，超級快！一嚟就已經聞個牛油多士好香，咬落鬆脆！有驚喜👍🏻👍🏻推薦大家食！配埋炒滑蛋一流呀！以為個沙嗲牛肉同普通茶餐廳差唔多，點知越食越過癮，湯底好正，好入味，牛肉亦都好有口感👍🏻👍🏻推薦！！去到必嗌！凍檸茶好快就到！夏天熱辣辣飲一啖真係好鬼爽！！檸檬仲要係新鮮👍🏻叉燒滑蛋飯見到個餐牌就已經好想試吓，實物果然同餐牌一樣吸引，成個飯都鋪滿滑蛋，勁開心！叉燒肉都好好食！最後嗌多個吞拿魚餐，外皮煎到好脆，好得意，幾新奇。整體感覺，出餐好快，5分鐘內全部到晒，勁！

冰室正位於銅鑼灣廣場的後方—謝斐道，相當鄰近地鐵站，位置便利。店內裝修新穎，牆身滿佈假花，是少有帶打卡味的冰室，午餐頗多選擇，價錢也公道，不用加一服務費。招牌沙嗲牛肉公仔麵 - $54沙嗲牛肉麵絕對是冰室的中堅分子，必點之選。厚薄均勻的鮮牛肉，肉味和口感剛巧，秘製的沙嗲醬汁鹹香帶辣，又有濃郁花生香；嫩滑炒蛋軟綿滑溜，不會太老；牛油丹麥多士轉菠蘿油加$8，外層表面的脆皮香脆，夾著微凍的牛油，好邪惡。喜哥蔥油豬扒太陽蛋飯 - $62超大塊的豬扒肉厚又鬆軟，煎得略帶焦香好香口，連白飯也拌有少許醬油，再加上蔥油更添油香，還配太陽蛋和沙律菜。英式煙三文魚班尼迪蛋配凱撒沙律 - $65班尼迪麵包好鬆軟，滿佈肥美豐滿的煙三文魚，帶點煙燻香，流心蛋切開流出濃濃的蛋黃汁，口感濃稠順滑；沙律拌以凱撒醬更惹味。雪糕紅豆冰 +$15面上有一球雲呢嗱雪糕，紅豆起沙好軟綿，充滿奶香。港式奶茶紅豆冰 +$15鮮展換上店家招牌的奶茶，茶味醇濃，入口順滑。華田雪山 +$15濃郁的華田加上滿滿的忌廉，邪惡得來，又帶來甜味和一絲順滑感。

週末在銅鑼灣Donki shopping時，經過這間四寶食堂醫醫肚。內裡裝潢和平時常見的茶記不一樣，竟有充滿少女味的打卡花花牆。餐牌亦有超多款式，以銅鑼灣地段來說，價錢不貴。港式常餐 $50常餐可說是港人最愛、最經典的茶記配搭，平時我去茶餐廳也多是選常餐。炒蛋色澤光鮮亮麗，入口滑溜，每一啖都是半熟滑蛋，內裡包裹著豐盈蛋汁，蛋味香而濃郁，配上烘得外脆內軟的丹麥牛油厚多士。招牌沙嗲牛肉公仔麵有片片厚身腍滑的牛肉，沙嗲味香濃而不死鹹，麵條保持爽口而不過軟。英式班尼迪蛋配凱撒沙律 $88沒想過在茶記也可找到 Egg Benedict ？！煙三文魚肉質鮮美而有彈性，帶出三文魚的魚鮮味。班尼迪水波蛋煮得外熟內生，吹彈可破，蛋黃仍是處於流質狀態，刺破班尼迪蛋後，滑嫩的熔岩蛋漿亦會漸漸流出，隨即與滑順的荷蘭醬融為一體，浸濕鬆軟的英式鬆餅。公司三文治伴脆炸薯角 $60餡料超豐富，應有盡有，層層疊起後確實是一口無法掌握。中間夾著兩層餡料，有炒蛋、午餐肉、生菜、火腿、芝士、蕃茄片等等，根本就是食材的大集薈。小食拼盤 $128一盤就已集齊五款小食：水牛雞翼、香草腸、檳檸雞槌、洋蔥圈和炸薯角，一次過嚐遍多個款式

而家疫情嚴峻，當然屋企係最安全，不過有時都少不免會出外用餐，唯個時候我會盡量揀啲座位冇咁迫嘅食店。四寶食堂係一間新派茶記，裝修四正外，座位亦比較闊落，坐得舒服啲之餘，亦同鄰枱食客有一定距離。四寶食堂除左茶記常見嘅常餐同午餐之外，亦有意粉同多款西式小吃，定價雖然比舊式茶記高少少，但食物賣相同味道都交足功課。招牌沙嗲牛肉公仔麵＋嫩滑炒蛋＋奶油脆豬($58)牛肉公仔麵牛肉量都幾多，牛肉夠厚身唔會太鞋，沙嗲味幾香濃。炒蛋幾滑，仲濕濕地唔會過乾過鞋，雖然滑度未及得上澳Ｘ，但已經好過唔少茶記。跟餐原本係牛油厚多士，我加左$8轉奶油脆豬，奶茶同牛油都夠多，不過如果再烘耐少少更好。喜哥豬扒煎蛋出前一丁($52)豬扒幾大塊，有成隻手掌咁大，豬扒夠腍又入味，煎蛋都煎得靚。左: 阿華田雪山右: 凍鴛鴦常餐包咖啡茶，阿華田雪山跟餐加$7，阿華田味幾濃，上面加左忌廉，令名華田更滑。豬扒餐唔包野飲，所以另外散叫左一杯凍鴛鴦($21)，咖啡同奶茶味啱啱好，夠味得黎唔會太苦。泰式賓檸雞槌($68)雞槌一份有五隻，本身都已經醃得夠味，蘸埋泰式甜辣醬更加惹味。四寶食堂定位介乎茶記同西餐廳之間，價錢比普通茶記貴少少，但食物