映水芙蓉 (海運大廈) (已結業)

已有幾個月沒有寫食評了，不是沒有在外用餐，只是新工作太忙；有很多次試咗新食肆、映咗食物照片，但最終太忙太累，沒有寫。但今次好有衝動要寫，就算忙也要抽時間。為什麼？！話說與友人決定相約到映水芙蓉午餐，我預先一晚到open rice看看食評以便睇定午餐有什麼必叫食物，省卻時間。看食評期間，我越看越擔心，因為有些負評提到食物難吃丶服務很差丶只招待大陸客等等。我和友人親身體驗後，非常滿意。首先，食物方面，我和友人都有讚無彈，招牌菜的敲糖棒棒雞presentation靚，而且好味，麻及辣咪洽到好處，真是實至名歸；另外，我個人很欣賞伴麵，很簡單好吃。繼而，服務方面，我們都覺得很好，而這「很好」不單指一位員工，而是有接觸的每一位，即包括帶位丶落單丶上菜丶換碟丶埋單的每位。不同的上菜員工在敲糖前丶伴麵前都會問我們需否映相；負責伴麵的員工很細心，伴後出現了一個心形，有驚喜希望盡食客本份給映水芙蓉平反。至於自己，下次要約多D朋友再去，咁就可以試埋其他推介食物

呢日爸爸生日一家人帶佢食好野慶生爸爸口味都係鐘意食中菜所以就帶佢地黎呢間新開嘅映水芙蓉我哋book咗星期日一點半去到都未算好多人餐廳都唔full敲糖棒棒雞上面個袋仔入面裝住嘅係紅油侍應會問我地使唔使影相先跟住就會敲開上面個袋仔等啲紅油寫出嚟啲紅油撈埋一齊d雞感覺有啲似紅油抄手麻麻辣辣嘅感覺作為一個前菜係幾開胃沸騰湄公魚唔好睇成碗都係辣椒就以為係好辣其實係一d都唔辣（利申：我平時食開10小辣）D魚好滑～雖然碗野好多油但係啲油好清好乾淨好似水咁唔知係點樣做到個飯倒湯之前會俾你望一望倒完之後個質感好似糊咁雖然份量好少但都幾好味～呢個豬手係全家公認最好味嘅夠麻夠辣個個都爭住食叫咗兩客甜品都係熱嘅甜甜地咁都冇咩特別呢間野有樣唔好就係只係serve香片一種茶如果想開壺普洱要加$50同埋呢間野嘅服務態度認真麻麻笑容欠奉好似我哋阻住佢收工咁

聽身邊好多人都提過呢間好好食,所以一直都好想去。難得中學同學聚會，一行9人，就決定搵呢間香港少見走高檔路線既四川成都餐廳聚舊。一開始就試試呢粒看似平平無奇但內有乾坤既<<核桃沙津釀小蕃茄>>，小蕃茄咬下去非常清新，裡面既核桃早已與沙津醬混合並從蕃茄底部釀入。蕃茄、核桃、沙津醬味道互相配合，酸酸甜甜，大家都被呢粒蕃茄蕃茄驚喜到。第二道前菜有呢個外型精緻既<<千絲西葫蘆>>。師傅將翠玉瓜刨絲，捲曲成扭結狀，打卡一流!上檯後待應會淋上自家調製既香豉汁拌勻，變左翠玉瓜意粉~翠玉瓜好爽脆，香豉汁味道唔會太濃，唔會搶走翠玉瓜既清新。作為麵控既我，如果唔係要share，我絕對可以一個人KO成碟 XD緊接住有經典菜式<<蒜泥白肉>>，擺盤又係幾靚既一道前菜。每一片五花肉厚道適中,包住一塊青瓜片，可以中和汁醬既辣味。但本人略嫌蒜味唔太夠，如果可以重返D蒜味會更好。之後就到餐廳招牌人氣之選，玩味十足，亦都係我最期待既<<敲糖捧捧雞>>。以吹糖元素，將紅油包在糖衣內，食前將糖衣敲碎

香港的川菜館子越來越多，水準亦越來越高，早已不再只講求極麻極辣的刺激，而是精緻、創意、賣相及美味的組合，例如今日中午走到海港城，在剛開張只有數天的"映水芙蓉"，嚐了幾款可能在成都是地道、但對我來說是大開眼界的佳餚，例如招牌蝦膏泡瀘沽湖紅米飯及敲糖棒棒雞，溫和香辣滋味回味至今！亦驚嘆蓉城雞豆花、千絲西葫蘆及椰汁素燕的刀功與烹調技巧！ 來自中國成都的過江龍集團" 幸香滙"，據說在國內已有70多間分店，創辦人是廚師出身，入行已經30多年，擅長香辣味道較溫和及賣相精緻的成都菜，聽來已經合心意。 位於海港城 OTE 地段，即是靠海旁的位置，用餐的同時可以飽覽迷人維港景色，陽光普照下寒冷的一天，實在又是一種生活享受！ 面積頗大，佔地4000呎，門前以一道真材實料的古董雕花木門作擺設，有置身成都古宅庭園之感覺。 店內裝潢高雅大方，以紅、黑、啡為主調，放置了不少古董、花瓶或刺繡。 設置兩間貴賓房，8人及10人房最低消費分別為$4000及$5000，即是平均每人洗費$500，相當合理。 取價並不進取，性價比超高，套餐每位$498，一次過品嚐8款招牌菜，但如果人馬夠多，如有4位的話，我建議散