影片
更多
2018-07-23
1127 瀏覽
聽身邊好多人都提過呢間好好食,所以一直都好想去。難得中學同學聚會，一行9人，就決定搵呢間香港少見走高檔路線既四川成都餐廳聚舊。一開始就試試呢粒看似平平無奇但內有乾坤既<<核桃沙津釀小蕃茄>>，小蕃茄咬下去非常清新，裡面既核桃早已與沙津醬混合並從蕃茄底部釀入。蕃茄、核桃、沙津醬味道互相配合，酸酸甜甜，大家都被呢粒蕃茄蕃茄驚喜到。第二道前菜有呢個外型精緻既<<千絲西葫蘆>>。師傅將翠玉瓜刨絲，捲曲成扭結狀，打卡一流!上檯後待應會淋上自家調製既香豉汁拌勻，變左翠玉瓜意粉~翠玉瓜好爽脆，香豉汁味道唔會太濃，唔會搶走翠玉瓜既清新。作為麵控既我，如果唔係要share，我絕對可以一個人KO成碟 XD緊接住有經典菜式<<蒜泥白肉>>，擺盤又係幾靚既一道前菜。每一片五花肉厚道適中,包住一塊青瓜片，可以中和汁醬既辣味。但本人略嫌蒜味唔太夠，如果可以重返D蒜味會更好。之後就到餐廳招牌人氣之選，玩味十足，亦都係我最期待既<<敲糖捧捧雞>>。以吹糖元素，將紅油包在糖衣內，食前將糖衣敲碎
聽身邊好多人都提過呢間好好食,所以一直都好想去。難得中學同學聚會，一行9人，就決定搵呢間香港少見走高檔路線既四川成都餐廳聚舊。
核桃沙津釀小蕃茄
46 瀏覽
0 讚好
0 留言
一開始就試試呢粒看似平平無奇但內有乾坤既<<核桃沙津釀小蕃茄>>，小蕃茄咬下去非常清新，裡面既核桃早已與沙津醬混合並從蕃茄底部釀入。蕃茄、核桃、沙津醬味道互相配合，酸酸甜甜，大家都被呢粒蕃茄蕃茄驚喜到。
第二道前菜有呢個外型精緻既<<千絲西葫蘆>>。師傅將翠玉瓜刨絲，捲曲成扭結狀，打卡一流!上檯後待應會淋上自家調製既香豉汁拌勻，變左翠玉瓜意粉~翠玉瓜好爽脆，香豉汁味道唔會太濃，唔會搶走翠玉瓜既清新。作為麵控既我，如果唔係要share，我絕對可以一個人KO成碟 XD
蒜泥白肉
84 瀏覽
0 讚好
0 留言
緊接住有經典菜式<<蒜泥白肉>>，擺盤又係幾靚既一道前菜。每一片五花肉厚道適中,包住一塊青瓜片，可以中和汁醬既辣味。但本人略嫌蒜味唔太夠，如果可以重返D蒜味會更好。
敲糖捧捧雞
83 瀏覽
0 讚好
0 留言
之後就到餐廳招牌人氣之選，玩味十足，亦都係我最期待既<<敲糖捧捧雞>>。以吹糖元素，將紅油包在糖衣內，食前將糖衣敲碎，紅油混入糖衣與雞絲伴混即可。味道麻而不太辣，非常惹味！
蓉城雞豆花
69 瀏覽
0 讚好
0 留言
<<蓉城雞豆花>>上湯面漂浮既看似豆花，其實係雞肉。師傅將雞肉剁成好幼滑既蓉，口感同豆花無分別，唔講真係會以為係豆腐，又係一道心機手工菜。
沸騰眉公魚
72 瀏覽
0 讚好
0 留言
<<沸騰眉公魚>>唔好俾上面堆辣椒嚇親，其實只係虛有其表XD既一道菜。眉公魚沉泡在沸騰滾油中出奇地唔算好辣，但如果唔小心食到D香料就會幾嗆喉。
螞蟻上樹
116 瀏覽
0 讚好
0 留言
<<螞蟻上樹>> 粉絲好幼, 炒得乾身唔油膩! 好味!
招牌蝦膏泡瀘沽湖紅米飯
96 瀏覽
0 讚好
0 留言
肉汁蘿蔔心
85 瀏覽
0 讚好
0 留言
<<肉汁蘿蔔心>>將平凡既食材煮到不平凡,往往係最令人驚喜的! 只用蘿蔔中間最嫩的部分入饌，經長時間燘煮，蘿蔔入哂味，好淋身，肉汁惹味，用黎送飯一流。如果食呢道菜，記得叫碗白飯!
紅糖糍粑
91 瀏覽
0 讚好
0 留言
<<紅糖糍粑>>以糯米為主，外脆內軟，煙煙韌韌，沾上用紅糖煮成並加入藜麥的糖槳，滿口幸福感!
藜麥鍋炸
95 瀏覽
0 讚好
0 留言
<<藜麥鍋炸>>一定要試，一定要試，一定要試(重要既事要講三次)，因為真係好食到不行! 呢道幾近失傳的菜餚，類似炸鮮奶，但外面沾上藜麥再炸，一D都唔油膩，外脆內軟，食前點一點鍊奶，口感更佳!
本人對四川菜本身無咩認識，因為一提起四川菜就會自動聯想到“辣”。聽經理講，四川菜主要分成都同重慶兩個派系，重慶菜比較粒粗獷同辣， 成都菜則剛柔並濟，所以唔食得辣既人都可以一試。
映水芙蓉已經列入左我既回頭list! 下次再見!
張貼
