大隻佬麵家 (已結業)

平生最愛呷麵，特別是港式麵店。聽說黑布街有家舊店新装的麵檔，名字也改得霸氣，叫「大隻佬」，而招牌上果然是有以大隻佬作標誌，卻不是凶神惡煞令人望而生畏的大隻佬，一場路過即管一試吧！牛腩辣牛筋米($35)牛腩炆得入味，牛筋軟稔易嚼，滲出絲絲微辣。米粉口感軟硬適中，湯頭也有濃濃牛香，一碗表現中上的筋腩米，但又未至必食的程度。招牌豉油王炸醬撈河($48)不是平常吃到的那種橙紅色的炸醬，而那副賣相是有點令人倒胃口。那炸醬之下是豉油王撈麵，醬汁水汪汪的稀薄不稠，過咸的肉末尤如罐頭貨色，說是招牌，水準卻不過爾爾，並無過人之處。豉油皇炒過的生麵本身是不錯的，麵質算是爽身香口，但那炸醬實在不怎麼欣賞，加上賣相不佳，最終也沒有把撈麵吃完。店內到處也貼上猛男照片，撇除這些就是家平凡麵店，試一次就夠了。

今日下午我們去咗旺角黑布街嘅「大隻佬麵家」食下午茶！我們叫咗雲吞麵、辣牛根麵同牛丸撈麵嘅麵質非常爽口彈牙，而且相當幼身，雲吞皮好薄身軟滑，蝦肉好爽甜彈牙，辣牛根燜得好腍好入味，牛根相當軟滑彈牙，牛丸超爽口彈牙！招牌豉油王炸醬撈河嘅賣相雖然唔係好靚，但河粉嘅麵質好軟滑，炸醬嘅味道唔會過鹹，肉碎好爽滑，撈埋一齊食，真係幾惹味！總括嚟講食物出品都幾好，但價錢就貴咗少少！

諗住去食車仔麵同講轉咗menu，扭軚去食銀針粉摺咗🙄 黑仔費事再行來行去，求鬼其啦😤 好多明星都黎過呢到，有兩款麵特別出名：姐姐話料係用大地魚🐟 特別啲喎，我覺得其實同蝦子撈麵冇大分別，反而個麵質就真係要比個讚佢👍🏻 零鹼水味爽口，完全冇頂住個胃嘅感覺，好難得😍覺得好味過上面果個👆🏻 兩隻醬mix埋一齊唔會太過咸，又唔會互相搶咗大家嘅風采😃 唯一嘅缺點係好油😅另外仲叫咗個芥蘭🌱配腩汁，均衡飲食嘛😂鋪頭名叫大隻佬💪🏻 應該因為老闆係一個健碩嘅叔叔，佢同其他店員都好nice❤️ 好似同食客好熟咁💁🏻入黎食到啲咁有驚喜嘅美食，又服務態度又咁好，心情舒暢咗好多😚😚

傾完嘢有啲肚餓，行去黑布街揾大隻佬，好耐無嚟過，還記得第一篇食評是我寫的，今日唔知點解店內好大陣漂白水味，點了招牌豉油王炸醬撈河($44)及秘製豉油王撈麵($34)，雖然知道呢度豉油王撈麵會落豬油，但又其實已經慣咗會問有落豬油嗎？服務員話有，一聽完好像放下心頭大石。招牌豉油王炸醬撈河，之前食評提過與好多麵店之炸醬不同之處是炸醬顏色跟豬肉絲一樣是淺啡色，而坊間很多都是比較深色同較濃味(通常紅紅橙橙色的)，味道不會太過鹹，河粉本身不是靚貨，是幼身的但不是最滑溜的，好在撈了豉油及豬油，就是豬油令河粉滑一些，不過撈得未夠均勻，而河粉再配上炸醬一齊食後，挽回不少分數。秘製豉油王撈麵，之前食評亦提過值得一讚是師傅處理撈麵過程做得不錯，每條麵條都能均勻地沾上秘製豉油，加上豬油後完全能蓋過麵條本身之鹼水味，令麵質更爽同更彈牙之餘，亦食到好濃之豉油味，不錯！所以話豬油是靈魂！

無論幾忙，除了試食外，都想盡量記錄下自己的飲食片段，因為可以更加暢所欲言。上週一，一場實在非常麻麻地的試食後，原班人馬連同T兄來了大隻佬晚餐。這家店是食友的提議，沒留意飲食資訊的媽媽真的不知道它的背景云云，只知道食物水準比前一場甜品好多了。首先上檯是炸魚皮 ($14)，清脆可口，不帶油益味，淨吃或泡湯都一樣美味。甜魔媽媽愛吃淨雲吞 ($28)，也點了一客；一客共有9隻，身量十分小巧，女生也可輕易一口吃掉一粒，重點是皮薄肉鮮甜，襯上清徹味鮮而不太味精的湯頭，感覺很舒服。辣牛根幼麵 ($28) 很有驚喜，微辣的湯底，令稔滑微微黏牙的牛根更添惹味，加上口感脆彈的幼麵更妙了。後來看了Oph的介紹，原來這麵是這店的口碑菜式之一，大家來吃要試試了。其實個人喜歡吃牛腩多於牛根，不過是晚的牛根實在出色，將牛腩幼麵 ($28) 比下去了。不過以此價位，吃到份量不少的牛腩麵，也算不錯啦，如果牛腩肉質鬆化一些會更好。招牌豉油王炸醬撈河 ($40) 是另一款新嘗試，味道有點搞笑，那醬是咸中帶點甜的!? 而且河粉一撈易斷又散，不過整體口味也算不壞，人多貪好玩這樣一試也幾開心。自己一個人來就選點前兩款湯麵較好。最