容記小菜王

營業中

休息中

大排檔小炒一直係我至愛，成日會試唔同出名嘅大排檔，今次試咗呢間位於太子米芝蓮推介嘅容記小菜王，睇下外國人口味同我哋同唔同先同朋友叫咗3個餸兩個白飯，食完好飽，每人大約$180左右，環境幾闊落，望落都幾乾淨又唔太嘈，可以舒舒服服食餐飯🌟酸菜小食有青瓜同雲耳，甜酸度醃得好好，帶有少少麻辣，好開胃🌟揚名國際燒肉（細）果然名不虛傳，燒肉皮燒得好脆好鬆化，燒肉部位係燒腩仔，肉質瘦得黎帶有少少肥肉，食落好香，又淋又滑，點埋青芥同乳豬醬一齊食更加惹味🌟拔絲鳳梨咕嚕肉咕嚕醬汁真係煮到可以拉絲，咕嚕肉用咗半肥瘦豬肉，外面炸到脆，入面肥肉入口即溶，瘦肉又淋又入味🌟漁香肉鬆茄子煲去親大排檔都經常點呢樣，最啱用黎比較茄子煲都幾有鹹魚香味，好多肉碎，茄子都煮得淋度啱啱好下次家族飯局黎呢度食都係唔錯嘅選擇，仲可以試多啲菜式

揚名國際燒肉(細）細都有12件，啱哂2至4個人分～ 燒得幾脆口，而且肥瘦適中👍🏻佢個芥末幾特別，唔係平時見到嘅黃色，而係綠色，食落冇平時嘅咁strong 溫和啲，唔錯✅海皇撈粉絲份量超多嘅粉絲煲，面頭有好多蝦米蝦乾🦐另外仲有啲魷魚仔，比想像中豐富同埋惹味😝招牌沙拉骨沙拉骨醬整多，食落又唔會覺得heavy，啲肉整得幾軟腍，食落啖啖肉，一啖啖停唔到口👅黃金鮮魷黃金即係鹹蛋，食落鹹蛋口感偏粗，重口味人仕應該會中意🦑份量都唔少，亦都唔會覺得好油膩，不過建議多啲人分黎食🥄蝦乾啫啫皇帝苗一上場真係出哂煙，熱辣辣🔥🍲皇帝苗煮得好淋好入味，而且加埋蝦乾都幾惹味🥬

我幾中意去中菜館食飯，覺得質素同環境都好似好啲，今次同屋企人去左太子容記食晚飯，啲小菜真係唔錯喎，又多選擇，樣樣都想試下😋揚名國際燒肉(細) ($98)燒肉外皮炸到金黃色、好脆口，食落索索聲😋肉就肥瘦均勻，睇到一層肥膏一層肉，食落都幾嫩，份量都幾多👍🏼小炒王 ($98)好大份，料又足，有蝦乾、魷魚仔、魚乾、腰果、韮菜花等等，絕不馬虎，雖然有少少咸，但送飯真係一流！容記第一咀 ($88)粒粒原隻墨魚咀，炸到好酥脆，炸粉唔厚，食落卜卜脆👍🏼砵仔焗魚腸 ($98)呢碟係順德菜，唔係到到有得食，畢竟準備功夫繁複，見呢到有就叫左一份。焗出黎金黃色好似crème brûlée 咁🤣表面係食蛋餅咁比較結實，但入面既蛋係蒸得好滑，加上魚腸，有嚼口，如果灑上少少胡椒粉食，更加好食😋八味酥炸九肚魚 ($138)九肚魚好大條，炸粉唔厚，炸得好酥脆，啖啖肉，幾好食👍🏼黑啤做緊優惠$25兩罐，一路飲啤一路食香口野，絕配🤣呢到既環境比較似酒樓，但有梳化卡位，坐得比較舒服😌服務都幾好，啲菜都上得快既。平日黎都坐無虛席😮，因為啲小菜真係幾好，下次再黎就試下啲海鮮先😋.味道 ★ ★ ★ ★ ☆環境 ★ ★

📍太子太子道西123號地舖朋友仔話帶我去食一間好好食嘅燒肉飯店，咁就帶咗我去太子，好似賣豬仔咁樣😅😅。1. 揚名國際燒肉(細)🐷$98 - 米芝蓮推介同埋冇諗過啲燒肉可以咁層次分明，真係睇到脆皮，肥膏，肉嘅層次感，簡直係半肥瘦嘅黃金比例🤣🤣食落口脆卜卜👍🏻👍🏻👍🏻2. 洗衣機蒜香骨🧄🍖$98 - 食落口唔會乾爭爭，炸粉脆口，蒜香骨肉汁豐富，超香口好食😋😋3. 容記第一咀🐙$128 - 啲墨魚咀彈牙🤤🤤好有口感，炸粉脆口乾身，唔會太油，食落口卜卜脆😆😆4. 小炒王🥬$98 - 有韭菜蝦乾再加腰果炒埋一碟，食得出用咗油渣嚟炒所以未到超強，超好食😋😋5. 濃湯手打魚腐浸勝瓜🥒$88 - 我嘅至愛，個魚湯超香濃味，個魚腐超入味，加上卜卜脆嘅勝瓜，撈飯簡直一流🤣🤣餐廳喺酒樓風格，坐得都幾舒服，米芝蓮推介嘅食物一流👍🏻👍🏻👍🏻會推介啲朋友仔去試吓👍🏻👍🏻👍🏻

#wetdodo_太子離遠已經見到大大個容記小菜王招牌～環境都ok 卡位坐得幾舒服😛呢到燒味幾出名～而炒嘢都好有鑊氣同大碟🤪有機會可以帶屋企人黎試下！呢到晚市茶錢每位$10全枱會收一碟前菜費$15—————————————————————🥢揚名國際燒肉(細) $98😋：9/10話就話係燒肉～但呢個位應該係燒腩仔！半肥瘦既燒肉燒得好香微微油脂香味而調味又啱啱好唔會覺得咸而且個皮真係好脆口！比既醬汁(甜醬&芥末)份量較少但燒肉唔係幾點醬都唔會覺得漏果啲不愧係招牌菜🤓🥢容記第一咀 $88😋：9/10呢個都係佢地招牌菜之一黎呢個即是炸墨魚咀其實呢味餸我淨係試過係日式餐廳到食但未試過食咁大粒😻口感都幾爽口彈牙同埋大大粒夠厚肉 好有咬口😛上菜時啱啱炸好熱辣辣好正！幾啱做下酒菜🤫🥢小炒王 $98😋：9/10人少少但都想整番個炒嘢嘆下又想有啲菜食下咁～揀小炒王都幾好🤣呢個份量都真係幾多 好大碟下！而且就咁睇都睇得出好多配料😛有魷魚、蝦、腰果、青紅椒、韭菜、西芹同蝦米～想講啲蝦仲要睇黎係鮮蝦唔係急凍蝦仁！雖然係炒嘢 但整體食落都唔會覺得好油而且好多配料成落好滿足🥰🥢絲苗白飯 $12啲飯都煮得ok唔會落太

之前每次行去大角咀或者喺太子搵嘢食嘅時候都會路過呢間容記小菜王，見到好多人食，又寫住有米芝蓮，一路都想試下。今次時間許可就過黎試下啦。🐖揚名國際燒肉 (細) $98黎到見到menu先知原來呢到係燒肉攞獎嘅，咁可以攞獎嘅燒肉就梗係要試一試啦。侍應拎碟野埋嚟嘅時候就已經聞到燒肉香味撲鼻，燒肉配甜醬同芥末。燒肉放入口入面，脂肪同肉嘅比例啱啱好，燒肉好軟熟，炸嘅皮鹹鹹香香，燒肉算係香港數一數二好食，價錢雖然唔平，但真係一分錢一分貨。🦑容記第一嘴 $88容記第一嘴其實就係椒鹽炸墨魚嘴，有一種避風塘嘅感覺。炸皮唔會太厚，墨魚味亦保留到，如果你鍾意食椒鹽魷魚鬚，呢個餸你會好鍾意，墨魚嘴比魷魚會更彈牙更爽滑。🦐海皇撈粉絲 $88硬係覺得要叫個煲仔先可以食到白飯，所以就揀左呢個海皇撈粉絲。入面有粉絲、切成絲嘅菜、蝦仁、帶子同埋魚，都算足料嘅。味道唔錯，幾啱送飯。除左呢啲之外，我地每人仲食左一碗白飯，最後頂住個大肚腩咁走。

踏入七月,天時暑熱之際,趁待業期間,當然約好友飯局了;這次約了兩位好友,目的是有個地方坐得舒服,能自帶佳釀前去又可免開瓶費,以及食物價錢相對便宜;符合這些條件,很快便想到了早些日子曾經與另一班好友去過的聚腳點--容記小菜王!與好友商議後決定了這家食肆,就再去訂位;這晚約了七點半的飯局,因我此段時間比較空閒,七時許已經到埗了;上次聚會人數眾多,可坐包房;而今次坐回大堂,更加開揚;樓底夠高,冷氣與抽氣俱佳,燈光光亮又適中,加上桌椅位置鋪排寬鬆,置身其中相當舒適,暑氣很快便消退了!等著好友到來的時侯可以慢慢研究餐牌,從為數不少的選擇中已基本上挑選好了;之後弄妥了自帶來的佳釀,好友也到來了,問及其同意我選的食物後就立刻落單了;落單後先上來的--消暑冬瓜盅,湯料豐富,以海鮮為主;湯底調味適中,標榜不落味精;侍應生為我們三人先分好三碗後,我急不及待便喝了起來;果然,湯底味道豐富而不過於濃郁;夜香花輕輕的香味有畫龍點晴之效,以鮮蝦肉及桂花蚌為主的海鮮與冬瓜本味互融後更見細緻;湯雖是熱的,但入喉後頓覺有種清涼感!作為招牌菜的小炒王,火候與炒功是俱足的,調味也適中,蝦乾與韭黃吃來有質感及夠爽脆,配上一口